Maꞈtehˬ 13:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawf yawjeq majeq dawq zmq-awr nae aqyawf maf-anr ghawqmya jeq maeqnaeq-eu lafkhoer heulof-aer aer-eu mae: “Siqyoeq saeq-eu tiq ghaq siqyoeq saeq-ir-euq mae.

Akha

³ Aˬ yawꞈ yaw jeˬ ma jeˬ ja ja-ehˇ, gʼawˬ mya jeˬ mehˬ nehˬ tsoˆ nehˬ-euˬ meh. “Siˬ yoeˬ sehˬ-eu tsawˇ haˬ tiˬ gʼaˬ siˬ yoeˬ sehˬ-iˇ-euˬ meh.

Maꞈtehˬ 13:3 ပူးပေါင်းရင်းမြစ်များ

Jaceuq 49:4

Ngaq-euq naqbawr ciqkhmr-awr dawqdaq-anr narhaq-awr, Ngar, deur-mq diq-awr zaftaq-euq dawqtsuif yurdovlaf ma.

Jaceuq 78:2

Ngar, ngaq-euq khaqmae mrnga-awr dawqdaq zmq ma. Ngar, arhuba-euq zaftaq-euq dawq ngaeq ma.

Maꞈtehˬ 13:4

Aqyawf saeq ngae, siqyoeq tiqpavnav deuq-aq, garma-euq khoertav ga-ir-awr, arjir oe-awr siqyoeq khoer-anr tovdzaq jir-euq mae.

Maꞈtehˬ 13:53

Khoerngae, heulof-aer pyeuflar-euq mae. Yeqsur yawjeq majeq dawq khoerdeuq maeqnaeq ghaq ngae, khoergar nae dov-ir-awr,

Maꞈtehˬ 22:1

Khoerngae, Yeqsur, aqyawf maf-anr aerkhof naeq-eu lafkhoer yawjeq majeq dawq heu ja’naeq-euq mae:

Maꞈtehˬ 24:32

“Nawmaf, siqguq arbawr-anr haw-awr dzawgeuf-awq. Arbawr khoer, lafmyav-anr bawnmq nmqlar-awr, pafcoev coevlar-euq nar-aq, jawrla yamq dovle shaw-iq ngar-a laer nawmaf siqnya-eu mae.

Maˬkuˆ 12:1

Khoerngae, Yeqsur, aqyawf maf-anr yawjeq majeq dawq-anr nae heulof-aer maeqnaeq-euq mae: “Tsawrhaq tiq ghaq aqgaf yarkmr tiq kawq mr-awr, yarkmr yawmuiq-aer mrjawq-awr, aqgaf dzaruir nawqdovduq janr-awr nae, aqgaf yar-anr lof-eu nymrgor tiq nymr khawf tsov-euq mae. Khoernar-aq, aqgaf yarkmr-anr mr-eu deuq-anr ngaqnaeq yaf-awr, yawqkhanq yawqmir yawq-anr ghawqmyanrni jawr-ir-euq mae.

Maˬkuˆ 12:12

Aqyawfmaf, Yeqsur-aq, yawjeq majeq dawq-anr nae maeq-eu heu, aqyawf maf-anr ngaeqcoeq mawf-eu nga laer siqnya-eu mirnae, aqyawf-anr nyaef-eu laer laejae-eu mae. Aerkhawf, tsawrhaq baqmaf-anr guv-eu mirnae, aqyawf-anr ghawq-awr dov-ir-euq mae.

Maˬkuˆ 3:23

Khoerngae, Yeqsur, aqyawf maf-anr kuruiq laf-awr, yawjeq majeq dawq-anr nae heulof-aer maeqnaeq-euq mae: “Naef Saqdaq, naef Saqdaq-anr aqjox-aer taedov nya-eu?

Maˬkuˆ 4:13

Yeqsur, aqyawf maf-anr heulof-aer aernaeq-euq mae: “Nawmaf yawjeq majeq dawq heudawq-anr maq ghovshawnya nya lor? Tox-aer mar-iq, yawjeq majeq dawq nuideuq dawqtawv luf-anr aqjox-aer ghovshawnya nmr-mq?

Maˬkuˆ 4:33

Yeqsur-aq, aqyawfmaf ngaeq-aer ghovshawnya lar-eu naeq-aer ngaeq-aer khoerlof-aer ghae-eu yawjeq majeq dawq ghawqmya’ni zmqzmq-aer, aqyawf maf-anr ja’maeq naeq-euq mae.

Luˇkaꞈ 12:41

Khoerngae, Beqtuvluv narhaq-eu, “Sanqpaq-or! Yawjeq majeq teudawq, nga’maf-anr taef-aer aernaeq laf-eu le lor? Maqngeur nar-aq, yawqghaq navluf-anr khawf aernaeq luf-eu le laq?”

Luˇkaꞈ 8:10

Khoerngae, aqyawf heulof-aer aernaeq-euq mae, “Miqyaer uvlanr-eu garkawv zaftaq-euq deuq nawmaf-anr taef-aer bi siqnya-eu ma. Aerkhawf, nuideuq-anr-aq, ‘Haw khawf maq mawrnya-aer, gaq khawf maq ghovshaw nya’ni, Aqyawf maf-anr-aq, yawjeq majeq dawq-anr nae maeqnaeq-eu ma.’ (Isy 6:9)

Yoˇhaˬ 16:25

“Ngar garkawv heudeuq nawmaf-anr yawjeq majeq dawq-anr nae aernaeq-euq ma. Aerkhawf, ghawqmyanr maqghae-aer, Aqda-euq garkawv, yawjeq majeq dawq-anr nae maqngeur-eu, nawmaf-anr byacaevni ja’naeq-eu aryamq keuvle luf-eu mae.