Maꞈtehˬ 10:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Yeqsur, ghaqkhaer 12 ghaq-anr dawq heulof-aer bif-awr khaerghae-euq mae: “Nawmaf, aqcawq tsawrjeuq tsawrca-euq garma-anr taqcan-ir. Nawmaf, Saqmaqliv tsawrhaq-euq meuq-anr khawf taq urler.

Akha

⁵ Gʼaˬ kʼehˇ tseˇ nyiꞈ gʼaˬ-ahˇ Yeˬsuˇ heu loꞈ-ehˇ dawˬ biꞈ-awˇ kʼehˇ gʼeh-euˬ meh. “Yuˇdaˆ tsawˇ jeuˬ maˬ ngeuˇ-eu aˬ cawˬ tsawˇ jeuˬ deuˬ jawˇ gaˇ naw maꞈ taˬ iˇ. Saˬmaˬliˆ tsawˇ haˬ-euˬ meuˬ deuˬ-ahˇ kʼawꞈ taˬ iˇ.

Maꞈtehˬ 10:5 ပူးပေါင်းရင်းမြစ်များ

Maꞈtehˬ 22:3

Aqyawf-euq kuirlaf zaqkhav deuq-anr khaerghae-awr, kurtaq-euq tsawrhaq-anr bi kurlaq-ir-euq mae. Aerkhawf, aqyawfmaf maq larmawf-eu mirnae maqlar-aq.

Maꞈtehˬ 4:15

“ Aqcawq tsawrjeuq tsawrca -euq Gaqliqlaer pyeuf-eu Zaqburloq mirkhanq hawr-eu Naqtaqlir mirkhanq, Lan landzer ir-eu garma hawr-eu Yawrdaq lawrbaq khoerpaw baq-anr jawr-eu deuq,

Maˬkuˆ 6:7

Khoerngae, Yeqsur, ghaqkhaer 12 ghaq-anr kurlaf-awr, danqbae-awr nyiq ghaq tiqpaw, nyiq ghaq tiqpaw-aer bi’ir ngae, aqyawf maf-anr naef yawjawf deuq-anr ghaqler-eu aryaq bifnaeq-euq mae.

Luˇkaꞈ 10:1

Khoernar-aq, Sanqpaq Yeqsur, zaqlanr nuideuq 70 ghaq-anr tsaqtsov-awr, aqyawf kharir-eu laer ghae-eu meuqdeuq pudeuq-anr, tiqpaw nyiq ghaq nyiq ghaq-aer aqyawf-euq maeqhu bi’ir-euq mae.

Luˇkaꞈ 10:33

Aerkhawf, Saqmaqliv tsawrhaq tiq ghaq garma khoerkanr-anr canluf ngae, tsawrhaq khoerghaq ga-eu gar irkeuv-awr aqyawf-anr ya’mawr ngae, aqyawf-anr ghawqshaqgaq duidui-eu mae.

Luˇkaꞈ 17:16

Khoeruqtaf, Yeqsur-euq aqkuir-euq dawqpae awbyav taq-awr, Yeqsur-euq guiqlanq-anr jaceuq-eu mae. Tsawrhaq khoerghaq-aq, Saqmaqliv tsawrhaq mae.

Luˇkaꞈ 9:1

Yeqsur, ghaqkhaer 12 ghaq-anr kuruiq-awr, naef dawqtawv luf-anr ghaqlerni hawr-eu nargawr kharngeur-eu jeq-anr lavtaqnaeq nya’ni, aqyawf maf-anr baoq hawr-eu aryaq bif-euq mae.

Luˇkaꞈ 9:2

Miqyaer uvlanr-eu garkawv maeqnaeqni hawr-eu nar-eu deuq-anr lavtaq naeqni, aqyawf maf-anr khaerdov ghae-euq mae.

Yoˇhaˬ 17:18

Nawq nae ngaq-anr mirtsaq-euq khoertav khaerghae lef-euq lof-aer, ngar khawf aqyawf maf-anr mirtsaq-euq khoertav khaerghae-euq ma.

Yoˇhaˬ 20:21

Khoerngae, Yeqsur, aqyawf maf-anr par aernaeq-eu, “Nawmaf, nuisar of luf-ur! Aqda, ngaq-anr khaerghae lef-euq lof-aer, ngar khawf, nawmaf-anr khaerghae-eu ma.”

Yoˇhaˬ 4:20

Nga’maf-euq aqpoeq deuq-aq, gawqjawq heujawq-euq khoertav, Miqyaer-anr uqduq tanq-eu mae. Aerkhawf, nawmaf, Yurdav tsawrhaq-aq, Miqyaer-anr uqduqtanq nar-aq, Yeqlursaqlaeq-anr yatanq ler-eu mae laer aer-eu mae.”

Yoˇhaˬ 4:5

Khoermirnae, aqyawf, Saqmaqliv mirkhanq-anr jav-eu Surkaq laer kur-eu meuq tiq meuq-anr irkeuv-euq mae. Meuq heumeuq-aq, Yaqkov nae aqyawf-euq zaqyo Yorsaev-anr biftaq yaf-euq mirtsaq khoertsanr-euq dawqpae jav-eu mae.

Yoˇhaˬ 4:9

Khoerngae, Saqmaqlivma khoerghaq, aqyawf-anr aernaeq-eu, “Nawr, Yurdav tsawrhaq pyeuf-eu khawf, Saqmaqlivma pyeuf-eu ngaq-anr aqjox-aer ircuf shardawr-eu le?” Aqjeq mirnae aernar-aq, Yurdav tsawrhaq hawr-eu Saqmaqliv tsawrhaq yawkaq tiqjeq-iq maq mrtaf, maq cawqtaf-a.

Yoˇhaˬ 7:35

Khoerngae, Yurdav tsawrhaq-euq yawkaq heulof-aer aer-eu mae, “Aqduimaf, aqyawf-anr maq povmawr nya’ni, aqyawf aqgeugar ir-eu laer aer-eu nga? Heqlaqsar tsawrhaq-euq ghanrcae jawrbyav taq-euq deuq jawr-eu gar ir-awr, Heqlaqsar tsawrhaq deuq-anr maeqnaeq tsovnaeq-ir-eu laer aer-eu nga lor?

Yoˇhaˬ 8:48

Khoerngae, Yurdav tsawrhaq, aqyawf-anr aerkhof naeq-eu, nga’maf, “Nawr-aq, Saqmaqliv tsawrhaq pyeuf-eu uqtaf, naef ur-eu nga laer aer-eu khoer, tsaq-eu maqngeur-a lor?”

Gʼaˬkʼehˇ 1:8

Aerkhawf, Yawshawr Saflar, nawmaf-euq khoertav zafkale ngae, nawmaf baoq za taef-a. Khoernar-aq, nawmaf, Yeqlursaqlaeq hawr-eu Yurdav mirkhanq-euq lafkhoer, Saqmaqliv mirkhanq doeni hawr-eu mqdzer mirdzer-anr keuvni, ngaq-euq garkawv sarkir kamq-eu tsawrhaq pyeuflar taef-a.”

Gʼaˬkʼehˇ 10:45

Aqcawq tsawrjeuq tsawrca-euq khoertav khawf, Miqyaer, Yawshawr Saflar-euq lafsawq shaevdav naeq-euq mirnae, Beqtuvluv naeq-aer lar-euq bawkhov maeqdzaq yaeq-euq jan-eu tsawrhaq khoerdeuq ya’mawr ngae zanqler-euq mae.

Gʼaˬkʼehˇ 8:1

Saqteqpaq-anr saef-eu gar Sawrluv khawf nuima tsaq-eu mae. Khoerngae nan-anr nae, Yeqlursaqlaeq-anr jawr-eu Kali-anr jan-eu armur-aq, khaeqdui khav duidui-eu gar yadaq-euq mae. Ghaqkhaer deuq maqngeur nar-aq, Kali-anr jan-eu tsawrhaq dawqtawvluf Yurdav mirkhanq hawr-eu Saqmaqliv mirkhanq doeni caevbyav ghae-euq mae.

1 Teˇsaˬloˇni 2:16

Nga’maf, aqcawq tsawrjeuq tsawrca kakhof-eu jeq za’ni, dawqmaeq maeq-eu gar lavtsoeq-eu mae. Aqyawfmaf khoerlof-aer janr-eu-aq, aqyawf maf-euq iqbax byanlarni janr-eu mae. Khoermirnae, Miqyaer nuima paer-eu jeq aqyawf maf-euq khoertav tiqbyanni keuvle teurle-euq mae.