Maꞈtehˬ 4:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoerngae, murjur jur-eu ghaq oe-awr aqyawf-anr aernaeq-eu, “Nawr, Miqyaer-euq Zaqyo ngeur nar-aq, khaqlo heudeuq-anr kaqmur pyeuflar-awq laer dawq bif-awq lawr.”

Akha

³ Kʼoeˇ ngeh, Nehꞈ sahˬ paˬ aˬ yawꞈ jawˇ gaˇ oe-awˇ ehˇ-eu, “Nawˇ Miˬyehˇ-euˬ Zaˬ maˇ pyeuꞈ-eu ngeuˇ naˇ, kʼaˬ lo heu deuˬ-ahˇ kaˬ muˇ pyeuꞈ laˇ-awˬ lehˇ dawˬ biꞈ-awˬ tawˇ.”

Maꞈtehˬ 4:3 ပူးပေါင်းရင်းမြစ်များ

Maꞈtehˬ 14:33

Khoerngae, lawq-euq lafkhoer urluf-eu deuq, Yeqsur jawr-eu gar lar-awr uqduq tanqtanq-aer aer-eu, “Nawr-aq, aqdir aqmar Miqyaer-euq Zaqyo ngar-a.”

Maꞈtehˬ 16:16

Khoerngae, Sirmoq Beqtuvluv aerkhof-eu, “Nawr-aq, daefluf-eu Miqyaer-euq Zaqyo pyeuf-eu Kali mae.”

Maꞈtehˬ 26:63

Aerkhawf, Yeqsur ciqcurni jawr-euq mae. Khoerngae, pirma yawhuiq ghaq, aqyawf-anr par narhaq-eu, “Daefluf-eu Miqyaer-euq tsawrmyanr-euq uqmov ngar, nawq-anr bikamq ma. Nawr, Miqyaer-euq Zaqyo, Kali laer kur-eu khoerghaq ma lor laer nga’maf-anr aernaeq laf-awq!”

Maꞈtehˬ 3:17

Khoerngae, mq-anr nae tersar ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma.”

Maˬkuˆ 1:1

Miqyaer-euq Zaqyo, Yeqsur Kali-euq guiqlanqdawq ardanq heulof-aer bae-euq mae.

Maˬkuˆ 3:11

Naef yawjawf deuq, aqyawf-anr kharmawr ngae, aqyawf-euq maeqshi awbyav-awr gur-eu, “Nawr-aq, Miqyaer-euq Zaqyo mae.”

Maˬkuˆ 5:7

Khoernar-aq, aqyawf tersar yawkhav-aer gur-eu, “Gor duidui-eu Miqyaer-euq Zaqyo Yeqsur-or! Ngar, nawq naeq-aer aqjeq taf-eu la? Ngaq-anr taq khaeqnaeqlaf laer ngar, Miqyaer-anr ghoe-awr nawq-anr shar-eu ma.”

Luˇkaꞈ 1:35

Mqtav ghaqkhaer heulof-aer aerkhof naeq-euq mae, “Yawshawr Saflar, nawq-euq khoertav zafka le-awr, Gor duidui-eu ghaq-euq baoq nawq-anr joeshmrle taef-a. Khoermirnae, daefle-eu Yawshawr ghaq-anr Miqyaer-euq Zaqyo laer kur taef-a.

Luˇkaꞈ 22:70

Khoerngae, aqyawfmaf dawqtawvluf aer-eu, “Tox-aer mar-iq, nawr-aq, Miqyaer-euq Zaqyo nga aerlawq?” Yeqsur, aqyawf maf-anr aernaeq-eu, “Nawmaf aer-eu lof-aer ngar pyeuf-eu ma.”

Luˇkaꞈ 4:3

Khoerngae, naef sanqpaq, aqyawf-anr aernaeq-eu, “Nawr, Miqyaer-euq Zaqyo ngeur nar-aq, khaqlo heusiq-anr kaqmur pyeuflar-awq laer dawq bif-awq lawr.”

Luˇkaꞈ 4:41

“Nawr-aq, Miqyaer-euq Zaqyo Kali mae” laer gurgur-aer naefdeuq khawf ghawqmya ghaq-euq lafkhoer nae dovle-euq mae. Aqyawf-aq, Kali mae laer aqyawfmaf siqnya-eu mirnae, Yeqsur, aqyawf maf-anr dawq maqbi ngaeqni daeq-euq mae.

Luˇkaꞈ 4:9

Khoernar-aq, naef sanqpaq, aqyawf-anr Yeqlursaqlaeq-anr sheuqghae-awr, uqduq tanqnymr nymrma-euq khaqboeq-anr gordzaeq dzaeq-eu tsanr-anr sheuqdav lef-awr heulof-aer aernaeq-euq mae, “Nawr, Miqyaer-euq Zaqyo ngeur nar-aq, heugar nae tsawqka ghae-awq.

Yoˇhaˬ 1:34

Ngar khoer-anr ya’mawr-awr, tsawrhaq khoerghaq-aq, Miqyaer-euq Zaqyo mae laer ngar sarkir kamq-eu ma.”

Yoˇhaˬ 1:49

Naqdaqneqlar aer-eu, “Laqbir-or! Nawr-aq, Miqyaer-euq Zaqyo ngar-a! Irsaqleqlav tsawrhaq-euq Sanqpaq khawf ngeur ngar-a!”

Yoˇhaˬ 20:31

Aerkhawf, Yeqsur-aq, Kali pyeuf-eu Miqyaer-euq Zaqyo ngar-a laer nawmaf jan-awr, aqyawf-anr jan-eu mirnae, aqyawf-euq tsawrmyanr-euq lafkhoer nawmaf daef-eu jeq za’ni garkawv heudeuq boftaq-euq ma.

Yoˇhaˬ 9:35

Aqyawfmaf khoerghaq-anr taedov-euq garkawv Yeqsur yagaq-euq mae. Arnan, aqyawf-anr povmawr-awr, Yeqsur, aqyawf-anr narhaq-eu, “Nawr, Miqyaer-euq Zaqyo-anr jan ma lor?”

Gʼaˬkʼehˇ 9:20

Sawrluv tiqpov taef-aer zanrdawq khawqnymr-euq lafkhoer, Kali-aq, Miqyaer-euq Zaqyo mae laer maeqnaeq-euq mae.

2 Gawˇliˬtu 1:19

Aqjeq mirnae aernar-aq, ngar, Siqlav hawr-eu Tivmorseq, nga’maf nae nawmaf-anr dawqmaeq maeqnaeq-euq, Miqyaer-euq Zaqyo Yeqsur Kali-euq garkawv-aq, ngeur-eu jeq khawf, maqngeur-eu jeq khawf, keuqkeuq soso-aer ghae-eu maqngeur-aer, aqyawf-euq lafkhoer-aq ngeur-eu jeq taef mae.

Gaˬlaˬtiˆ 2:20

Ngar, Kali naeq-aer lafyaq-euq khoertav bi taftaeq-euq ma. Khoermirnae, nymq-mr ngar daefluf-eu-aq, ngar daef-eu maqngeur. Kali, ngaq-euq lafkhoer daefluf-eu mae. Khoeruqtaf, nymq-mr ngar shiqshaq paw yawdaef daefluf-eu-aq, Miqyaer-euq Zaqyo-anr jan-eu lafkhoer daefluf-eu ma. Aqyawf, ngaq-anr gaq-awr, ngaq-euq gharduq aqyawf-euq mawrdo lawrnaeq-euq mae.

1 Teˇsaˬloˇni 3:5

Khoer baqda’nae, ngar maq jawrtaeqcoer lar-aer, nawmaf jan-eu jeq aqjox-aer pyeufluf-eu nga laer yasiqni, Tivmorseq-anr bilar-euq ma. Murjur jur-eu khoerghaq, nawmaf-anr murza-awr, nga’maf nae laejae-awr mryaf-euq jeq yawqngaef pyeuf-ir-euq baw-mr laer khanqlanr mir-a.

HeˬByehˇ 12:16

Nawmaf tiqghaq-iq banq-awr joe-eu jeq maqbi dovlarni yanr-awq. Irsawr lof-aer maqshawr-aer maqya ghae-ir ni khawf yanr-awq. Irsawr-aq, dzar tiq dzaq nae huqbaw zaqyo-euq aryaq pardzae-euq mae.

HeˬByehˇ 4:14

Aqdui, Pirma yawhuiq ghaq jawr-eu ma. Aqyawf-aq, mqtav mirkhanq-anr cantsaev-euq Miqyaer-euq Zaqyo Yeqsur mae. Aqdui nae aerdov-euq jeq-anr aqdui zifdanni nyaeftaeqtaq kar-eur.

HeˬByehˇ 7:3

Aqyawf-aq, aqma aqda hawr-eu tsuif maqbaw-a. Aqyawf daefle-euq arnan maqjav-aer, shir-euq arnan khawf maqjav-a. Aqyawf-aq, Miqyaer-euq Zaqyo lof-aer arsaq saq-eu maqbawni Pirma pyeuf-eu mae.

1 Yoˇhaˬ 3:8

Iqbax mr-eu tsawrhaq-aq, naef sanqpaq-anr taf-eu tsawrhaq mae. Aqjeq mirnae aernar-aq, naef sanqpaq-aq, yawbae ngae nae iqbax mrluf-eu mae. Khoermirnae, Miqyaer-euq Zaqyo, naef sanqpaq mrluf-eu gardeuq-anr lavcawv-eu laer oe-euq mae.

Panmaeq 2:10

Nawr yadaq-eu laer ghae-eu shaqzanq deuq-anr taqguv. Naef sanqpaq-aq, nawmaf-anr tsermr haw-eu laer nawmaf tiqpavnav deuq-anr kuv-anr nyaefur-awr, tser nan byanni khaeq-awr khav-eu gar yadaq taef-a. Nawr shir ngae keuvni sarjax zif-awq. Zif nar-aq, ngar, nawq-anr daef-eu jeq-euq shuir uqkhov bif ma.