Maꞈtehˬ 22:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawf-euq kuirlaf zaqkhav deuq-anr khaerghae-awr, kurtaq-euq tsawrhaq-anr bi kurlaq-ir-euq mae. Aerkhawf, aqyawfmaf maq larmawf-eu mirnae maqlar-aq.

Akha

³ Aˬ yawꞈ-euˬ zaˬ kʼaˆ deuˬ-ahˇ pyehˬ gʼeh-awˇ, oeˇ mˇ baˇ-eu bawˬ-iˬ-ahˇ bi laˇ-eu gʼaˇ duˬ kuˇ taˬ-euˬ tsawˇ haˬ deuˬ-ahˇ bi kuˇ laˬ-iˇ-euˬ meh. Ehˇ kʼawꞈ, aˬ yawꞈ maꞈ maˬ laˇ-a.

Maꞈtehˬ 22:3 ပူးပေါင်းရင်းမြစ်များ

Jaceuq 68:11

Sanqpaq Miqyaer, dawq bifdov lef-euq, Tsawrhaq-euq baqmaf mafma dawq khoer dzawrgaq-eu mae.

Maꞈtehˬ 21:34

Aqgaf arsiq pyav-eu aryamq tsaqlar ngae, aqyawf-euq kuirlaf zaqkhav tiqdeuq-anr aqgaf yarkmr-anr mr-eu deuq jawr-eu gar bile-awr, aqgaf arsiq bi pilaq ler-euq mae.

Maꞈtehˬ 23:37

“Yeqlursaqlaeq-or! Or, Yeqlursaqlaeq, nawr, Miqyaer gharduq ngaeqdan-eu tsawrhaq deuq-anr saef-awr, nawr jawr-eu gar bi’oe-euq deuq-anr khawf khaqlo nae biqsaef-eu mae. Yaciv ya’ma, yazaq deuq-anr danrkhawv khawvuiq-eu lof-aer, ngar, nawq-euq zaqdeuq-anr armyav pov khawvuiq mawf-eu khawf, nawmaf maqbi khawvuiq naeqlaf-eu beu.

Maꞈtehˬ 3:2

“Noeqpov noeqpar-awq. Aqjeq mirnae aernar-aq, mqtav mirkhanq keuvle shaw-iq mae.”

Maꞈtehˬ 9:15

Yeqsur, aqyawf maf-anr heulof-aer aernaeq-euq mae: “Yoshuif ghaq, cawqdeuq naeq-aer jawr ngae, cawqdeuq ghawqshaq-aer ghae taef-a lor? Aerkhawf, yoshuif ghaq-anr lavghawq-eu arnan keuvle taef-a. Khoerngae, aqyawfmaf dzardzaq yasheuq taef-a.

Luˇkaꞈ 13:34

“Yeqlursaqlaeq-or! Or, Yeqlursaqlaeq, nawr, Miqyaer gharduq ngaeqdan-eu tsawrhaq deuq-anr saef-awr, nawr jawr-eu gar bi’oe-euq deuq-anr khawf, khaqlo nae biqsaef-eu mae. Yaciv ya’ma, yazaq deuq-anr danrkhawv khawvuiq-eu lof-aer, ngar, nawq-euq zaqdeuq-anr armyav pov khawvuiq mawf-eu khawf, nawmaf maqbi khawvuiq naeqlaf-a.

Luˇkaꞈ 15:28

“Ardov ghaq nuima paerpaer-aer irkanr maq urler mawf-a. Khoermirnae, aqyawf-euq aqda dovle-awr, aqyawf-anr tanqshar-euq mae.

Luˇkaꞈ 19:27

Khoeruqtaf, ngaq-anr muir-awr, ngaq-anr aqyawf maf-euq khoertav maqbi uvlanr mawf-eu deuq-anr sheuqlaf-awr ngaq-euq maeqshi saef-awq.’ ”

Yoˇhaˬ 5:40

Aerkhawf, nawmaf saflar daef-eu jeq za’ni, ngar jawr-eu gar maq larmawf-a.

Gʼaˬkʼehˇ 13:45

Aerkhawf, Yurdav tsawrhaq deuq, tsawrhaq armaf-anr ya’mawr ngae, myavnavnav duidui-eu lafkhoer Pawrluv ngaeq-eu gar lavtsoeq-awr, pyaerpyaer-aer yaeqbawq saerlu-aer aernaeq-eu mae.

Lormav 10:21

Miqyaer, Irsaqleqlav tsawrhaq-anr aernaeq-eu, “Maq narhaq geuf-aer dawqpov povkhof lar-eu tsawrhaq-anr hageuf-eu laer, Ngar nan’ga-i aqlaf cawqja taq-euq ma.” (Isy 65:2)

HeˬByehˇ 12:25

Nawmaf-anr dawq ngaeqcawq lar-eu ghaq-euq dawq-anr maq narhaq-aer maqghaeni yanr-awq. Aqjeq mirnae aernar-aq, mirtsaq-euq khoertav aqyawf maf-anr aernoeq naeq-euq khoerghaq-euq dawq-anr, aqyawfmaf maq narhaq-euq mirnae, maqya dzeur-ir-euq ngeur nar-aq, mq-anr nae aernoeq naeqlaf-euq khoerghaq-euq dawq-anr aqdui maq narhaq nar-aq, ngeurdzaeq aqjox-aer parya dzeur-ir nmr-mq?

HeˬByehˇ 9:15

Heu-euq baqda’nae, tsawrhaqzaq dawqma sarjax yawbae hmq-euq lafov jawr ngae, mrbanq mrlaeq-euq deuq-anr kakhof-eu laer Yeqsur shirdan-euq mae. Miqyaer nae kurtaq-euq tsawrhaq deuq-anr sarjax dzaqtaq-euq lof-aer, mqmaq maqbyav yarzir-euq jeqbir bi za’ni, Yeqsur-aq, dawqma sarjax yawshuif-euq tsawrkaq pyeuf-eu mae.

Panmaeq 22:17

Khoerngae, muiq-eu Saflar hawr-eu miqshuif aer-eu, “Lar-awq.” Yagaq-euq tsawrhaq deuq khawf, “Lar-awq” laer kur-awq. Ircuf maef-eu tsawrhaq deuq khawf lar-awq. Khar dawrmawf-eu tsawrhaq yawqghaq navluf daef-eu jeq bif-eu ircuf yawqngaef-aer dawrlar-awq.