Maꞈtehˬ 10:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Nawmaf irluf ngae, ‘Mqtav mirkhanq keuvle shaw-iq mae’ laer dawqmaeq maeqmaeq-aer can-ir-awq.

Akha

⁷ Miˬyehˇ Miˇkʼahˬ keuˆ le shaw-iˬ-eu gaˇ kawˆ dawˬ mehˬ mehˬ-iˇ-awˬ.

Maꞈtehˬ 10:7 ပူးပေါင်းရင်းမြစ်များ

Maꞈtehˬ 10:8

Nar-awr gawr-eu tsawrhaq-anr lavtaq naeq-awr, shir-euq tsawrhaq-anr bi ghofdaef lar-awq. Coiqdoi nar-eu tsawrhaq-anr bi shawrlar-awr, naef-anr taedov-awq. Nawmaf yawqngaef-aer za-euq lof-aer, aqcawq-anr yawqngaef-aer bifnaeq-awq.

Maꞈtehˬ 11:1

Khoerngae, heulof-aer pyeuflar-euq mae. Yeqsur, zaqlanr 12 ghaq-anr khoerlof-aer dawq bifghaq-euq nar-aq, meuqdeuq-anr dawqmaeq maeq-awr, maeqnaeq tsovnaeq-eu laer khoergar nae dov-ir-euq mae.

Maꞈtehˬ 21:31

Zaqyo khoer nyiq ghaq-anr nae, aqda-euq nuima tsaqni mr-eu aqgeu ghaq nya?” Aqyawfmaf aerkhof-eu, “Aqyuif ghaq mir-a.” Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, jeq taf-eu tsawrhaq hawr-eu mawrdo anq-eu tsawrhaq deuq-aq, nawmaf-euq jeqhu nae Miqyaer uvlanr-eu jeq-euq lafkhoer urler luf-eu mae.

Maꞈtehˬ 21:43

“Khoermirnae, ngar, nawmaf-anr aernaeq nyar, Miqyaer uvlanr-eu jeq nawmaf-euq lafkhoer nae yurdov-awr, Miqyaer uvlanr-eu jeq-euq arsiq siqle-eu tsawrjeuq tsawrca-anr bifnaeq taef-a.

Maꞈtehˬ 23:13

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, aqcawq-euq maeqshi nawmaf, mqtav mirkhanq-euq larghov piqtaeq-eu mae. Yawqha maq urler-eu uqtaf, urler-eu laer ghae-eu tsawrhaq-anr khawf nawmaf, aqyawf maf-anr maqbi urler-a.

Maꞈtehˬ 3:2

“Noeqpov noeqpar-awq. Aqjeq mirnae aernar-aq, mqtav mirkhanq keuvle shaw-iq mae.”

Maꞈtehˬ 4:17

Khoerngae nae nar-aq, Yeqsur dawqmaeq maeqdanq bae-eu lafkhoer aer-eu, “Noeqpov noeqpar-awq. Aqjeq mirnae aernar-aq, mqtav mirkhanq keuvle taq-euq mae.”

Maˬkuˆ 6:12

Khoernar-aq, ghaqkhaer deuq dov-ir-awr, tsawrhaqzaq noeqpov noeqpar-eu tsaq mae laer dawqmaeq maeq-ir-euq mae.

Luˇkaꞈ 16:16

“Zanrdawq hawr-eu Miqyaer gharduq ngaeqdan-eu deuq-euq dawq-aq, Yorhaq-euq zir-anr keuvni aertaq-euq mae. Khoerngae yamq-anr nae nar-aq, Miqyaer uvlanr-eu garkawv guiqlanqdawq maeqnaeq-euq mirnae, yawqghaq navluf nawrnawr ngarngar-aer tanqdzae tanqdzae-aer urler luf-eu mae.

Luˇkaꞈ 9:2

Miqyaer uvlanr-eu garkawv maeqnaeqni hawr-eu nar-eu deuq-anr lavtaq naeqni, aqyawf maf-anr khaerdov ghae-euq mae.

Luˇkaꞈ 9:6

Khoernar-aq, zaqlanr deuq dov-ir-awr, tiqpu sair tiqpu-anr guiqlanqdawq maeqnaeq-awr, khar irkeuv-eu gar nargawr lavtaq naeq-euq mae.

Luˇkaꞈ 9:60

Khoerngae, Yeqsur aer-eu, “Shir-euq tsawrhaq-anr-aq, shir-euq tsawrhaq nae bi bafpanq-awq. Aerkhawf, nawr-aq, ir-awr Miqyaer uvlanr-eu garkawv maeqnaeq-ir-awq.”

Yoˇhaˬ 3:2

Uqcif paw, aqyawf, Yeqsur jawr-eu gar lar-awr aer-eu, “Laqbir-or! Nawr-aq, Miqyaer jawr-eu gar nae oe-euq saqlaq tiq ghaq ngar-a laer nga’maf siqnya-eu ma. Aqjeq mirnae aernar-aq, nawq nae janr-euq bisiq bimawr-eu jeq, janr-eu ghaq naeq-aer Miqyaer maqjawr lawnmr-aq, tsawrhaq tiqghaq-iq maq janrnya-a.”

Gʼaˬkʼehˇ 10:25

Beqtuvluv urler-euq naeq-aer, Gorneqlir, aqyawf-anr mawr-awr, aqyawf-euq aqkuir-euq maeqshi awbyav-awr uqduq tanq-eu mae.

Gʼaˬkʼehˇ 28:31

Aqyawf nuima khaqduqni anr-eu lafkhoer, Miqyaer uvlanr-eu garkawv dawqmaeq maeq-awr, Sanqpaq Yeqsur Kali-euq garkawv maeqnaeq tsovnaeq-euq mae. Aqyawf khoerlof-aer maeq-eu gar tiqghaq-iq maq lavtsoeq-a.

Gʼaˬkʼehˇ 4:2

Aqyawfnyaf, tsawrhaq khoerdeuq-anr maeqnaeq tsovnaeq luf-awr, Yeqsur-euq garkawv-anr ghoe-awr, shir-euq tsawrhaq ghofdaef lar-eu garkawv maeqnaeq luf-eu mirnae, nuima paer duidui-eu mae.