Maꞈtehˬ 27:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqyawf aer-eu, “Ngar iqbax maqanr-eu tsawrhaq-anr anqdzaq-euq mirnae, ngar iqbax mr-euq mir-a.” Khoerngae, aqyawfmaf aer-eu, “Khoer-aq, nawq-euq garkawv taef mae, nga’maf-anr aqjeq taf-eu la?”

Akha

⁴ Aˬ yawꞈ ehˇ-eu, “Iˬ baˇ maˬ ahˇ-eu tsawˇ haˬ-ahˇ bi sehꞈ-eu lehˇ ahˬ dzaˬ-euˬ ngaˬ-euˬ yaw lehˬ heu, iˬ baˇ huiˬ dui dui nya.” Aˬ yawꞈ maꞈ ehˇ-eu, “Gaˇ kawˆ teu nga maꞈ-ahˇ tiˬ jeˬ-iˬ maˬ taꞈ. Nawˬ-euˬ gaˇ kawˆ nawˇ tehꞈ meh.”

Maꞈtehˬ 27:4 ပူးပေါင်းရင်းမြစ်များ

Jaceuq 94:21

Aqyawfmaf tiqkawv lof-aer gmler-awr, Tsaq-awr dawr-eu tsawrhaq-euq daefzir-anr muir-awr, Tiqjeq-iq maqbanq-eu tsawrhaq-anr shiqner dovni dar-eu mae.

Dawqdaq 12:8

Tsawrhaqzaq-aq, yawqha zaqsiq tsawrganr anr-eu navni yabi ciqpoeq taef-a. Aerkhawf, nuima biryawf-aer ghae-eu tsawrhaq-aq, Hawdoer-eu gar yadaq taef-a.

Maꞈtehˬ 27:19

Pirlav yarkhaq dar-eu nuirmanq-anr nuirluf ngae, aqyawf-euq nymrdanq dawqtsaf heulof-aer tsafanr lef-euq mae, “Nawr, tsaq-awr dawr-eu tsawrhaq teughaq-anr tiqjeq-iq taqjanr. Iqnan ngar yufmav mav-eu lafkhoer, aqyawf-euq baqda’nae shaqzanq yadaq duidui-euq ma.”

Maꞈtehˬ 27:54

Khoerngae, yardzoeq guirhuq hawr-eu aqyawf naeq-aer Yeqsur-anr lofluf-eu guirzaq deuq, mirluv luv-eu gar hawr-eu khar pyeuflar-euq deuq-anr ya’mawr ngae, guv duidui-ir-awr aer-eu, “Tsawrhaq heughaq-aq, aqdirma-aer Miqyaer-euq Zaqyo ngar-a!”

Luˇkaꞈ 23:22

Khoerngae, Pirlav smq pov tiqpov aqyawf maf-anr aernaeq-eu, “Aqjeq mirnae bi tafsaef mawf-eu nya? Aqyawf yawdoer jeq mrtaq-euq aqgeu jeq jav-eu la? Ngar, aqyawf-euq lafkhoer shir paq-aer mrbanq taq-euq yawbanq tiqjeq-iq maq povmawr-aq. Khoermirnae, ngar, aqyawf-anr diq-awr pyaeqnaeq ma.”

Luˇkaꞈ 23:41

Arnyaf heulof-aer yadaq-eu-aq tsaq mae. Arnyaf mrbanq-euq mirnae, daq paq-aer ghae-eu lof-aer daqluf-eu ma. Aerkhawf, teughaq-aq, tiqjeq-iq maq mrbanq-aq.”

Luˇkaꞈ 23:47

Yardzoeq guirhuq tiq ghaq khoerlof-aer pyeuflar-euq gar ya’mawr ngae, Miqyaer-anr ciqhuiq ciqmanr-eu lafkhoer aer-eu, “Tsawrhaq heughaq-aq, aqdir aqmar tsaq-awr dawr-eu tsawrhaq ngar-a!”

Yoˇhaˬ 19:7

Yurdav tsawrhaq aerkhof naeq-eu, “Nga’maf zanrdawq jav-eu ma. Nga’maf-euq zanrdawq jav-eu lof-aer nar-aq, aqyawf shir-eu tsaq mae. Aqjeq mirnae aernar-aq, aqyawf-aq, Miqyaer-euq Zaqyo ma laer aer-eu mae.”

Gʼaˬkʼehˇ 13:28

Aqyawf-euq lafkhoer yashir paq-aer mrlaeq taq-euq jeq maq povmawr nya-euq khawf, aqyawf-anr saefni Pirlav-anr shar-euq mae.

Lormav 3:19

Zanrdawq-euq lafkhoer khar boftaq-euq dawqdeuq-aq, zanrdawq-euq lafov jawr-eu tsawrhaq-anr aernaeq-eu mae laer aqdui siqnya-eu ma. Khoer-aq, tiqghaq-iq daeqlaefkhar maqbi za-aer, mirtsaqzaq dawqtawvluf Miqyaer-euq maeqshi yawlaeq ngar-a laer bi dovlar-eu gharduq mae.

1 Tiˆmoˇseˬ 4:2

Yawmuiq janrgeuf-awr jaqmyawf myawf-eu lafkhoer ngaeq-eu mae. Aqyawf maf-euq zaqsiq nuisiq-aq, shmr puivner-awr tsaeq kataq-euq mae.

Tiˇtuˆ 1:16

Aqyawfmaf, Miqyaer-anr siqnya ma laer aer-eu khawf, aqyawfmaf mrgar shargar haw nar-aq, Miqyaer-anr siqnya gar tiqpawf-iq maqdur-a. Aqyawf maf-aq, byae duiduilar paq-aer ghae-awr, aerdawq maq narhaq-eu tsawrhaq mirnae, yawmuiq jeq mr-eu tiqpawf-iq maqgeux-a.

HeˬByehˇ 7:26

Heulof-aer ghae-eu Pirma yawhuiq ghaq-aq, aqdui-anr tsaq duidui-eu mae. Aqyawf-aq, yawjawf hawr-eu yawlaeq maqanr-eu uqtaf, yawshawr mae. Iqbaxzaq-anr nae bi tserpav dov-awr, mq-euq navmaqtser bi ciqgor taq-euq mae.

1 Beˬtuˆluˆ 1:19

Aerkhawf, marbyawf maqbaw-aer aerkhar maqza-eu yawrzaq-euq shiq lof-aer dur-eu, arpoeq khav duidui-eu Kali-euq shiq nae kakhof naeqlaf-euq mae.

1 Yoˇhaˬ 3:12

Yawcawv ghaq-anr taf-eu Gaqirnav lof-aer taqghae. Aqyawf-aq, aqyawf-euq aqnyir-anr saef-euq mae. Aqjeq mirnae saef-euq la laer aernar-aq, aqyawf nae mr-euq jeq-aq, yawdoer pyeuf-awr, aqyawf-euq aqnyir nae mr-euq-aq, tsaq-awr dawr-eu mirnae saef-euq mae.

Panmaeq 11:10

Heu nyiq ghaq shir-euq mirnae, mirtsaq-euq khoertav jawr-eu tsawrhaq deuq laqkhaqcaer duidui-eu lafkhoer yawbui bui-awr, tiqghaq tirghaq lafsawq bif taef-a. Aqjeq mirnae aernar-aq, Miqyaer gharduq ngaeqdan-eu tsawrhaq heu nyiq ghaq-aq, mirtsaq-euq khoertav jawr-eu tsawrhaq deuq-anr khaeqnaeq khavnaeq-euq mae.