Maꞈtehˬ 5:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Laqkhaq caer-awr lurgha caergha-awq. Aqjeq mirnae aernar-aq, mq-euq khoertav nawmaf-euq mrpoeq lafsawq ghawqmya’ni jav-eu mae. Nawmaf-euq maeqhu daefyaf-euq Miqyaer gharduq ngaeqdan-eu tsawrhaq deuq-anr khawf, aqcawq, aqyawf maf-anr khoerlof-aer khaeqnaeq khavnaeq-euq mae.

Akha

¹² Laˬ kʼaˬ cehˇ dui dui-awˬ. Aˬ jeˬ miˇ neh ehˇ naˇ, mˬ kʼoeˇ taˆ naw maꞈ gʼaˇ duˬ lehˬ hmˬ taˬ-euˬ laꞈ sawˬ huiˬ dui dui meh. Naw maꞈ-euˬ mehˬ hu dehꞈ dzeuˇ jawˇ dzeuˇ yaꞈ-euˬ Miˬyehˇ gʼaˇ duˬ ngehˬ dah-eu deuˬ kʼawꞈ, kʼoeˇ loꞈ-ehˇ kʼehˬ nehˬ kʼaˆ nehˬ gaˇ ya daˬ-euˬ meh.

Maꞈtehˬ 5:12 ပူးပေါင်းရင်းမြစ်များ

Jaceuq 19:11

Khoeruqtaf, dawq heudeuq-euq baqda’nae nawq-euq kuirlaf zaqkhav, noeqnya yanrnya lar-awr, Dawq heudeuq-anr mrcaw-eu mirnae huiq-eu mrpoeq lafsawq za-eu mae.

Jaceuq 58:11

Khoer-euq baqda’nae, tsawrhaqzaq heulof-aer aer taef-a, “Tsaq-awr dawr-eu tsawrhaq deuq-euq gharduq, aqdir mrpoeq lafsawq jav-eu ngar-a; Mirtsaq tanqkhawr-anr yarkhaq dar-eu Miqyaer aqdir jawr-eu ngar-a.”

Dawqdaq 11:18

Tsawrcawv-aq, jaqmyawf maershuir-euq gar mr-eu mae. Aerkhawf, tsaq-awr dawr-eu siqyoeq saeq-eu tsawrhaq-aq, Mrpoeq lafsawq za-eu yawduq baw-eu mae.

Maꞈtehˬ 16:27

Tsawrhaq-euq Zaqyo-aq, aqyawf-euq Aqda-euq yawshaef khanqsaer-euq lafkhoer, aqyawf-euq mqtav ghaqkhaer deuq naeq-aer zafkale taef-a. Khoerngae, tsawrhaq yawqghaq navluf-anr yawqha nae khar mrtaq-euq lof-aer janrkhofnaeq taef-a.

Maꞈtehˬ 6:16

“Nawmaf dzardzaq sheuq-awr guiqlanqshar ngae, yawmuiq janrgeuf-eu tsawrhaq lof-aer myavpyawq nyoeqkheurni taqjawr. Aqjeq mirnae aernar-aq, aqyawf maf-aq, dzardzaq sheuq-awr guiqlanq sharluf nga laer, aqcawq bisiq bimawr-eu laer, myavpyawq nyoeqkheurni jawr-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq guiqlanq yawqha zadzeur-euq mae.

Luˇkaꞈ 13:34

“Yeqlursaqlaeq-or! Or, Yeqlursaqlaeq, nawr, Miqyaer gharduq ngaeqdan-eu tsawrhaq deuq-anr saef-awr, nawr jawr-eu gar bi’oe-euq deuq-anr khawf, khaqlo nae biqsaef-eu mae. Yaciv ya’ma, yazaq deuq-anr danrkhawv khawvuiq-eu lof-aer, ngar, nawq-euq zaqdeuq-anr armyav pov khawvuiq mawf-eu khawf, nawmaf maqbi khawvuiq naeqlaf-a.

Luˇkaꞈ 6:23

“Khoerngae nan-anr, nawmaf tsawqtsawq-aer laqkhaq caer-awq. Aqjeq mirnae aernar-aq, mq-euq khoertav nawmaf-euq mrpoeq lafsawq huiq duidui-eu mae. Aqyawf maf-euq aqpoeq deuq khawf, Miqyaer gharduq ngaeqdan-eu tsawrhaq-anr khoerlof-aer janrnaeq-euq mae.

Luˇkaꞈ 6:35

Nawmaf-aq, nawmaf-anr muir-eu deuq-anr gaq-awr, yawmuiq jeq janrnaeq-awq. Bifkhof laf-eu gar maq noeqtmqni aqcawq-anr ngaqnaeq-awq. Khoerlof-aer janr nar-aq, nawmaf-euq mrpoeq lafsawq ghawqmya’ni jav-awr, nawmaf, Gor duidui-eu ghaq-euq zaqyo pyeuflar taef-a. Aqjeq mirnae aernar-aq, aqyawf-aq, guiqlanq-anr maq noeqmawr nya-eu tsawrhaq hawr-eu tsawrdoer deuq-anr khawf ghawqshaq gaqnaeq-eu mae.

Gʼaˬkʼehˇ 16:25

Aerkhawf, saerghanr caelar ngae, Pawrluv hawr-eu Siqlav guiqlanq shar-awr, Miqyaer-anr jaceuq-eu cardawq carcar-aer jaceuq luf-eu mae. Kuv-anr ur-eu deuq khawf narhaq luf-eu mae.

Gʼaˬkʼehˇ 5:41

Miqyaer, aqyawf maf-anr Yeqsur-euq tsawrmyanr baqda’nae shafdawr-eu jeq-anr daq-eu geux-eu tsawrhaq laer sawxnaeq-euq mirnae, ghaqkhaer deuq, khavma armur-euq maeqshi nae laqkhaq caertavni dov-ir-euq mae.

Lormav 5:3

Khoeruqtaf, shaq-awr zanq-eu jeq-anr yadaq ngae khawf, aqdui laqkhaqcaer ma. Aqjeq mirnae aernar-aq, shaq-awr zanq-eu baqda’nae daqcoer orcoer lar-eu mae laer siqnya-eu ma.

1 Gawˇliˬtu 3:8

Ka-eu ghaq hawr-eu ircuf shaeq-eu ghaq-aq tiqkawv mae. Yawqghaq navluf yawqha nae mrtaq-euq lof-aer yawqha-euq mrpoeq lafsawq za taef-a.

2 Gawˇliˬtu 4:17

Nymq-mr nga’maf tiqkhaeq-euq lafkhoer ya daqluf-eu pyarsawvni ghae-eu shaqzanq heudeuq-aq, maq ciqcaev nya-eu myaq duidui-awr, mqmaq maqbyav yarzir, huiq-eu yawshaef khanqsaer-anr nga’maf-anr biza-eu gharduq mrluf-eu jeq pyeuf-eu mae.

Piˇliˇpiˆ 1:29

Aqjeq mirnae aernar-aq, nawmaf, Kali-anr janni taef-aer maqngeur-eu, aqyawf-euq gharduq daqnya’ni khawf guiqlanq bifnaeq taq-euq mae.

Piˇliˇpiˆ 2:17

Nawmaf-euq jan-eu jeq-anr taf-eu uqduq tanq-eu gar hawr-eu, lawrnaeq-eu jeq-euq khoertav ngaq-euq mawrdo shaevdav-awr, lawr-eu jeq lof-aer yabi shaevdav-eu law khawf, ngar laqkhaq caer-awr, nawmaf dawqtawvluf naeq-aer laqkhaq cawcaer ma.

Gawˇlawˇsehˇ 1:24

Nymq-mr ngar, nawmaf-euq gharduq shaqzanq ya daqluf-eu khawf, laqkhaqcaer mir-a. Aqjeq mirnae aernar-aq, Kali, aqyawf-euq mawrdo pyeuf-eu Kalizaq armur-euq gharduq maqya daqjir-euq shaqzanq deuq daqbyanni, ngar, ngaq-euq shiqshaq-euq lafkhoer daqluf-eu ma.

Gawˇlawˇsehˇ 3:24

Nawmaf, Sanqpaq Miqyaer nae bifnaeq laf-euq jeqbir-euq mrpoeq lafsawq za mae laer siqnya luf-eu mae. Aqjeq mirnae aernar-aq, nawmaf-aq, Sanqpaq Kali-euq gar mrluf-eu mae.

1 Teˇsaˬloˇni 2:15

Yurdav tsawrhaq khoerdeuq, Sanqpaq Yeqsur hawr-eu aqyawf maf-euq Miqyaer gharduq ngaeqdan-eu deuq-anr saef-awr, nga’maf-anr khawf taedzae naeqlaf-euq mae. Aqyawf maf-aq, Miqyaer nuima tsaqni maqmr-eu uqtaf, tsawrhaq yawqghaq navluf-anr muir-eu mae.

HeˬByehˇ 10:34

Aqjeq mirnae aernar-aq, shmrcav nae bi paftaq-euq ngaq-anr khawf, nawmaf ghawqshaq gaq-awr, aqcawq, nawmaf-euq myawqdeuq-anr khaeqgeuf khavgeuf-euq khawf, nawmaf laqkhaq caertavni daq-awr hageuf coer-eu mae. Aqjeq mirnae aernar-aq, heunav maqtser muiqdzaeq zifdzaeq-eu jeqbir nawmaf-euq gharduq jav-eu mae laer nawmaf siqnya-eu mae.

HeˬByehˇ 11:26

Kali-euq gharduq yaeqbawq-aer janrlar-eu gar yadaq-eu jeq-aq, Irjirtuv-euq pyurshuir myawqganq navmaqtser poeqdzaeq-eu ngar-a laer aqyawf noeqjir-eu mae. Aqjeq mirnae aernar-aq, aqyawf-aq, aqkar za-eu mrpoeq lafsawq-anr hawtsov taq-euq mae.

HeˬByehˇ 11:33

Tsawrhaq heudeuq jan-eu mirnae, mirkhanq deuq-anr deuvghaq-awr, tsaq-awr dawr-eu lafkhoer mr-euq mae. Sarjax dzaqtaq-euq jeq za-awr, arlaqjaqshir-euq khaqmae-anr maeqcuf cuf-euq mae.

HeˬByehˇ 11:6

Jan-eu jeq maqanr nar-aq, tiqjeq ghaenae-iq Miqyaer nuikhanr shirni maq janrnya-a. Aqjeq mirnae aernar-aq, Miqyaer jawr-eu gar kharlar-eu tsawrhaq-aq, Miqyaer aqdir jawr mae laer jan-awr, laejae-awr aqyawf-anr sharpov-eu tsawrhaq-anr guiqlanq bif-eu mae laer khawf yajan-eu mae.

Yaˬkoˆ 1:2

Ngaq-euq aqyuif aqnyir deuq-or, tsermr haw-eu ghawqmya jeq nawmaf-euq khoertav keuvle ngae, laqkhaqcaer duidui-awq.

Yaˬkoˆ 5:10

Aqyuif aqnyir deuq-or! Sanqpaq Miqyaer-euq tsawrmyanr-anr ghoe-awr, Miqyaer gharduq ngaeqdan-eu deuq shaqzanq daqnya-euq gar hawr-eu ornya-euq gar dzawgeuf-awq.

1 Beˬtuˆluˆ 4:13

Nawmaf khawf, Kali naeq-aer shaqzanq yadaq caw-eu mirnae, laqkhaq caer-awq. Aqyawf-euq yawshaef khanqsaer panmaeq naeqlaf ngae, nawmaf khawf laqkhaq yacaer duidui taef-a.