Maꞈtehˬ 24:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Yeqsur, Saqloq gawqjawq-anr nuirluf ngae, zaqlanr deuq taef-aer ciqcurni aqyawf jawr-eu gar lar-awr Yeqsur-anr narhaq-eu, “Heudeuq aqmyan pyeuflar-eu la? Nawr zafka le-eu hawr-eu mirtsaq heu arsaqsaq ngae pyeuflar-eu deuq, bisiq bimawr-eu jeq aqjeq jav-eu la laer nga’maf-anr ja’maeq naeqlaf-awq.”

Akha

³ Saˬloˬ gawˬ jawˬ-ahˇ Yeˬsuˇ nuiˇ luꞈ ngeh, zaˬ lahˇ deuˬ tehꞈ-ehˇ aˬ yawꞈ jawˇ gaˇ laˇ-awˇ ehˇ-eu, “Uˬ duˬ tahˬ nymˇ nymˇ ma cawˆ-iˇ-eu aˇ yamˬ kʼoeˇ aˬ myah keuˆ le ta lehˇ ehˇ nehˬ laꞈ sheˇ. Miˇ tsaˬ heu aˇ saˬ saˬ-eu dawˬ peh peh laˇ-awˇ, nawˇ zaꞈ le-eu aˇ yamˬ keuˆ le-euˬ nga lehˇ, aˬ jeˬ-ahˇ haw-awˇ ya siˬ nmˇ.”

Maꞈtehˬ 24:3 ပူးပေါင်းရင်းမြစ်များ

Maꞈtehˬ 13:36

Khoerngae, Yeqsur, tsawrhaq armaf mafma deuq-anr bighof-ir-awr irkanr urler-euq mae. Aqyawf-euq zaqlanr deuq lar-awr aer-eu, “Daeyar-anr daef-eu shmrma-euq garkawv yawjeq majeq dawq-euq dawqtsuif, nga’maf-anr ja’maeq naeqlaf-awq.”

Maꞈtehˬ 13:49

Mirtsaq heu arsaqsaq ngae nan khawf khoerlof-aer pyeuflar taef-a. Mqtav ghaqkhaer oe-awr, tsaq-awr dawr-eu tsawrhaq hawr-eu yawcawv jeq mr-eu tsawrhaq-anr tserpav-awr nae,

Maꞈtehˬ 15:12

Khoerngae, aqyawf-euq zaqlanr deuq, aqyawf jawr-eu gar lar-awr aer-eu, “Paqliqsaer deuq, nawq nae aer-euq dawq heudeuq-anr yagaq ngae coeqler-aq laer nawr siqnya ma lor?”

Maꞈtehˬ 16:27

Tsawrhaq-euq Zaqyo-aq, aqyawf-euq Aqda-euq yawshaef khanqsaer-euq lafkhoer, aqyawf-euq mqtav ghaqkhaer deuq naeq-aer zafkale taef-a. Khoerngae, tsawrhaq yawqghaq navluf-anr yawqha nae khar mrtaq-euq lof-aer janrkhofnaeq taef-a.

Maꞈtehˬ 16:28

“Ngar, nawmaf-anr aqdirma-aer aernaeq nyar, heugar yawfluf-eu tiqpavnav deuq-aq, maqshir-euq minav-aer, Tsawrhaq-euq Zaqyo, aqyawf-euq tsawrhaq-anr uvlanr le-eu gar ya’mawr taef-a.”

Maꞈtehˬ 17:19

Khoernar-aq, zaqlanr deuq yawzaf zaf-aer Yeqsur jawr-eu gar lar-awr narhaq-eu, “Aqjeq mirnae, nga’maf, naef khoermawr-anr maq taedov nya-eu nga?”

Maꞈtehˬ 21:1

Yeqsur hawr-eu zaqlanr deuq, Yeqlursaqlaeq-euq dawqpae cankeuv laf-awr, Saqloq gawqjawq-anr jav-eu Baerpaqjeq pu-anr larkeuv ngae, Yeqsur, zaqlanr nyiq ghaq-anr khaer-awr aernaeq-eu,

Maꞈtehˬ 24:27

Aqjeq mirnae aernar-aq, nanrma dovkhaeq paw mqmyawf myawf-eu, nanrma gakhaeq paw byakeuv-ir-eu lof-aer, Tsawrhaq-euq Zaqyo zafkale ngae khawf khoerlof-aer dur taef-a.

Maꞈtehˬ 24:30

Khoerngae, Tsawrhaq-euq Zaqyo-euq bisiq bimawr-eu jeq mq-anr ya’mawr taef-a. Mirtsaq-euq khoertav-euq tsawrjeuq tsawrca dawqtawvluf tsawrngoerngoer taef-a. Tsawrhaq-euq Zaqyo, baoq hawr-eu huiq duidui-eu yawshaef khanqsaer-euq lafkhoer, mq-euq khoertav-euq mqdmr-anr dziq-awr nae zafka le-eu gar aqyawfmaf ya’mawr taef-a.

Maꞈtehˬ 24:37

Noraq-euq arnan-anr aqjox-aer pyeufyaf-euq ngeur nar-aq, Tsawrhaq-euq Zaqyo zafkale ngae khawf, khoerlof-aer pyeuflar taef-a.

Maꞈtehˬ 24:39

Maqnoeq maqdur-aer jawr ngae, ircuf danqlar-awr, aqyawfmaf dawqtawv luf-anr gheupuf saefjir-euq mae. Tsawrhaq-euq Zaqyo zafkale ngae khawf, khoerlof-aer dur taef-a.

Maꞈtehˬ 24:43

Aerkhawf, nawmaf heu-anr siqnya-awq. Nymrsanr ghaq, smrkhoeq khoeqlar-eu aryamq-anr siqnya lawnmr-aq, smrkhoeq khoerghaq, aqyawf-euq irkanr maqbi urlar-aer aqyawf-euq nymr maqbi daepyavni lofpir taef-a.

Maꞈtehˬ 28:20

Ngaq nae nawmaf-anr biftaq-euq dawq yawqdawq navluf-anr aqyawfmaf narhaq geufni maeqnaeq tsovnaeq-awq. Mirtsaq heu arsaqsaq ngae keuvni, ngar, nawmaf naeq-aer aqmyanluf jawr ma.” Aqmeq.

Luˇkaꞈ 21:7

Khoerngae, aqyawfmaf, Yeqsur-anr narhaq-eu, “Saqlaq-or, heudeuq aqmyan pyeuflar-eu la? Heudeuq pyeuflar-eu laer ghae ngae, bisiq bimawr-eu jeq, aqgeu jeq ya’mawr-eu la?”

Gʼaˬkʼehˇ 1:7

Khoerngae, Yeqsur, aqyawf maf-anr heulof-aer aernaeq-euq mae, “Aqda, aqyawf-euq aryaq-euq lafkhoer, aryamq arlaw paxtaq-euq gar nawmaf siqnya-eu laer maqya ghae-ar.

HeˬByehˇ 9:26

Khoerlof-aer ya lawrnaeq lawnmr-aq, mqmir bae-euq taf nar-aq, aqyawf ghawqmya pov shaqzanq yadaq-euq law taef-a. Aerkhawf, aqyawf iqbax yurdzae-eu laer arsaq saq-eu aryamq heu-euq lafkhoer, aqyawf-euq mawrdo lawrnaeq-euq baqda’nae, aqyawf tiq pov dovle-euq taef mae.