Maꞈtehˬ 11:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Myavbaef mawrnyalar, kuircawv cannyalar, coiqdoi nar-eu tsawrhaq shawrlar, naqbawq deuq gaqnyalar, shir-euq tsawrhaq ghofdaef lar-awr, irshaqzaq deuq guiqlanqdawq yagaq-euq mae.

Akha

⁵ Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Maꞈtehˬ 11:5 ပူးပေါင်းရင်းမြစ်များ

Luˇkaꞈ 4:18

“Sanqpaq Miqyaer-euq muiq-eu Saflar, ngaq-euq khoertav jawrluf-eu mae. Aqjeq mirnae aernar-aq, ngar, irshaqzaq-anr guiqlanqdawq bimaeq-eu gharduq, Aqyawf, ngaq-anr tsaqtsov naeqlaf-euq mae. Nuima nar-eu deuq-anr lavsavtaq naeq-awr, Bi paftawf taq-euq deuq-anr pyaeqnaeq-euq uqtaf, Myavbaef deuq-anr bi mawrnya lar-awr, Khaeq-awr khav-eu gar ya daqluf-eu deuq-anr pyaeqnaeq-eu hawr-eu,

Yaˬkoˆ 2:5

Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

Maꞈtehˬ 21:14

Myavbaef baef-eu tsawrhaq hawr-eu kuircawv cawv-eu tsawrhaq, uqduq tanqnymr nymrma-euq lafkhoer Yeqsur jawr-eu gar lar-awr, Yeqsur, aqyawf maf-anr lavtaq naeq-euq mae.

Yoˇhaˬ 10:38

Aerkhawf, ngar mrluf-eu ngeur nar-aq, ngaq-anr maqjan-eu khawf, ngar mrluf-eu gardeuq-anr jan-awq. Khoerlof-aer nar-aq, Aqda, ngaq-euq lafkhoer jawr-awr, ngar khawf Aqda-euq lafkhoer jawr-eu nga laer nawmaf ya siqnya-awr yajan taef-a.”

Yoˇhaˬ 10:25

Yeqsur, aqyawf maf-anr heulof-aer aerkhof naeq-euq mae, “Ngar, nawmaf-anr aernaeq-euq ma. Aerkhawf, nawmaf maqjan-a. Ngaq nae ngaqDa-euq tsawrmyanr-euq uqmov mr-euq gardeuq-aq, ngaq-euq garkawv sarkir kamq-eu mae.

Yoˇhaˬ 5:36

“Aerkhawf, ngar-aq, Yorhaq-euq sarkir navmaqtser huiq-eu jeq jav-eu ma! Aqda nae ngaq-anr bifnaeq laf-euq gardeuq mrluivni, nymq-mr ngar mrluf-eu heu-aq, Aqda nae ngaq-anr khaerghae lef-euq mae laer sarkir kamq-eu mae.

Yoˇhaˬ 3:2

Uqcif paw, aqyawf, Yeqsur jawr-eu gar lar-awr aer-eu, “Laqbir-or! Nawr-aq, Miqyaer jawr-eu gar nae oe-euq saqlaq tiq ghaq ngar-a laer nga’maf siqnya-eu ma. Aqjeq mirnae aernar-aq, nawq nae janr-euq bisiq bimawr-eu jeq, janr-eu ghaq naeq-aer Miqyaer maqjawr lawnmr-aq, tsawrhaq tiqghaq-iq maq janrnya-a.”

Yoˇhaˬ 2:23

Yeqsur, Yeqlursaqlaeq-anr jawr-awr Baqsaqkaq yawbui builuf ngae, tsawrhaq ghawqmya’ni aqyawf nae mr-euq bisiq bimawr-eu jeq-anr ya’mawr-awr, aqyawf-euq tsawrmyanr-anr janlar-euq mae.

Maˬkuˆ 9:25

Tsawrhaq armaf mafma, aqyawf jawr-eu gar caevlaf luf-eu gar Yeqsur ya’mawr ngae, naef yawjawf khoermawr-anr daeqdaeq-aer aernaeq-eu, “Aqdzawq bidzawq-ir-awr, naqbawq bibawq-ir-eu naef-or! Heughaq-euq lafkhoer nae dovle-awq. Aqkar nar-aq, tiqjawr-iq taqpar urler laer ngar, nawq-anr dawq bif-eu ma.”

Maˬkuˆ 7:37

Aqyawfmaf maq aernya paq-aer zanq duidui ler-awr aer-eu, “Aqyawf nae kharmr-euq yawqjeq navluf arnavni muiq-eu nga. Naqbawq deuq gaqnya lar-awr, aqdzawq deuq, dawq ngaeqnya lar-eu gar keuvni, aqyawf janrnya-eu nga.”

Maꞈtehˬ 10:8

Nar-awr gawr-eu tsawrhaq-anr lavtaq naeq-awr, shir-euq tsawrhaq-anr bi ghofdaef lar-awq. Coiqdoi nar-eu tsawrhaq-anr bi shawrlar-awr, naef-anr taedov-awq. Nawmaf yawqngaef-aer za-euq lof-aer, aqcawq-anr yawqngaef-aer bifnaeq-awq.

Maꞈtehˬ 9:30

Khoerngae, aqyawf nyaf-euq myavnuiv mawrnya lar-euq mae. Yeqsur, aqyawf nyaf-anr dawq yawkhav-aer bif-eu, “Nawnyaf yanr-awr, garkawv heu tiqghaq-anr-iq taqbi siqnya de-eq.”

Jaceuq 146:8

Ya’we Miqyaer, myavbaef-anr bi danrlar-awr; Ya’we Miqyaer, awbyav-eu tsawrhaq-anr ciqtur naeq-eu mae. Ya’we Miqyaer, tsaq-awr dawr-eu tsawrhaq-anr gaq-eu mae.

Jaceuq 22:26

Irshaqzaq nuikhanr tiqshir ya dzaqdaev-awr; Ya’we Miqyaer-anr pov-eu deuq, aqyawf-anr ya jaceuq taef-a. Nawq-euq nuima mqmaq maqbyav yarzir daef luf-ur!

Maꞈtehˬ 5:3

“Saflar-euq lafkhoer irshaq shaq-eu tsawrhaq deuq-aq, guiqlanq huiq-eu mae. Aqjeq mirnae aernar-aq, mqtav mirkhanq-aq, aqyawf maf-euq mae.

Gʼaˬkʼehˇ 2:22

“Irsaqleqlav tsawrhaq deuq-or! Ngar aer-eu gar narhaq sher-eq. Miqyaer, Naqzaqlaer tsawrhaq Yeqsur-anr ghoe-awr, nawmaf-euq ghanrcae khavjeq-aer ghae-eu jeq, zanqler paq-aer ghae-eu jeq hawr-eu bisiq bimawr-eu jeq bimr-awr, Miqyaer nae nawmaf-euq gharduq sarkir bipyeuf-euq ghaq mae laer nawmaf yawqghaq navluf siqnya-eu lof-aer mae.

Maꞈtehˬ 11:4

Yeqsur, aqyawf nyaf-anr heulof-aer aerkhof naeq-euq mae: “Nawnyaf ghof-ir-awr, yagaq-awr ya’mawr-euq deuq, Yorhaq-anr dzawrnaeq-ir-awq.

Maꞈtehˬ 12:13

Khoernar-aq, Yeqsur lafshir khoerghaq-anr aernaeq-eu, “Nawq-euq aqlaf cawqja-awq.” Aqyawf, aqlaf cawqja ngae, muiqkhof lar-awr, yawqlafyawq lof-aer muiqlar-euq mae.

Yoˇhaˬ 9:7

Khoernar-aq, Yeqsur, aqyawf-anr aernaeq-eu, “Sirloq lan-anr pufshawr-ir-awq” (Sirloq laer aer-eu-aq, ‘Khaerghae-euq’ laer aermawf-eu mae.) Khoermirnae, aqyawf ir-awr pufshawr ngae, myavnuiv mawrnya lar-awr ghoflar-euq mae.