Maꞈtehˬ 4:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoerngae, Yeqsur, aqyawf-anr aernaeq-eu, “Naef Saqdaq-or! Dov-ir-awq. Aqjeq mirnae aernar-aq, Yaerbof-euq lafkhoer boftaq-euq, ‘Nawq-euq Sanqpaq Miqyaer-anr taef-aer uqduq yatanq-awr, aqyawf-euq gar taef-aer ya’mr-eu mae.’ ” (Dm 6:13)

Akha

¹⁰ Kʼoeˇ ngeh jawˇ, Yeˬsuˇ ehˇ-eu, “Saˬdaˬ-oˇ, doˆ-iˇ-awˬ. ‘Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ tehꞈ-ehˇ nawˇ uˬ duˬ ya tahˬ-awˇ, aˬ yawꞈ-euˬ nui kʼahˇ tehꞈ-ehˇ ya mˇ meh’ lehˇ, Jaˇ liꞈ laꞈ kʼoeˇ boꞈ taˬ-euˬ meh.”

Maꞈtehˬ 4:10 ပူးပေါင်းရင်းမြစ်များ

Luˇkaꞈ 4:8

Khoerngae, Yeqsur, aqyawf-anr aernaeq-eu, “ ‘Naef Saqdaq-or! Ngaq-euq narkhan paw caev-awq. Nawq-euq Sanqpaq Miqyaer-anr taef-aer uqduq yatanq-awr, aqyawf-euq gar taef-aer ya’mr-eu mae’ (Dm 6:13) laer Yaerbof-euq lafkhoer boftaq-euq mae.”

Yaˬkoˆ 4:7

Khoermirnae, Miqyaer-euq dawq narhaq geuf-awr, naef sanqpaq-anr lavtsoeq-awq. Lavtsoeq nar-aq, naef sanqpaq, nawmaf jawr-eu gar nae caevdov taef-a.

1 Beˬtuˆluˆ 5:9

Nawmaf zifdanni jan-eu lafkhoer aqyawf-anr lavtsoeq-awq. Mirtsaq-euq khoertav jawr-eu nawmaf-euq aqyuif aqnyir deuq khawf, khoerlof-aer ghae-eu shaqzanq daqluf mae laer siqnya-awq.

Maꞈtehˬ 16:23

Khoerngae, Yeqsur nanrghof ghofhaw-awr Beqtuvluv-anr aernaeq-eu, “Naef Saqdaq-or! Ngaq-euq narkhan paw caev-awq. Nawr, ngaq-anr sanqtif bitif-eu laer ghae-eu nga. Aqjeq mirnae aernar-aq, nawq-euq nuinoeq-aq, Miqyaer-euq nuinoeq maqngeur-eu, tsawrhaq-euq nuinoeq sharnoeq luf-eu nga.”

Jaceuq 109:6

Aqyawf-euq khoertav zuiv-eu tsawrcawv tiq ghaq bi dovlar-awr; Aqyawf-anr iqbax taq-eu, aqyawf-euq armar paw tiq ghaq bi yawflar-awq.

Maˬkuˆ 1:13

Aqyawf bawrtsanq bawrdanr-anr 40 nan jawr ngae, naef Saqdaq, aqyawf-anr murjur jur-awr, bawrtsanq-euq jeqzaq yawghae deuq naeq-aer jawr-euq mae. Khoernar-aq, mqtav ghaqkhaer, aqyawf-anr ngaeqghae naeqle-euq mae.

Luˇkaꞈ 10:18

Yeqsur, aqyawf maf-anr heulof-aer aernaeq-euq mae, “Ngar, naef Saqdaq mqmyawf myawf-eu lof-aer mq-anr nae gale-eu gar mawr-euq ma.

Luˇkaꞈ 11:18

Nawmaf-aq, ngar, Beqsaqburlar-anr ghoeghoe-aer naef-anr taedov-eu nga laer aer-eu nga. Aerkhawf, naef Saqdaq-aq, yawqhar yawqha birpav-awr muir nar-aq, aqyawf uvlanr-eu jeq aqjox-aer zifnya nmr-mq?

Luˇkaꞈ 13:16

Aqbyaqhaq-euq zaqmiq heughaq-anr naef Saqdaq nae 18 khof byanni paftawf taq-euq gar sharnoeq sher-eq, landaw jawrnan ngae nan shmrcav deuvtsaev-awr puirpyaeq naeq-eu maqtsaq-a lor?”

Luˇkaꞈ 22:3

Khoerngae, ghaqkhaer 12 ghaq-euq lafkhoer keuq-eu, Irsaqgaqliqoq laer kur-eu Yurdav-euq nuima-euq lafkhoer naef Saqdaq urler-euq mae.

Luˇkaꞈ 22:31

Khoerngae, Yeqsur heulof-aer aer-eu mae, “Sirmoq-or! Sirmoq-or! Hawtaq-awq, caer-anr khaqjeq nae jeq-eu lof-aer naef Saqdaq, nawq-anr jeq-eu laer sharza taq-euq mae.

Yoˇhaˬ 13:27

Yurdav, kaqmur khoerpyaeq yurghaq-euq naeq-aer, naef Saqdaq, aqyawf-euq nuima-euq lafkhoer urler-euq mae. Khoerngae, Yeqsur, aqyawf-anr aernaeq-eu, “Nawr mr-eu laer ghae-eu jeq yawkawr-aer mr-ir-awq.”

Gʼaˬkʼehˇ 5:3

Khoerngae, Beqtuvluv heulof-aer aernaeq-euq mae: “Aqnaqnir-or! Aqjeq mirnae nawq-euq nuima-anr naef Saqdaq bi urbyan lar-awr, Yawshawr Saflar-anr jaqmyawf myawf-awr, mirtsaq anqza-euq pyur uicuiv yurdov yaf-euq le?

Gʼaˬkʼehˇ 26:18

Aqyawf maf-euq myavnuiv pannaeq-awr, yawzanr-euq lafkhoer nae yawshaef jav-eu gar bilar-awr, naef Saqdaq-euq baoq-euq uqmov jawr-eu gar nae Miqyaer jawr-eu paw bi ghoflar-eu uqtaf, ngaq-anr jan-eu baqda’nae, Miqyaer, aqyawf maf-euq iqbax pyaeqnaeq-awr, muiqlar shawrlar-euq tsawrhaq naeq-aer jeqbir za’ni, ngar, nawq-anr aqyawfmaf jawr-eu gar bi’ir-eu ma.’ ”

1 Gawˇliˬtu 5:5

khoerlof-aer mrluf-eu tsawrhaq shiqshaq paw cawv-ir ni, naef Saqdaq-euq aqlaf-euq lafkhoer a’naeq-awq. Khoerlof-aer janr-euq nar-aq, Sanqpaq Yeqsur-euq arnan-anr, Miqyaer, aqyawf-euq saflar-anr bibuq-ir taef-a.

1 Gawˇliˬtu 7:5

Dzardzaq sheuq-awr guiqlanq shar-eu gharduq, nyiq ghaqluf nuima tsaq-awr tiqkhaeq lafkhoer, maq yuftaf-eu laer maqngeur nar-aq, miqzaq yozaq-euq yawkaq maq yuftaf laer aer-eu maqtsaq-a. Khoer dzeur-euq nar-aq par yuftaf-awq. Heu-aq, nawmaf, yawqha-euq nuima-anr maq ghaqler-aer jawr ngae, naef Saqdaq, nawmaf-anr maqbi murni khmq-eu jeq pyeuf-eu mae.

2 Gawˇliˬtu 2:11

Maqngeur nar-aq, naef Saqdaq heulof-aer ghae-eu yamq-anr zmq-awr, aqdui-anr ghaqlar nya-eu baw-mr. Aqjeq mirnae aernar-aq, aqdui, aqyawf-euq bawqtov-anr maq siqnya-eu maqngeur.

2 Gawˇliˬtu 11:14

Aqyawfmaf khoerlof-aer mr-eu gar taq zanqler. Aqjeq mirnae aernar-aq, naef Saqdaq khawf yawshaef-euq mqtav ghaqkhaer lof-aer janrgeuf nya-eu mae.

2 Gawˇliˬtu 12:7

Ngar panmaeq-eu jeq ghawqmya jeq-anr ya’mawr-eu mirnae, ngar nuima ardzaeq-aer maqbi huiqni, ngaq-euq shiqshaq mawrdo-anr aqgan tiqgan tsawvluf-eu mae. Aqgan khoer-aq, naef Saqdaq-euq ghaqkhaer pyeuf-awr, ngar nuima ardzaeq-aer maqbi huiqni ngaq-anr khaeqluf-eu mae.