Maꞈtehˬ 17:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoerngae, aqyawf maf-euq maeqshi Yeqsur-euq mawrdo parlar-euq mae. Aqyawf-euq myavpyawq nanrma lof-aer yawshaef bya-awr, aqyawf-euq maeqtsoeq khawf pyurdeuqni narguir guir-eu mae.

Akha

² A ha smˇ gʼaˬ-euˬ mehˬ shi, Yeˬsuˇ gʼawˇ mawˇ paˇ-euˬ meh. Aˬ yawꞈ-euˬ myaˆ pyawˬ nahˇ ma loꞈ-ehˇ yaw shehꞈ bya-awˇ, aˬ yawꞈ-euˬ mehˬ tsoeˬ pyuˇ deuˬ ni gʼeh-awˇ naˇ guiˇ guiˇ laˇ-eu meh.

Maꞈtehˬ 17:2 ပူးပေါင်းရင်းမြစ်များ

Jaceuq 104:2

Miqyaer maeqtsoeq dm-eu lof-aer yawshaef nae tsanrlanr taq-euq mae. Aqyawf nae saqpar gheutaw-eu lof-aer mq-anr gheutaw taq-euq mae.

Maꞈtehˬ 17:1

Kof nan dzeur-euq nar-aq, Yeqsur-aq, Beqtuvluv, Yaqkov hawr-eu Yaqkov-euq aqnyir Yorhaq, heudeuq-anr taef-aer sheuq-awr, gawqjawq yawgor-anr davler-euq mae.

Maꞈtehˬ 17:3

Morseq hawr-eu Erlirya, aqyawf maf-euq maeqshi dovle-awr, Yeqsur naeq-aer dawq ngaeqcawq luf-eu mae.

Maꞈtehˬ 28:3

Aqyawf-euq myavpyawq mqmyawf myawf-eu lof-aer byacaevni ghae-awr, aqyawf-euq maeqtsoeq-aq, ngaer lof-aer pyurdeuqni ghae-eu mae.

Maˬkuˆ 9:3

Aqyawf-euq maeqtsoeq yawshaef byalar-awr, ngaer lof-aer pyurdeuqni ghae-eu mae. Mirtsaq-euq khoertav maeqtsoeq lavpyur-eu tiqghaq-iq khoernav nav-aer maq lavpyur nya-a.

Luˇkaꞈ 9:29

Guiqlanq sharluf ngae, aqyawf-euq myavpyawq parlar-awr, maeqtsoeq pyurdeuqni ghaelar-awr yawshaef bya duidui-eu mae.

Yoˇhaˬ 1:14

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

Yoˇhaˬ 17:24

“Aqda-or! Mirtsaq maqbae-euq minav-aer nawr, ngaq-anr gaqluf-eu mirnae, nawq nae ngaq-anr bifnaeq laf-euq yawshaef khanqsaer khoer-anr aqyawfmaf ya’mawrni, nawq nae ngaq-anr bifnaeq laf-euq tsawrhaq-anr ngar kharjawr-eu gar aqyawfmaf khawf bi jawrmawf mir-a.

Lormav 12:2

Nawmaf, mirtsaqzaq daef-eu lof-aer taqdaef. Aerkhawf, nuima bi lavshuif-awr daefzir parlar-awq. Khoernar-aq, nawmaf, Miqyaer nuima tsaq-eu jeq-anr siqnya lar-awr, yawmuiq jeq, Miqyaer nuikhanr shir-eu jeq hawr-eu byan-eu jeq-anr siqnyalar taef-a.

Panmaeq 10:1

Khoerngae, ngar, uqduq-euq khoertav arderlerkhan uqdzanq dzanq-awr, ghaq zawr khav-eu mqtav ghaqkhaer tiq ghaq, mqdmr dm-awr, mq-anr nae zafka le-eu gar ya’mawr-euq ma. Aqyawf-euq myavpyawq-aq, nanrma-anr dur-awr, aqkuir-aq, miqdzaq khawrzeur-anr dur-eu mae.

Panmaeq 20:11

Khoerngae, ngar, pyurdeuqni ghae-eu nuirmanq manqma hawr-eu nuirmanq-anr nuirluf-eu ghaq-anr ya’mawr-euq ma. Mq hawr-eu mir, aqyawf-euq maeqshi nae caevdov ghae-awr, aqyawf maf-euq javduq javzar maqpar povmawr nya-eu mae.