Maꞈtehˬ 2:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Yufmav mav-eu lafkhoer, Sanqpaq Miqyaer, aqyawf maf-anr Heqlor jawr-eu gar taq ghofmawrler laer maeqnaeq-euq mirnae, aqyawfmaf yawqpawyawq nae aqyawf maf-euq mirkhanq-anr ghof-ir-euq mae.

Akha

¹² Aˬ yawꞈ maꞈ sahˬ paˬ Heˬloˆ jawˇ gaˇ maˬ ya gʼoꞈ-iˇ ni, yuꞈ maˆ maˆ-eu laꞈ kʼoeˇ Miˬyehˇ neh aˬ yawꞈ maꞈ-ahˇ ehˇ nehˬ-euˬ miˇ neh, yawˬ paw yawˬ gaˇ jaw jaw-awˇ aˬ yawꞈ maꞈ-euˬ miˇ kʼahˬ-ahˇ gʼoꞈ-iˇ-euˬ meh.

Maꞈtehˬ 2:12 ပူးပေါင်းရင်းမြစ်များ

Maꞈtehˬ 1:20

Yorsaev khoerlof-aer sharnoeqluf ngae, aqyawf yufmav mav-eu lafkhoer, Sanqpaq Miqyaer-euq mqtav ghaqkhaer dovle-awr heulof-aer aer-eu mae: “Daqbir-euq zaqyo Yorsaev-or, nawq nae aertsaev taq-euq Maqliv-anr sheuqdanq dzaq-eu taq noeqshaq. Aqjeq mirnae aernar-aq, aqyawf piluf-eu zaq-aq, Yawshawr Saflar-euq baqda’nae tsaevler-euq mae.

Maꞈtehˬ 2:13

Aqyawfmaf ghof-ir dzeur-euq nar-aq, Sanqpaq Miqyaer-euq mqtav ghaqkhaer tiq ghaq, Yorsaev yufmav mav-eu lafkhoer dovle-awr aer-eu, “Tur-awr, aqlizaq hawr-eu aqyawf-euq aqma sheuq-awr Irjirtuv-anr caevjawr-ir-awq. Ngar, nawq-anr aernaeqlaf ngae keuvni khoergar jawr-awq. Aqjeq mirnae aernar-aq, Heqlor, aqlizaq-anr saef-eu laer pov taef-a.”

Maꞈtehˬ 2:19

Heqlor shirdzeur-awr, Yorsaev, Irjirtuv-anr jawrluf ngae, Sanqpaq Miqyaer-euq mqtav ghaqkhaer tiq ghaq, Yorsaev yufmav mav-eu lafkhoer dovle-awr heulof-aer aernaeq-euq mae,

Maꞈtehˬ 2:22

Aerkhawf, Aqgeqlar, aqyawf-euq aqda Heqlor-euq dzoeqdzaq za-awr, Yurdav mirkhanq-anr uvlanr luf-eu garkawv Yorsaev yagaq-euq mirnae, khoergar maq ghofler peuq-a. Yufmav mav-eu lafkhoer, Miqyaer, aqyawf-anr par maeqnaeq-awr, Gaqliqlaer mirkhanq-anr jawrler-euq mae.

Maꞈtehˬ 27:19

Pirlav yarkhaq dar-eu nuirmanq-anr nuirluf ngae, aqyawf-euq nymrdanq dawqtsaf heulof-aer tsafanr lef-euq mae, “Nawr, tsaq-awr dawr-eu tsawrhaq teughaq-anr tiqjeq-iq taqjanr. Iqnan ngar yufmav mav-eu lafkhoer, aqyawf-euq baqda’nae shaqzanq yadaq duidui-euq ma.”

Luˇkaꞈ 2:26

Aqyawf maqshir-euq minav-aer Sanqpaq Miqyaer-euq Kali-anr ya’mawr taef-a laer, Yawshawr Saflar, aqyawf-anr panmaeqnaeq taq-euq mae.

Gʼaˬkʼehˇ 10:22

Khoerngae, aqyawfmaf aer-eu, “Yardzoeq guirhuq Gorneqlir-aq, Miqyaer-anr guv-awr, Yurdav tsawrjeuq tsawrca dawqtawv luf-euq lafkhoer tsawrmyanr muiq-eu, tsaq-awr dawr-eu tiq ghaq mae. Nawq-anr aqyawf-euq irkanr-euq lafkhoer kurur-awr, nawq-euq dawq narhaq-awq laer shawr-eu mqtav ghaqkhaer tiq ghaq, aqyawf-anr aernaeq le-euq mae.”

Gʼaˬkʼehˇ 4:19

Aerkhawf, Beqtuvluv hawr-eu Yorhaq, aqyawf maf-anr heulof-aer aerkhof naeq-euq mae, “Miqyaer-anr narhaq geuf-eu navmaqtser nawmaf-anr narhaq geuf-eu, Miqyaer-euq maeqshi tsaq paq-aer ghae mir-a laq laer nawmaf dar-awq.

Gʼaˬkʼehˇ 5:29

Khoerngae, Beqtuvluv hawr-eu ghaqkhaer deuq heulof-aer aerkhof-euq mae: “Nga’maf, tsawrhaq-euq dawq-anr navmaqtser, Miqyaer-euq dawq-anr narhaq geuf-eu tsaq mae.

1 Gawˇliˬtu 3:19

Aqjeq mirnae aernar-aq, mirtsaq-euq zaqsiq tsawrganr-aq, Miqyaer-euq maeqshi yawdzawq yawgan mae. Yaerbof aer-eu, “Miqyaer, tsawrganr anr-eu tsawrhaq-anr yawqha-euq tsawrganr lanrju-anr yawqha bi pafler-eu mae.” (Yb 5:13)

HeˬByehˇ 11:7

Noraq jan-eu mirnae, maq mawrhaw-euq jeq Miqyaer, aqyawf-anr aernaeq ngae, yawzeu baw-awr guv-eu lafkhoer narhaq geuf-awr, aqyawf-euq nymrkhanq yabuq-ir ni lawq lawqma tiq lawq tsov-euq mae. Aqyawf jan-eu khoer-aq, mirtsaqzaq-anr dar-eu jeq pyeuf-awr, aqyawf-anr tsaq-awr dawr-eu jeqbir of-eu tiq ghaq bi pyeuflar-euq mae.

HeˬByehˇ 8:5

Aqyawfmaf mrluf-eu khoer-aq, mq-euq khoertav mr-eu jeq-euq narshmr hawr-eu arbar lovni taef mae. Morseq saqpar saeqghawv ghawv-eu laer ghae ngae, Miqyaer, Morseq-anr heulof-aer aernaeq-euq mae, “Yawqjeq navluf gawqjawq-euq khoertav nawq-anr bimawr-euq arbar lof-aer durni, yawmuiq-aer ghawv-awq.” (Di 25:40)