Maꞈtehˬ 11:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae, heulof-aer pyeuflar-euq mae. Yeqsur, zaqlanr 12 ghaq-anr khoerlof-aer dawq bifghaq-euq nar-aq, meuqdeuq-anr dawqmaeq maeq-awr, maeqnaeq tsovnaeq-eu laer khoergar nae dov-ir-euq mae.

Akha

¹ Yeˬsuˇ-aˬ, aˬ yawꞈ-euˬ zaˬ lahˇ tseˇ nyiꞈ gʼaˬ-ahˇ gaˇ kawˆ kʼoeˇ deuˬ mehˬ nehˬ gʼaˬ ngeh, dawˬ peh jaˆ-eu meuˬ deuˬ-ahˇ dawˬ mehˬ mehˬ-awˇ mehˬ nehˬ tsoˆ nehˬ-eu gʼaˇ duˬ, kʼoeˇ gaˇ neh doˆ-iˇ-euˬ meh.

Maꞈtehˬ 11:1 ပူးပေါင်းရင်းမြစ်များ

Maꞈtehˬ 28:20

Ngaq nae nawmaf-anr biftaq-euq dawq yawqdawq navluf-anr aqyawfmaf narhaq geufni maeqnaeq tsovnaeq-awq. Mirtsaq heu arsaqsaq ngae keuvni, ngar, nawmaf naeq-aer aqmyanluf jawr ma.” Aqmeq.

Maꞈtehˬ 4:23

Yeqsur, Gaqliqlaer mirkhanq doeni cancan-aer, zanrdawq khawqnymr-euq lafkhoer maeqnaeq tsovnaeq-awr, mqtav mirkhanq-euq guiqlanqdawq maeqnaeq-euq uqtaf, tsawrhaq khoerdeuq kharnar khargawr-eu jeq hawr-eu nargawr yawqjeq navluf-anr lavtaq naeq-euq mae.

Maꞈtehˬ 7:28

Yeqsur khoerlof-aer maeqnaeq tsovnaeqghaq ngae, aqyawf nae maeq-awr tsov-euq gar yagaq-euq tsawrhaq dawqtawvluf zanq duidui ler-euq mae.

Maꞈtehˬ 9:35

Khoerngae, Yeqsur, meuqdeuq pudeuq doeni ir-awr, aqyawf maf-euq zanrdawq khawqnymr-euq lafkhoer maeqnaeq tsovnaeq-awr, mqtav mirkhanq-euq garkawv guiqlanqdawq maeqnaeq-euq mae. Khoeruqtaf, kharnar khargawr-eu jeq hawr-eu nargawr yawqjeq navluf-anr lavtaq naeq-euq mae.

Maˬkuˆ 6:12

Khoernar-aq, ghaqkhaer deuq dov-ir-awr, tsawrhaqzaq noeqpov noeqpar-eu tsaq mae laer dawqmaeq maeq-ir-euq mae.

Luˇkaꞈ 23:5

Aerkhawf, aqyawfmaf ngaeq-aer nar-aq ngaeq-aer yawkhav-aer aer-eu, “Tsawrhaq heughaq-aq, Yurdav mirkhanq doeni maeqmaeq-aer, tsawrhaq baqmaf deuq bi luiqgha lar-euq mae. Gaqliqlaer mirkhanq-anr nae maeqdanq bae-awr, heugar keuvni maeqkeuv lef-euq mae.”

Luˇkaꞈ 8:1

Khoernar-aq, ghawqmyanr maqghae-aer, Yeqsur tiqmeuq sair tiqmeuq, tiqpu sair tiqpu-anr dawqmaeq maeqmaeq-aer Miqyaer uvlanr-eu garkawv guiqlanqdawq maeqnaeq-ir-euq mae. Ghaqkhaer 12 ghaq khawf aqyawf naeq-aer ir-euq mae.

Yoˇhaˬ 15:10

Ngar-aq, ngaqDa nae bif-euq dawqdeuq-anr mrcaw-awr, aqyawf-euq gaq-eu jeq-euq lafkhoer jawrluf-eu lof-aer, nawmaf khawf, ngaq nae bif-euq dawqdeuq-anr mrcaw nar-aq, ngaq-euq gaq-eu jeq-euq lafkhoer jawrluf-eu mae.

Yoˇhaˬ 15:14

Ngaq nae khar biftaq-euq dawqdeuq-anr nawmaf mrcaw nar-aq, nawmaf, ngaq-euq cawq pyeuf-eu mae.

Gʼaˬkʼehˇ 1:2

Yeqsur, Yawshawr Saflar-anr ghoe-awr, aqyawf nae tserdov taq-euq ghaqkhaer deuq-anr dawq bifyaf-awr, mqtav bi sheuqdav lef-euq gar keuvni boftaq-euq ma.

Gʼaˬkʼehˇ 10:38

Miqyaer, Naqzaqlaer tsawrhaq Yeqsur-anr Yawshawr Saflar hawr-eu baoq nae tsaqtsov-awr, aqyawf doedoe-aer can ngae, Miqyaer, aqyawf naeq-aer jawr-eu mirnae, yawmuiq jeq mr-awr, naef sanqpaq khaeq-awr khav-eu gar daqluf-eu tsawrhaq dawqtawv luf-anr bi taqler-euq mae.

Gʼaˬkʼehˇ 10:42

Aqcawq-anr dawqmaeq maeq-awr, daefluf-eu tsawrhaq-anr khawf, shir-euq tsawrhaq-anr khawf, yarkhaq dar-eu ghaq geufni, Miqyaer, Yeqsur-anr tserdov taq-euq mae laer, sarkir bikamq-eu gharduq, aqyawf, nga’maf-anr dawq bifyaf-euq mae.

1 Teˇsaˬloˇni 4:2

Nga’maf nae, nawmaf-anr Sanqpaq Yeqsur-euq tsawrmyanr-euq uqmov dawq bif-euq deuq, nawmaf siqnya mae.

2 Teˇsaˬloˇni 3:10

Nga’maf, nawmaf naeq-aer jawr ngae, “Gar maq mrnanr-eu tsawrhaq-anr tiqjeq-iq taqbi dzaq” laer nawmaf-anr dawq bif-euq ma.

2 Teˇsaˬloˇni 3:6

Aqyuif aqnyir deuq-or! Aqdui-euq Sanqpaq Yeqsur Kali-euq tsawrmyanr-euq uqmov nga’maf, nawmaf-anr dawq heulof-aer bif-eu ma. Nga’maf nae nawmaf-anr maeqnaeq-euq maeqnan maq cantae-eu aqyuif aqnyir yawdoer yawqghaq navluf-anr ghawqtsaev tsaev-awq.

1 Tiˆmoˇseˬ 6:14

Aqdui-euq Sanqpaq Yeqsur Kali dovle ngae keuvni, shawrjaevni aerkhar maqza’ni, biftaq-euq dawq khoerdawq-anr nawr nyaeftaeq taq-awq.