Maꞈtehˬ 2:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Irkanr urler ngae, aqlizaq hawr-eu aqyawf-euq aqma Maqliv-anr ya’mawr-awr, pawqtsuif pawqdmq dmq-awr, aqlizaq-anr uqduq tanq-euq mae. Khoernar-aq, aqyawfmaf nae yurlaf-euq arpoeq zawr khav-eu lafsawq deuq beuqdov-awr, aqyawf-anr damqnaeq-euq mae. Lafsawq khoerdeuq-aq, shuir, lawrbaoq hawr-eu murlaq mae.

Akha

¹¹ Aˬ yawꞈ maꞈ nymˇ laꞈ kʼoeˇ uˇ leˇ ngeh, zaˬ nahˬ hawˇ-eu aˬ ma Maˬliˇ-ahˇ ya mawˇ-awˇ, pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh. Aˬ yawꞈ maꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ, lawˇ baoˬ, muˇ laˬ, heu deuˬ yuˇ doˆ-awˇ, aˬ yawꞈ-ahˇ damˬ nehˬ-euˬ meh.

Maꞈtehˬ 2:11 ပူးပေါင်းရင်းမြစ်များ

Jaceuq 2:12

Zaqyo-anr maeqsaw saw-awq, maqngeur nar-aq, aqyawf nuima paerlar-awr, Nawr, garma-anr yacawv-ir-eu baw-mr. Aqjeq mirnae aernar-aq, aqyawf-euq nuipaer yawkawr-aer keuvle nya-eu mae. Aqyawf-anr ghoe-eu tsawrhaq dawqtawvluf, guiqlanq huiq-eu mae.

Jaceuq 45:8

Nawq-euq maeqtsoeq dawqtawvluf murlaq, karsiq hawr-eu arjawq tsir yawsaw nae lavsaw taq-awr; Ya’ma-euq juir nae tsovtaq-euq sanqpaq-euq nymr-anr nae, nawr laqkhaq caer-eu jeq dovle taef-a.

Jaceuq 72:10

Taqshiq hawr-eu irjawlanr-anr jawr-eu sanqpaq deuq, lafsawq yurlaf-awr, Sheqba hawr-eu Seqba-euq sanqpaq deuq khawf, lafsawq damqnaeqlar taef-a.

Jaceuq 72:15

Aqyawf yadaef taef-a. Aqcawq, aqyawf-anr, Sheqba mirkhanq-euq shuir bif taef-a. Aqcawq, aqyawf-euq gharduq aqmyanluf guiqlanq sharnaeq taef-a. Nan-anr nae aqcawq, aqyawf-anr jaceuq taef-a.

Jaceuq 95:6

Lar-awq, aqdui awbyav-awr uqduqtanq kar-eur; Aqdui-anr bae-euq ghaq pyeuf-eu Ya’we Miqyaer-euq maeqshi, Pawqtsuif pawqdmqdmq kar-eur.

Maꞈtehˬ 1:18

Yeqsur Kali daefle-euq garkawv-aq heulof-aer mae. Aqyawf-euq aqma Maqliv-aq, Yorsaev-anr danqdzaq-ir ma laer aertsaev taq-euq mae. Aqyawfnyaf maq sheuqdanq dzaq-euq minav-aer, Maqliv, Yawshawr Saflar-euq baqda’nae zaq tsaevler-euq mae.

Maꞈtehˬ 12:46

Yeqsur, tsawrhaq armaf mafma-anr maeqnaeqluf ngae, aqyawf-euq aqma hawr-eu aqyawf-euq maernmr deuq, Yeqsur-anr dawq ngaeqcawqmawf nya laer lafnyir paw yawfluf-eu mae.

Maꞈtehˬ 14:33

Khoerngae, lawq-euq lafkhoer urluf-eu deuq, Yeqsur jawr-eu gar lar-awr uqduq tanqtanq-aer aer-eu, “Nawr-aq, aqdir aqmar Miqyaer-euq Zaqyo ngar-a.”

Maꞈtehˬ 2:10

Aqyawfmaf, aqguir khoersiq-anr ya’mawr ngae, laqkhaqcaer duidui-eu mae.

Maꞈtehˬ 2:2

“Yurdav tsawrhaq-euq Sanqpaq geuf-eu laer daefle-euq ghaq aqgar jawr-eu la? Nga’maf, nanrma dovkhaeq paw aqyawf-euq aqguir-anr ya’mawr-awr, aqyawf-anr uqduq tanq-eu gharduq lar-euq ma.”

Luˇkaꞈ 2:16

Khoernar-aq, aqyawfmaf yawkawr-aer ir-awr, Maqliv hawr-eu Yorsaev-anr khawf, jeqdzar khawrlawq-euq lafkhoer ciqyuf taq-euq zaqnanq-anr khawf, povmawr-euq mae.

Luˇkaꞈ 2:38

Khoerngae nyiqpav-aer aqyawf lar-awr Miqyaer-anr jaceuq-eu mae. Yeqlursaqlaeq-anr kakhof naeqlaf-eu gar noeqtmq luf-eu tsawrhaq dawqtawv luf-anr, aqyawf, zaqnanq khoerghaq-euq garkawv ja’maeq naeq-euq mae.

Yoˇhaˬ 19:39

Dzeurlaf ngae, uqcif paw, Yeqsur jawr-eu gar lar-euq Nirgawrdiq khawf, murlaq hawr-eu arjawq keuq-euq 30 jawf-iq aerghaqni yurghae-euq mae.

Panmaeq 19:10

Khoerngae, ngar awbyav ghae-awr aqyawf-euq aqkuir-anr uqduq tanq-eu laer ghae-euq ma. Aerkhawf, aqyawf, ngaq-anr aer-eu, “Hawsher-eq! Nawr teulof-aer taqpar janr de-eq. Ngar khawf, nawr hawr-eu Yeqsur-euq garkawv sarkir kamq-eu aqyuif aqnyir deuq lof-aer kuirlaf zaqkhav pyeuf-eu nawq-euq cawq ma. Miqyaer-anr uqduq tanq-awq. Aqjeq mirnae aernar-aq, Yeqsur-euq garkawv sarkir kamq-eu-aq, Miqyaer gharduq ngaeqdan-eu saflar mae.”

Panmaeq 5:8

Aqyawf sanqbof khoeryov yur-euq naeq-aer yawdaef jeq oeq mawr hawr-eu aqyuif aqtsu khoer 24 ghaq Yawrzaq-euq maeqshi awbyav ghae-euq mae. Aqyawfmaf yawqghaq navluf deur-mq cuq baf-awr, dofdamq-eu yawsaw jeq tiqbyanni anr-eu shuir khmqmaq ciqluf-eu mae. Yawsaw jeq khoer-aq, tsawrshawr deuq-euq guiqlanq shardawq mae.