Maꞈtehˬ 3:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² “Noeqpov noeqpar-awq. Aqjeq mirnae aernar-aq, mqtav mirkhanq keuvle shaw-iq mae.”

Akha

² “Mˬ taˆ miˇ kʼahˬ keuˆ le shaw-iˬ meh. Iˬ baˇ noeˬ poˆ-awˬ.”

Maꞈtehˬ 3:2 ပူးပေါင်းရင်းမြစ်များ

Maꞈtehˬ 10:7

Nawmaf irluf ngae, ‘Mqtav mirkhanq keuvle shaw-iq mae’ laer dawqmaeq maeqmaeq-aer can-ir-awq.

Maꞈtehˬ 11:20

Dzeurlaf ngae, Yeqsur nae baoq huiq-eu gardeuq ghawqmya’ni mr-euq meuqdeuq-anr jawr-eu tsawrhaq deuq, maq noeqpov maq noeqpar-eu mirnae, Yeqsur, aqyawf maf-anr heulof-aer daeq-euq mae:

Maꞈtehˬ 12:41

Yarkhaqdar ngae nan, Nirnaqbeq meuq-anr jawr-eu tsawrhaq deuq turlar-awr, heuzir-anr yarkhaqdar taef-a. Aqjeq mirnae aernar-aq, Nirnaqbeq meuq-anr jawr-eu tsawrhaq deuq, Yornav dawqmaeq maeq-eu gar yagaq ngae, noeqpov noeqpar-euq mae. Hawsher-eq, heugar Yornav navmaqtser huiq-eu ghaq jawrluf ma.

Maꞈtehˬ 13:11

Yeqsur heulof-aer aerkhof naeq-euq mae, “Aqjeq mirnae aernar-aq, mqtav mirkhanq-euq garkawv zaftaq-euq deuq nawmaf-anr taef-aer bi siqnya-awr, aqyawf maf-anr maqbi siqnya-aq.

Maꞈtehˬ 13:24

Yeqsur, aqyawf maf-anr yawjeq majeq dawq, yawqdawq yawq-anr nae heulof-aer maeqnaeq-euq mae: “Mqtav mirkhanq-aq heulof-aer dur-eu mae. Tsawrhaq tiq ghaq, aqyawf-euq caeryar-anr caer siqyoeq yawmuiq saeq-euq mae.

Maꞈtehˬ 13:31

Yeqsur, aqyawf maf-anr yawjeq majeq dawq yawqdawqyawq heulof-aer par maeqnaeq-euq mae: “Mqtav mirkhanq-aq heulof-aer dur-eu mae. Tsawrhaq tiq ghaq, ghawqpaf arnuiv tiq nuiv yur-awr yar-anr saeqtaq-euq mae.

Maꞈtehˬ 13:33

Yeqsur, aqyawf maf-anr yawjeq majeq dawq yawqdawqyawq heulof-aer par maeqnaeq-euq mae, “Mqtav mirkhanq-aq heulof-aer dur-eu mae. Zaqmiq aqbur tiq ghaq daeqtseq yur-awr, caermeu smr puq-euq lafkhoer dawvzaf taq-awr nae, dawqtawvluf bi poqlar-euq gar dur-eu mae.”

Maꞈtehˬ 13:47

“Khoeruqtaf, mqtav mirkhanq-aq, za gheu-eu gar dur-eu mae. Iqmalavshav-anr za gheu ngae, ngaqshaq ngaqder yawqjeq navluf pafler-eu mae.

Maꞈtehˬ 13:52

Yeqsur, aqyawf maf-anr aernaeq-eu, “Miqyaer-euq mirkhanq-euq garkawv dzawtaq-euq zanr maeq-eu yawqghaq navluf, nymrsanr tiq ghaq, aqyawf-euq myawq taqduq-anr nae, myawq yawshuif hawr-eu yawoer yurdov lef-eu gar dur-eu mae.”

Maꞈtehˬ 18:23

Aqjeq mirnae aernar-aq, mqtav mirkhanq-aq, sanqpaq tiq ghaq, aqyawf-euq kuirlaf zaqkhav deuq naeq-aer dzirdzov sawx-eu gar dur-eu mae.

Maꞈtehˬ 20:1

“Aqjeq mirnae aernar-aq, mqtav mirkhanq-aq, heulof-aer dur-eu mae, yarsanr aqda tiq ghaq uqshawq yawnaf-aer dov-ir-awr, aqyawf-euq aqgaf yarkmr-euq lafkhoer ghaqmanr manrdzaq-eu tsawrhaq pov-ir-euq mae.

Maꞈtehˬ 22:2

“Mqtav mirkhanq-aq, sanqpaq tiq ghaq, aqyawf-euq zaqyo-euq gharduq oermr bar-eu yawbui laeqhmq-eu gar dur-eu mae.

Maꞈtehˬ 23:13

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, aqcawq-euq maeqshi nawmaf, mqtav mirkhanq-euq larghov piqtaeq-eu mae. Yawqha maq urler-eu uqtaf, urler-eu laer ghae-eu tsawrhaq-anr khawf nawmaf, aqyawf maf-anr maqbi urler-a.

Maꞈtehˬ 25:1

“Khoermirnae, mqtav mirkhanq-aq heulof-aer dur taef-a. Yawqha-euq tsirkhmq ciq-awr, yoshuif-anr halaq ler-eu miqdaf dafshawr tser ghaq-anr dur taef-a.

Maꞈtehˬ 25:14

“Mqtav mirkhanq-aq heulof-aer dur-eu mae. Tsawrhaq tiq ghaq garmanr kaq-eu gar dov-ir-eu laer ghae ngae, aqyawf-euq kuirlaf zaqkhav deuq-anr kur-awr, aqyawf-euq myawqganq deuq aqyawf maf-anr biftaq yaf-euq mae.

Maꞈtehˬ 4:17

Khoerngae nae nar-aq, Yeqsur dawqmaeq maeqdanq bae-eu lafkhoer aer-eu, “Noeqpov noeqpar-awq. Aqjeq mirnae aernar-aq, mqtav mirkhanq keuvle taq-euq mae.”

Maꞈtehˬ 4:23

Yeqsur, Gaqliqlaer mirkhanq doeni cancan-aer, zanrdawq khawqnymr-euq lafkhoer maeqnaeq tsovnaeq-awr, mqtav mirkhanq-euq guiqlanqdawq maeqnaeq-euq uqtaf, tsawrhaq khoerdeuq kharnar khargawr-eu jeq hawr-eu nargawr yawqjeq navluf-anr lavtaq naeq-euq mae.

Maꞈtehˬ 5:10

“Tsaq-awr dawr-eu jeq-euq baqda’nae khaeq-awr khav-eu gar yadaq-eu tsawrhaq deuq-aq, guiqlanq huiq-eu mae. Aqjeq mirnae aernar-aq, mqtav mirkhanq-aq, aqyawf maf-euq mae.

Maꞈtehˬ 5:3

“Saflar-euq lafkhoer irshaq shaq-eu tsawrhaq deuq-aq, guiqlanq huiq-eu mae. Aqjeq mirnae aernar-aq, mqtav mirkhanq-aq, aqyawf maf-euq mae.

Maꞈtehˬ 6:10

Nawr uvlanr-eu jeq bi keuvle law. Mq-euq khoertav nawq-euq nuikhanr shir-eu jeq byan-eu lof-aer, mirtsaq-euq khoertav khawf bi byanle law.

Maꞈtehˬ 6:33

Nawmaf, Miqyaer uvlanr-eu jeq hawr-eu aqyawf-euq tsaq-awr dawr-eu jeq-anr jeqhu pov-awq. Khoerdeuq dawqtawvluf, aqyawf, nawmaf-anr biflanq naeqlaf taef-a.

Maˬkuˆ 1:15

Aqyawf aer-eu, “Aryamq tsaqlar-euq mae. Miqyaer uvlanr-eu jeq dawqpae keuvle taq-euq mae! Nawmaf noeqpov noeqpar-awr, guiqlanq dawq-anr jan-awq.”

Maˬkuˆ 1:4

Bartirsaq mrnaeq-eu Yorhaq bawrtsanq bawrdanr-anr dovle-awr, Miqyaer, iqbax pyaeq-eu jeq za’ni, noeqpov noeqpar-awr bartirsaq hageuf-eu garkawv dawqmaeq maeqluf-eu mae.

Maˬkuˆ 6:12

Khoernar-aq, ghaqkhaer deuq dov-ir-awr, tsawrhaqzaq noeqpov noeqpar-eu tsaq mae laer dawqmaeq maeq-ir-euq mae.

Luˇkaꞈ 1:16

“Aqyawf, Irsaqleqlav tsawrhaq ghawqmya ni-anr aqyawf maf-euq Sanqpaq Miqyaer jawr-eu paw bi ghoflar taef-a.

Luˇkaꞈ 11:20

Ngar, Miqyaer-euq lafnoer-anr ghoe-awr naef-anr taedov-eu ngeur nar-aq, Miqyaer uvlanr-eu jeq nawmaf-euq khoertav keuvle-euq mae.

Luˇkaꞈ 13:3

Ngar, nawmaf-anr aernaeq nyar, khoerlof-aer maqngeur-a. Nawmaf khawf maq noeqpov maq noeqpar nar-aq, nawmaf dawqtawvluf khoerlof-aer yacawv-ir taef-a.

Luˇkaꞈ 13:5

Ngar, nawmaf-anr aernaeq nyar, khoerlof-aer maqngeur-a. Nawmaf khawf maq noeqpov maq noeqpar nar-aq, dawqtawvluf khoerlof-aer yacawv-ir taef-a.”

Luˇkaꞈ 15:10

Khoerlof-aer durni, ngar, nawmaf-anr aernaeq nyar, iqbaxzaq tiq ghaq noeqpov noeqpar nar-aq, Miqyaer-euq mqtav ghaqkhaer deuq-euq maeqshi khawf, aqyawf-euq gharduq laqkhaqcaer taef-a.”

Luˇkaꞈ 15:7

Khoerlof-aer durni, ngar, nawmaf-anr aernaeq nyar, iqbax maqya noeqpov-eu dawr-awr tsaq-eu tsawrhaq 99 ghaq-euq gharduq, mq-euq khoertav laqkhaq caer-eu navmaqtser, iqbaxzaq tiq ghaq noeqpov noeqpar-euq mirnae, mq-euq khoertav laqkhaq caerdzaeq-eu mae.

Luˇkaꞈ 16:30

Khoerngae, smrmuiq smrbaw khoerghaq aer-eu, ‘Aqda Aqbyaqhaq-or! Teulof-aer taef-aer maqngeur-ar. Shir-awr nae ghofdaef lar-euq tiqghaqnav aqyawfmaf jawr-eu gar ir nar-aq, aqyawfmaf noeqpov noeqpar taef-a.’

Luˇkaꞈ 21:31

Khoerlof-aer durni, nawmaf heudeuq pyeuflar luf-eu gar ya’mawr ngae, Miqyaer uvlanr-eu jeq dawqpae paele-euq ngar-a laer siqnya-awq.

Luˇkaꞈ 24:47

Khoeruqtaf, nawmaf, aqyawf-euq tsawrmyanr-anr ghoe-awr, iqbax noeqpov-eu jeq hawr-eu iqbax pyaeqnaeq-eu garkawv, Yeqlursaqlaeq-anr nae mirkhanq-euq tsawrjeuq tsawrca dawqtawv luf-anr dawqmaeq ya’maeq-ir taef-a.

Luˇkaꞈ 6:20

Khoernar-aq, Yeqsur, aqyawf-euq myavnuiv zaqlanr deuq-anr hawhaw-aer heulof-aer aer-eu mae: “Nawmaf irshaq shaq-eu tsawrhaq deuq-aq, guiqlanq huiq-eu mae. Aqjeq mirnae aernar-aq, Miqyaer uvlanr-eu jeq nawmaf-anr of-eu mae.

Luˇkaꞈ 9:2

Miqyaer uvlanr-eu garkawv maeqnaeqni hawr-eu nar-eu deuq-anr lavtaq naeqni, aqyawf maf-anr khaerdov ghae-euq mae.

Gʼaˬkʼehˇ 11:18

Aqyawfmaf garkawv khoer-anr yagaq ngae, ciqcur savni jawr-awr Miqyaer-anr ciqhuiq ciqmanr-eu, “Tox-aer mar-iq, aqcawq tsawrjeuq tsawrca-anr khawf daef-eu jeq bi za’ni Miqyaer, aqyawf maf-anr bi noeqpov bi noeqpar-euq ngar-a.”

Gʼaˬkʼehˇ 17:30

Dzeurlaf ngae, tsawrhaq nae maq siqnya-aer mr-euq deuq-anr Miqyaer hawdzeur-euq mae. Aerkhawf, nymq-mr yawqgar navluf jawr-eu tsawrhaq dawqtawvluf noeqpov noeqpar-awq laer dawq bif-euq mae.

Gʼaˬkʼehˇ 2:38

Khoerngae, Beqtuvluv, aqyawf maf-anr heulof-aer aernaeq-euq mae: “Miqyaer, nawmaf-euq iqbax pyaeqnaeqni noeqpov noeqpar-awr, Yeqsur Kali-euq tsawrmyanr-euq uqmov bartirsaq hageuf-awq. Khoerlof-aer janr nar-aq, Yawshawr Saflar-euq lafsawq za taef-a.

Gʼaˬkʼehˇ 20:21

Yurdav tsawrhaq hawr-eu Heqlaqsar tsawrhaq-anr khawf, Miqyaer-euq maeqshi iqbax noeqpov-awr, aqdui-euq Sanqpaq Yeqsur Kali-anr jan-awq laer sarkir kamq-euq ma.

Gʼaˬkʼehˇ 26:20

Khoernar-aq, ngar, Daqmaqsaer-anr maeqdanq bae-awr, Yeqlursaqlaeq-anr jawr-eu deuq, Yurdav mirkhanq doeni jawr-eu deuq hawr-eu, aqcawq tsawrjeuq tsawrca-anr noeqpov noeqpar-awr, Miqyaer jawr-eu paw pyawrlar-eu uqtaf, nawmaf noeqpov noeqpar-euq gar geux-eu gardeuq mrmr-aer daef-awq laer maeqnaeq-ir-euq ma.

Gʼaˬkʼehˇ 3:19

Khoermirnae, noeqpov noeqpar-awr daefpov daefpar-awq. Khoerlof-aer janr nar-aq, Miqyaer, nawmaf-euq iqbax sivdzae naeqlaf-awr, Sanqpaq Miqyaer-euq maeqshi lavshuif-eu aryamq keuvle taef-a.

2 Gawˇliˬtu 7:10

Aqjeq mirnae aernar-aq, Miqyaer-anr yawzeu baw-eu lafkhoer noeqshaq-eu jeq-aq, kakhof-eu jeq za’ni noeqpov noeqpar-eu jeq bi dovlar-eu mirnae, nuima cawv paq-aer ghae-eu jeq maqngeur-a. Aerkhawf, mirtsaq-anr taf-eu noeqshaq-eu jeq-aq, shir-eu jeq-anr saqler-eu mae.

Gawˇlawˇsehˇ 1:13

Aqyawf, aqdui-anr yawzanr-euq baoq-euq lafkhoer nae bibuq-ir naeqlaf-awr, aqyawf zawr gaq-eu Zaqyo uvlanr-eu jeq-euq lafkhoer sheuqur naeqlaf-euq mae.

2 Tiˆmoˇseˬ 2:25

Maeq-eu gar pyaerlar-eu tsawrhaq-anr nuinanq nuiyu anr-awr maeqnaeq nya-eu tsawrhaq khawf yapyeuf-eu mae. Khoerlof-aer janr nar-aq, aqyawfmaf yawtsaq yawdawr-anr siqnya larni, Miqyaer, aqyawf maf-anr bi noeqpov bi noeqpar lar-eu baw-mr.

HeˬByehˇ 6:1

Khoermirnae, Kali-anr taf-eu dzawdanq bae-eu garkawv taef-aer jaja-aer maqpar jawr-aer, aqdui tsawrkhav khavlarni, garkawv heudeuq-anr dawqpaeq baepar baepar-aer maqpar jawrni maeqhu paw le kar-eur: gar yawshir-anr nae noeqpov noeqpar-eu, Miqyaer-anr jan-eu jeq-euq garkawv,

2 Beˬtuˆluˆ 3:9

Sanqpaq Miqyaer-aq, tsawrhaq tiqpavnav deuq noeq-eu lof-aer, aqyawf nae sarjax dzaqtaq-euq jeq maq mrbyanni nyinaq-eu maqngeur-a. Aerkhawf, tsawrhaq tiqghaq-iq maqbi cawv-ir mawf-aer, yawqghaq navluf noeqpov noeqpar mr-eu gar aqyawf geufmawf-eu mirnae, aqdui-euq gharduq nuima ghawqmanrni taq-eu jeq pyeuf-eu mae.

Panmaeq 2:21

Aqyawf, banq-awr khaqmiq sheu-eu iqbax noeqpovni, ngar aryamq bif-euq khawf aqyawf maq noeqpov-a.

Panmaeq 2:5

Khoermirnae, nawr aqgeugar nae gaka lef-euq le laer sharnoeq-awr, noeqpov noeqpar mr-eu uqtaf, nawq nae yawbae mr-euq lof-aer mr-awq. Nawr noeqpov noeqpar maqmr nar-aq, ngar, nawr jawr-eu gar yawkawr-aer oe-awr, nawq-euq tsirkhmq, ciqtaq duq-anr nae ciqdzae ma.