Maꞈtehˬ 2:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Sanqpaq Heqlor uvlanrluf ngae, Yeqsur, Yurdav mirkhanq Baeqlaeqhaeq-anr daefle-euq mae. Khoerngae, siqzaq ganryo heumyav ghaq nanrma dovkhaeq paw nae Yeqlursaqlaeq-anr larkeuv-awr narhaq-eu,

Akha

¹ Sahˬ paˬ Heˬloˆ uˆ lahˇ luꞈ-eu aˇ yamˬ laꞈ kʼoeˇ, Yuˇdaˆ miˇ kʼahˬ Behˬlehˬhehˬ meuˬ-ahˇ Yeˬsuˇ dehꞈ le-euˬ meh. Kʼoeˇ ngeh, aˬ guiˇ gaˇ kawˆ siˬ nya-eu zaˬ siˬ tsawˇ gahˇ ahˇ-eu deuˬ, nahˇ ma doˆ kʼehˬ paw neh Yeˬluˇsaˬlehˬ meuˬ-ahˇ laˇ-euˬ meh.

Maꞈtehˬ 2:1 ပူးပေါင်းရင်းမြစ်များ

Maꞈtehˬ 1:25

Aerkhawf, zaq khoerghaq maqciq-euq khoerkeuvni, Maqliv naeq-aer maq yuftaf-aq. Huqbaw zaqyo khoerghaq daefle-awr, aqyawf-anr Yeqsur laer myanrnaeq-euq mae.

Maꞈtehˬ 2:16

Khoernar-aq, aqyawf-aq, siqzaq ganryo deuq nae jaqmyawf bimyawf-euq nga laer Heqlor yasiq ngae, nuima paer duidui-eu mae. Aqyawf nae siqzaq ganryo deuq-anr narhaqduq taq-euq aryamq-anr sharsawx-awr, Baeqlaeqhaeq hawr-eu tanqghof tanqjawr-anr kharjawr-eu nyiq khof-euq lafov paw-euq aqli deuq-anr, tsawrhaq khaerghae-awr bi saefjir-euq mae.

Maꞈtehˬ 2:19

Heqlor shirdzeur-awr, Yorsaev, Irjirtuv-anr jawrluf ngae, Sanqpaq Miqyaer-euq mqtav ghaqkhaer tiq ghaq, Yorsaev yufmav mav-eu lafkhoer dovle-awr heulof-aer aernaeq-euq mae,

Maꞈtehˬ 2:3

Sanqpaq Heqlor yagaq ngae, nuima tiqpawf-iq maqsar-a. Yeqlursaqlaeq-anr jawr-eu tsawrhaq dawqtawvluf khawf nuima maqsar-a.

Maꞈtehˬ 2:5

Aqyawfmaf heulof-aer aerkhof naeq-euq mae, “Yurdav mirkhanq, Baeqlaeqhaeq-anr daefle taef-a. Aqjeq mirnae aernar-aq, Miqyaer gharduq ngaeqdan-eu tsawrhaq heulof-aer boftaq-euq mae:

Maꞈtehˬ 2:7

Khoerngae, Heqlor, aqcawq-anr maqbi siqni siqzaq ganryo khoerdeuq-anr kur-awr, aqguir khoersiq dovlar-euq aryamq narhaq duq-euq mae.

Luˇkaꞈ 1:5

Heqlor, Yurdav mirkhanq-anr uvlanrluf ngae, Aqbiryav-euq armaf-euq lafkhoer Zeqkaqlir laer kur-eu pirma tiq ghaq jawr-eu mae. Aqyawf-euq nymrdanq-aq, Aqloq-euq arjeuq arca-anr taf-eu Erlirsaqbaev laer kur-eu mae.

Luˇkaꞈ 2:11

Iqnan, Daqbir-euq meuq-euq lafkhoer, nawmaf-anr Kakhof-eu ghaq Sanqpaq Kali daefle-euq mae.

Luˇkaꞈ 2:15

Khoernar-aq, mqtav ghaqkhaer khoerdeuq, aqyawf maf-anr ghawq-ir-awr, mqtav ghofdavler ghaq ngae, yawr bo-eu deuq tiqghaq tirghaq cawq-eu, “Aqduimaf, Baeqlaeqhaeq-anr ir-awr, Sanqpaq Miqyaer nae aqdui-anr aernaeq laf-euq lof-aer pyeuflar-euq garkawv khoer-anr haw-ir kar-eur!”

Yoˇhaˬ 7:42

Yaerbof-euq lafkhoer, ‘Kali-aq, Daqbir-euq aryoeq-anr nae dovle-awr, Daqbir-euq jawrduq Baeqlaeqhaeq-anr nae dovlar taef-a’ laer boftaq-euq maqngeur-a laq?”