Maꞈtehˬ 5:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoerlof-aer durni, nawmaf-euq yawshaef khawf aqcawq-euq maeqshi bibya-awq. Khoerlof-aer mr nar-aq, aqcawq, nawmaf mr-eu yawmuiq jeq-anr ya’mawr ngae, mq-euq khoertav jawr-eu nawmaf-euq Aqda-anr jaceuq taef-a.

Akha

¹⁶ Kʼoeˇ gaˇ duˇ ni, naw maꞈ neh mˇ-euˬ yaw muiˬ jeˬ-ahˇ aˬ cawˬ mawˇ-awˇ, mˬ kʼoeˇ taˆ jawˇ-eu naw maꞈ-euˬ Aˬda-ahˇ ja ceuˬ ni, aˬ cawˬ mehˬ shi naw maꞈ-euˬ yaw shehꞈ yaw kʼaˆ-ehˇ bi bya-awˬ.

Maꞈtehˬ 5:16 ပူးပေါင်းရင်းမြစ်များ

1 Beˬtuˆluˆ 2:12

Nawmaf, Miqyaer-anr maqjan-eu tsawrhaq deuq-euq ghanrcae, yawmuiq jeq mrmr-aer daef-awq. Nawmaf yawdoer jeq mr-eu tsawrhaq-a laer aqyawfmaf jadoer-eu khawf, nawmaf yawmuiq jeq mr-eu gar ya’mawr-euq mirnae, Miqyaer-anr dzoer ngae nan, aqyawfmaf, Miqyaer-anr ciqhuiq ciqmanr taef-a.

Tiˇtuˆ 2:7

Aqyawfmaf dzawgeuf nya’ni, yawqjeq navluf-euq lafkhoer, nawr yawmuiq jeq taef-aer mr-awr, dawqmaeq dawqtsovtsov ngae, nuima keuv-awr yawzeu baw-eu lafkhoer, dawrcoeni maeqnaeq tsovnaeq-awq.

Yoˇhaˬ 15:8

Nawmaf arsiq ghawqmya’ni siqle-eu baqda’nae, ngaqDa yawshaef khanqsaer za-awr, nawmaf khawf ngaq-euq zaqlanr pyeuflar taef-a.

Eˇpeˇsu 5:8

Dzeurlaf ngae, nawmaf yawzanr pyeuf-eu khawf, nymq-mr-aq, Sanqpaq Miqyaer-euq lafkhoer yawshaef pyeuflar-euq mae. Khoermirnae, yawshaef-euq zaq lof-aer daef-awq.

1 Beˬtuˆluˆ 3:16

Nawmaf-euq zaqsiq nuisiq shawrjaevni bijav-awq. Khoerlof-aer bijav nar-aq, nawmaf, Kali-anr ghoe-awr yawmuiq jeq mrluf-eu gar, nawmaf maqmuiq-eu yawdoer jeq mrluf-a laer, jabu jadoer-awr dawqdoer ngaeq-eu tsawrhaq deuq ya shafdawr-ir taef-a.

1 Beˬtuˆluˆ 4:14

Kali-euq tsawrmyanr baqda’nae, aqcawq, nawmaf-anr yaeqbawq-aer aerlar nar-aq, nawmaf guiqlanqhuiq taef-a. Aqjeq mirnae aernar-aq, yawshaef khanqsaer hawr-eu Miqyaer-euq Saflar, nawmaf-euq khoertav jawrluf-eu mae.

1 Beˬtuˆluˆ 2:9

Aerkhawf, nawmaf-aq, Miqyaer nae tserdov taq-euq heuzir-euq tsawrhaq pyeuf-awr, sanqpaq hawr-eu pirma pyeuf-eu uqtaf, shawr-eu tsawrjeuq tsawrca pyeuf-awr, aqdir Miqyaer-euq tsawrhaq pyeuf-eu mae. Khoer-aq, Miqyaer nae mr-euq jaceuq paq-aer ghae-eu garkawv, dawqdzawr bimr-eu laer nawmaf-anr yawzanr-euq lafkhoer nae kurdov-awr, zanqler paq-aer ghae-eu yawshaef-euq lafkhoer sheuqur naeqlaf-euq mae. (Isy 43:20-21; Di 19:6)

Tiˇtuˆ 3:14

Nawmaf yawmuiq jeq ya’mr mae laer, aqdui-euq tsawrhaq deuq-anr maeqnaeq tsovnaeq-awq. Aqyawfmaf khoerlof-aer mr nar-aq, aqyawfmaf kharmawf-eu yawqjeq navluf javlar-awr, gar maq mrdovlaf nya-eu tsawrhaq maqpyeuf-ar.

1 Tiˆmoˇseˬ 6:18

Yawmuiq jeq mr-awr, muiq-eu gar ghawqmya jeq mr-eu uqtaf, nuima keuv-awr bif-eu taef-aer maqngeur-eu, tsawrtsir maqtsirni cawba naeq-awq.”

2 Gawˇliˬtu 9:13

Nawmaf, Kali-euq guiqlanq dawq-euq uqmov jawr-eu ma laer sarkir kamq-awr, aqyawf maf-anr khawf, tsawrhaq dawqtawv luf-anr khawf, nuima jerloni bifnaeq-eu guiqlanq-euq gar heu-anr aqcawq ya’mawr-awr, Miqyaer-anr ciqhuiq ciqmanr taef-a.

Eˇpeˇsu 2:10

Aqdui-aq, Miqyaer-euq lafzar ma. Yawbae ngae nae aqdui-anr bimr-eu laer laeqhmq taq-euq yawmuiq jeq-anr, aqdui mrmr-aer daefni, Yeqsur Kali-euq lafkhoer aqdui-anr bae naeqlaf-euq mae.

HeˬByehˇ 10:24

Khoeruqtaf, gaq-eu jeq myaqlar-awr yawmuiq jeq mrni, aqdui tiqghaq tirghaq-euq gharduq sharnoeq-awr lavnoeq lavzor kar-eur.

Dawqdaq 4:18

Aerkhawf, tsaq-awr dawr-eu tsawrhaq-euq cankawv-aq, Yawshaef bya-eu nanrma-anr dur-awr, Yawshaef bya-eu khoer, nanlov ngaeq-aer caelar nar-aq, ngaeq-aer byadzaeq lar-eu mae.

1 Beˬtuˆluˆ 4:11

Tiqghaqnav dawqngaeq ngaeq-eu ngeur nar-aq, Miqyaer-euq dawq ngaeq-eu lof-aer bingaeq-awq. Tiqghaqnav, aqcawq-anr cawba-eu gar mr-eu ngeur nar-aq, Miqyaer nae bi mrnya-euq lof-aer mr-awq. Khoerlof-aer mr nar-aq, yawqjeq navluf-euq lafkhoer Yeqsur Kali-euq baqda’nae, Miqyaer-euq yawshaef khanqsaer dovlar taef-a. Yawshaef khanqsaer hawr-eu uvlanr-eu baoq dawqtawvluf, arsaq saq-eu maqbawni aqyawf-euq mae. Aqmeq.

1 Teˇsaˬloˇni 2:12

Miqyaer uvlanr-eu lafkhoer hawr-eu aqyawf-euq yawshaef khanqsaer-euq lafkhoer urlarni, nawmaf-anr kur-euq Miqyaer-anr geuxni yawdaef daef-awq laer nga’maf, nawmaf-anr dawq bif-euq ma.

1 Beˬtuˆluˆ 3:1

Khoerlof-aer durni, nawmaf, miqzaq deuq khawf, yawqha-euq khaqdzerzaq-euq lafov jawr-awq. Khoerlof-aer jawr nar-aq, khaqdzerzaq ghaq, Yaerdawq-anr maq narhaq geuf-eu khawf, miqzaq deuq yawdaef yawmuiq-aer daef-eu gar haw-awr, aqyawf maf-anr dawqmaeq maqmaeq-euq khawf janlar taef-a.

Gʼaˬkʼehˇ 9:36

Yurbeq meuq-anr Daqbirtav laer kur-eu zaqlanr pyeuf-euq zaqmiq aqbur tiq ghaq jawr-eu mae. Daqbirtav-aq, Dawkar laer aermawf-eu mae. Aqyawf aqmyanluf yawmuiq jeq mr-awr, gamfnaeq-eu tiq ghaq mae.

1 Tiˆmoˇseˬ 5:25

Khoerlof-aer durni, yawmuiq jeq mr-euq deuq khawf byacaevni dovlar taef-a. Nymq-mr byacaevni maq dovlar-eu deuq khawf maq zaftaq nya-ar.

Maꞈtehˬ 5:45

Khoerlof-aer mr nar-aq, nawmaf-aq, mq-euq khoertav jawr-eu Aqda-euq zaqdeuq pyeuf-eu mae. Aqjeq mirnae aernar-aq, aqyawf-aq, tsawrmuiq-euq gharduq khawf tsawrdoer-euq gharduq khawf nanrma bi dovlar-awr, tsaq-awr dawr-eu tsawrhaq-euq khoertav khawf, maqtsaq maqdawr-eu tsawrhaq-euq khoertav khawf uqyaer bi yaerle-eu mae.

Tiˇtuˆ 2:14

Aqyawf-euq mawrdo lawrnaeq-euq khoer-aq, zanrdawq-anr leur-eu yawqjeq navluf-anr nae aqdui-anr kakhof naeqlaf-awr, aqyawf-euq gharduq aqdui-anr lavmuiq lavshawr-awr, yawmuiq jeq mr-eu gar nuima keuv duidui-eu aqyawf-euq tsawrjeuq bipyeuf-eu gharduq mae.

1 Tiˆmoˇseˬ 5:10

Khoeruqtaf, yawmuiq jeq mrluf sharluf mae laer tsawrter dov-awr, zaqdeuq-anr cuhuiq-awr, daqyan-anr ha-euq, tsawrshawr deuq-euq aqkuir dzuifnaeq-euq, shaq-awr zanq-eu tsawrhaq deuq-anr cawba naeq-euq hawr-eu yawmuiq yawqjeq navluf-anr laejae laejae-aer mrluf-eu miqcoeq miqma yapyeuf-eu mae.

1 Tiˆmoˇseˬ 2:10

Aerkhawf, Miqyaer-anr yawzeu baw-eu zaqmiq aqbur tiq ghaq ma laer aer-eu lof-aer geuxni, yawmuiq jeq mrdov laf-awr bimawr-awq.

Gaˬlaˬtiˆ 1:24

Ngaq-euq baqda’nae aqyawfmaf, Miqyaer-anr jaceuq-eu mae.

Tiˇtuˆ 3:4

Aerkhawf, aqdui-euq Kakhof-eu ghaq pyeuf-eu Miqyaer, tsawrhaqzaq-anr ghawqshaq gaq-eu jeq hawr-eu aqyawf gaq-eu jeq bimawr naeqlaf ngae,

1 Gawˇliˬtu 14:25

Khoermirnae, aqyawf-euq nuima-euq lafkhoer zaftaq-euq deuq khawf pandov laf-awr, myavpyawq, mirtsa tuvni awbyav-awr, Miqyaer-anr uqduq tanqtanq-aer, Miqyaer-aq, aqdir nawmaf-euq ghanrcae jawrluf-eu ngar-a laer aer taef-a.

Luˇkaꞈ 11:2

Khoerngae, Yeqsur heulof-aer aernaeq-euq mae, “Nawmaf guiqlanqshar ngae heulof-aer shar-awq: Mq-euq khoertav jawr-eu nga’maf-euq Aqda-or! Nawq-euq tsawrmyanr-anr yawzeu bibaw law. Nawr uvlanr-eu jeq bi keuvle law. Mq-euq khoertav nawr nuikhanr shir-eu jeq byan-eu lof-aer, mirtsaq-euq khoertav khawf bi byanle law.

Maꞈtehˬ 9:8

Tsawrhaq baqmaf deuq khoer-anr ya’mawr ngae, aqyawfmaf zanqler-awr, tsawrhaqzaq-anr khoerlof-aer ghae-eu aryaq bif-euq Miqyaer-anr ciqhuiq ciqmanr-eu mae.

Maꞈtehˬ 23:5

Aqyawfmaf kharmr kharshar-eu jeq aqcawq bimawr-eu laer taef-aer mr-eu mae. Aqyawf maf-euq narkhawr hawr-eu lafdu-anr paftawf-eu, Yaerbof-euq shaqkhov pawqbaev khoerdeuq ghawqloeni gufhuiq taq-awr, paerkhanq paerdanq-anr dawqsheur ghawqmanrni guftsof taq-euq mae.

Maꞈtehˬ 6:16

“Nawmaf dzardzaq sheuq-awr guiqlanqshar ngae, yawmuiq janrgeuf-eu tsawrhaq lof-aer myavpyawq nyoeqkheurni taqjawr. Aqjeq mirnae aernar-aq, aqyawf maf-aq, dzardzaq sheuq-awr guiqlanq sharluf nga laer, aqcawq bisiq bimawr-eu laer, myavpyawq nyoeqkheurni jawr-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq guiqlanq yawqha zadzeur-euq mae.

Maꞈtehˬ 23:9

Mirtsaq-euq khoertav jawr-eu tsawrhaq-anr khawf, aqda laer nawmaf taqkur. Aqjeq mirnae aernar-aq, nawmaf-euq Aqda-aq, tiq ghaq jawr-eu taef mae. Aqyawf-aq, mq-euq khoertav jawr-eu khoerghaq mae.

Maꞈtehˬ 6:9

Khoermirnae, nawmaf guiqlanqshar ngae heulof-aer shar-awq: Mq-euq khoertav jawr-eu nga’maf-euq Aqda-or! Nawq-euq tsawrmyanr-anr yawzeu bibaw law.