Maꞈtehˬ 22:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Sanqpaq khoerghaq, kuirlaf zaqkhav nuideuq-anr par khaerghae-awr, ‘Nawmaf, kurtaq-euq khoerdeuq-anr daqyan kur-ir-awq laer aernaeq-euq, “Dzaqbyawr lavdawv ghaq-euq ma. Mawrner hawr-eu jeqzaq yawtsur deuq saef-awr, yawqjeq navluf yawmuiq paq-aer laeqhmqdan taq-euq ma. Oermr bar-eu gar lar-awq.” ’

Akha

⁴ Zaˬ kʼaˆ yawˬ deuˬ yawˬ-ahˇ aˬ yawꞈ paˇ pyehˬ gʼeh-awˇ, ‘Dzaˬ byawˇ lehˬ hmˬ dah taˬ-euˬ ma. Mawˇ neˇ mawˇ gaw deuˬ hawˇ-eu, cu tsuˇ taˬ-euˬ jeˬ zaˬ deuˬ sehꞈ-awˇ, yawˬ jeˬ na luꞈ laˆ dah jiˇ taˬ-euˬ ma. Oeˇ mˇ baˇ-eu bawˬ-iˬ-ahˇ laˇ-awˬ’ lehˇ paˇ bi kuˇ-iˇ-euˬ meh.

Maꞈtehˬ 22:4 ပူးပေါင်းရင်းမြစ်များ

Jaceuq 86:5

Aqjeq mirnae aernar-aq, Sanqpaq Miqyaer-or, Nawr-aq, yawmuiq mae. Nawq-anr kur-eu tsawrhaq dawqtawv luf-anr, Ghawqshaq gaq-eu jeq byan-awr, aqmyanluf iqbax pyaeq-eu mae.

Dawqdaq 15:17

Byae-eu tsawrhaq naeq-aer mawrner yawlov saefdzaq-eu navmaqtser, Gaq-eu tsawrhaq naeq-aer ghawqnyoer dzaq-eu-aq, muiqdzaeq-eu mae.

Maꞈtehˬ 21:36

Yawbae pov myavmaqtser yarsanr khoerghaq, kuirlaf zaqkhav deuq-anr parbi le-euq mae. Aqgaf yarkmr-anr mr-eu deuq yawbae pov lof-aer aqyawf maf-anr khawf janrnaeq-euq mae.

Maꞈtehˬ 22:5

Aerkhawf, kurtaq-euq tsawrhaq khoerdeuq maq taqhuiq-aer yawqha-euq garma-anr yawqha ir-euq mae. Tiq ghaq-aq, aqyawf-euq yarngae ir-awr, tiq ghaq-aq, jeqgaf gaf-ir-euq mae.

Maꞈtehˬ 22:8

Khoernar-aq, sanqpaq khoerghaq, aqyawf-euq kuirlaf zaqkhav-anr heulof-aer aernaeq-euq mae, ‘Oermr bar-eu yawbui yawmuiq-aer laeqhmq taq-euq ma. Aerkhawf, kurtaq-euq tsawrhaq deuq maqgeux nga.

Luˇkaꞈ 14:17

Hawqbyawr lawr-eu aryamq keuvlar ngae, aqyawf-euq kuirlaf zaqkhav-anr khaer-awr kurtaq-euq tsawrhaq-anr, ‘Lar-awq de-eq. Yawqjeq navluf laeqhmqjir taq-euq ma’ laer bi aergaq-ir-euq mae.

Gʼaˬkʼehˇ 1:8

Aerkhawf, Yawshawr Saflar, nawmaf-euq khoertav zafkale ngae, nawmaf baoq za taef-a. Khoernar-aq, nawmaf, Yeqlursaqlaeq hawr-eu Yurdav mirkhanq-euq lafkhoer, Saqmaqliv mirkhanq doeni hawr-eu mqdzer mirdzer-anr keuvni, ngaq-euq garkawv sarkir kamq-eu tsawrhaq pyeuflar taef-a.”

Gʼaˬkʼehˇ 13:46

Khoermirnae, Pawrluv hawr-eu Baqnaqbar nuima khaqduqni anrlar-awr heulof-aer aernaeq-euq mae: “Miqyaer-euq dawq nawmaf-anr jeqhu maeqnaeq-eu-aq tsaq mae. Aerkhawf, nawmaf, Miqyaer-euq dawq-anr byaerdzae-awr, li-eu maqbawni daef-eu jeq za-eu-aq, yawqha maqgeux-a laer dar-eu mirnae, nga’nyaf, aqcawq tsawrjeuq tsawrca jawr-eu paw ciqpyawr ma.

Lormav 8:32

Miqyaer cirkhof maqkhof-aer aqyawf-euq Zaqyo khawfni, aqdui dawqtawv luf-euq gharduq bifnaeq lef-euq ngeur nar-aq, aqyawf-euq Zaqyo naeq-aer tiqkawv lof-aer aqyawf kharjav-eu yawqjeq navluf, aqdui-anr yawqngaef-aer bifnaeq lef-eu maqngeur-ar lor?