Maꞈtehˬ 10:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ghaqkhaer khoer 12 ghaq-euq tsawrmyanr-aq heulof-aer mae: yawbae ghaq-aq, Sirmoq (Beqtuvluv laer khawf kur-eu mae) hawr-eu aqyawf-euq aqnyir Aqdaeqlaeq, Zeqbeqdaer-euq zaqyo Yaqkov hawr-eu Yaqkov-euq maernmr Yorhaq,

Akha

² Gʼaˬ kʼehˇ tseˇ nyiꞈ gʼaˬ-euˬ tsawˇ myahˇ-aˬ, heu loꞈ-ehˇ meh. Beˬtuˆluˆ lehˇ kuˇ-eu Siˇmoˬ hawˇ-eu Aˬdehˬlehˬ aˬ nyaꞈ mehˇ nmˇ, Zeˬbeˬdehˇ-euˬ aˬ li Yaˬkoˆ hawˇ-eu Yoˇhaˬ aˬ nyaꞈ mehˇ nmˇ,

Maꞈtehˬ 10:2 ပူးပေါင်းရင်းမြစ်များ

Maꞈtehˬ 17:1

Kof nan dzeur-euq nar-aq, Yeqsur-aq, Beqtuvluv, Yaqkov hawr-eu Yaqkov-euq aqnyir Yorhaq, heudeuq-anr taef-aer sheuq-awr, gawqjawq yawgor-anr davler-euq mae.

Maꞈtehˬ 20:20

Khoerngae, Zeqbeqdaer-euq zaqyo-euq aqma hawr-eu aqyawf-euq zaqyo nyiq ghaq, Yeqsur jawr-eu gar lar-awr, aqma ghaq pawqtsuif pawqdmq dmq-awr Yeqsur-anr tiq jeq shar-eu mae.

Maꞈtehˬ 26:37

Aqyawf, Beqtuvluv hawr-eu Zeqbeqdaer-euq zaqyo nyiq ghaq sheuq-awr ir-euq mae. Khoerngae, aqyawf noeqshaq duidui-eu uqtaf, nuima-euq lafkhoer shaqzanq naf duidui-awr, aqyawf maf-anr aernaeq-eu,

Maꞈtehˬ 4:18

Yeqsur, Gaqliqlaer lan landzer canluf ngae, Beqtuvluv laer kur-eu Sirmoq hawr-eu aqyawf-euq aqnyir Aqdaeqlaeq, aqnyafnmr, lan-euq lafkhoer za dzaeluf-eu gar ya’mawr-euq mae. Aqnyaf nmr-aq, ngaqshaq nyaef-eu tsawrhaq mae.

Maꞈtehˬ 4:21

Khoergar nae maeqhu paw par irghae ngae, Zeqbeqdaer-euq zaqyo Yaqkov hawr-eu aqyawf-euq aqnyir Yorhaq-anr ya’mawr-euq mae. Aqnyaf nmr-aq, aqyawfnyaf nmr-euq aqda Zeqbeqdaer naeq-aer lawq-euq lafkhoer-euq za dofluf-eu mae. Khoerngae, Yeqsur, aqnyaf nmr-anr kur-euq mae.

Maˬkuˆ 1:29

Aqyawfmaf zanrdawq khawqnymr-anr nae dovle-euq nar-aq, Yaqkov hawr-eu Yorhaq naeq-aer tiqpov taef-aer Sirmoq hawr-eu Aqdaeqlaeq-euq nymr-euq lafkhoer urler-euq mae.

Maˬkuˆ 13:3

Khoernar-aq, Yeqsur, uqduq tanqnymr nymrma-euq nuibaq-anr jav-eu Saqloq gawqjawq-anr nuirluf ngae, Beqtuvluv, Yaqkov, Yorhaq hawr-eu Aqdaeqlaeq aqha’maf taef-aer ciqcurni lar-awr, Yeqsur-anr narhaq-eu,

Maˬkuˆ 6:30

Khoerngae, ghaqkhaer deuq, Yeqsur jawr-eu gar ghofuiq lar-awr, aqyawfmaf nae mr-awr shar-euq, maeq-awr tsov-euq jeq dawqtawvluf, aqyawf-anr dzawrnaeq lar-euq mae.

Luˇkaꞈ 11:49

“Khoermirnae, Miqyaer-euq zaqsiq tsawrganr-euq dawq aer-eu, ‘Ngar, aqyawfmaf jawr-eu gar ngaq-euq gharduq ngaeqdan-eu tsawrhaq hawr-eu ghaqkhaer deuq-anr bi’oe ngae, aqyawfmaf, aqyawfmaf tiqpavnav deuq-anr saef-awr, tiqpavnav deuq-anr khaeqnaeq khavnaeq taef-a.’

Luˇkaꞈ 22:14

Aryamq keuvlar ngae, Yeqsur hawqje-anr jawqler-awr, ghaqkhaer deuq khawf aqyawf naeq-aer jawqluf-eu mae.

Luˇkaꞈ 22:8

Khoerngae, Yeqsur, Beqtuvluv hawr-eu Yorhaq-anr khaer-awr aer-eu, “Nawnyaf ir-awr, aqduimaf Baqsaqkaq dzaqbyawr dzaqtaf nya’ni, aqdui-euq gharduq laeqhmq-ir-awq.”

Luˇkaꞈ 5:10

Aqyawf-euq za dzaecawq Zeqbeqdaer-euq zaqyo Yaqkov hawr-eu Yorhaq khawf zanq duidui ler-euq mae. Yeqsur, Sirmoq-anr aernaeq-eu, “Taqguv! Iqnan tafnar-aq, nawr, tsawrhaq-anr pov-eu tsawrhaq pyeuflar taef-a.”

Luˇkaꞈ 9:10

Khoerngae, ghaqkhaer deuq ghoflar-awr, kharmr kharshar-euq deuq Yeqsur-anr dzawrnaeq-euq mae. Yeqsur, aqyawf maf-anr taef-aer kurceuv-awr, Baeqdzerdaq-euq bawrtsanq bawrdanr-anr dov-ir-euq mae.

Yoˇhaˬ 12:22

Pirlirpuv, Aqdaeqlaeq-anr aernaeq-ir-awr, Aqdaeqlaeq hawr-eu Pirlirpuv, Yeqsur-anr aernaeq-ir-euq mae.

Yoˇhaˬ 13:23

Zaqlanr deuq-euq lafkhoer nae Yeqsur zawr gaq-eu zaqlanr khoerghaq, Yeqsur-euq bawkhanr-anr khawqdar luf-eu mae.

Yoˇhaˬ 20:2

Khoermirnae, caevghof laf-awr, Sirmoq Beqtuvluv hawr-eu Yeqsur zawr gaq-eu zaqlanr khoerghaq jawr-eu gar le-awr aer-eu, “Aqcawq, Sanqpaq Yeqsur-euq mawrdo, lmqbymr-anr nae bafdov ghae-euq nga. Aqyawfmaf, aqyawf-anr aqgeugar baftaq-ir-euq nga laer nga’maf maq siqnya nya.”

Yoˇhaˬ 21:2

Sirmoq Beqtuvluv, Zaqdzm laer kur-eu Tormav, Gaqliqlaer mirkhanq-euq Gaqnaq tsawrhaq Naqdaqneqlar, Zeqbeqdaer-euq zaqyo nyiq ghaq hawr-eu zaqlanr nuideuq nyiq ghaq, aqyawfmaf tiqgar taef-aer jawrluf-eu mae.

Yoˇhaˬ 21:20

Beqtuvluv nanrghof ghofhaw ngae, Yeqsur zawr gaq-eu zaqlanr khoerghaq cantaelaf luf-eu gar ya’mawr-euq mae. Zaqlanr khoerghaq-aq, cifhawq dzaqtaf ngae mir, Yeqsur-euq khanq-anr khawqdar-awr, “Sanqpaq-or! Nawq-anr anqdzaq-eu aqsur ghaq la?” laer narhaq-euq khoerghaq mae.

Yoˇhaˬ 21:24

Zaqlanr khoerghaq-aq, garkawv heudeuq sarkir kamq-awr, bof-euq ghaq mae. Aqyawf-euq sarkir-aq, tsaq-awr dawr-eu mae laer nga’maf siqnya ma.

Yoˇhaˬ 6:67

Khoerngae, Yeqsur, ghaqkhaer 12 ghaq-anr narhaq-eu, “Nawmaf khawf ghawq-ir mawf-eu nya lor?”

Yoˇhaˬ 6:70

Khoerngae, Yeqsur, aqyawf maf-anr aernaeq-eu, “Nawmaf 12 ghaq-anr ngaq nae tserdov taq-euq maqngeur-a lor? Aerkhawf, nawmaf-euq lafkhoer keuq-eu tiq ghaq-aq, naef sanqpaq mae.”

Yoˇhaˬ 6:71

Yeqsur khoerlof-aer aer-eu-aq, ghaqkhaer 12 ghaq-euq lafkhoer keuq-eu, aqyawf-anr anqdzaq-eu laer ghae-eu Sirmoq-euq zaqyo, Yurdav Irsaqgaqliqoq-anr aermawf-eu mae.

Yoˇhaˬ 6:8

Zaqlanr deuq-euq lafkhoer, Sirmoq Beqtuvluv-euq maernmr Aqdaeqlaeq, Yeqsur-anr aernaeq-eu,

Gʼaˬkʼehˇ 1:13

Aqyawfmaf meuq-anr ghofkeuv-ir-awr, aqyawfmaf yaf-eu laftav tiv-euq kuvlawv-anr ledav-euq-aq heudeuq mae: Beqtuvluv, Yorhaq, Yaqkov, Aqdaeqlaeq, Pirlirpuv, Tormav, Baqtawrlaqmaer, Maqtaeq, Aqlaqpaer-euq zaqyo Yaqkov, Sirmoq Zeqlur hawr-eu Yaqkov-euq zaqyo Yurdav.

Gʼaˬkʼehˇ 1:26

Khoernar-aq, aqyawfmaf, aqyawf nyaf-euq gharduq shaevtsaqtsaq ngae, Maqtir-anr zaqler-euq mae. Khoermirnae, Maqtir-anr ghaqkhaer 11 ghaq naeq-aer sawxgawf-euq mae.

Gʼaˬkʼehˇ 12:2

Khoernar-aq, aqyawf, micaer nae Yorhaq-euq maernmr Yaqkov-anr saef-euq mae.

Gʼaˬkʼehˇ 3:1

Tiqnan, uqciftaw naqliq smr laf-anr guiqlanq shar-eu aryamq keuvlar ngae, Beqtuvluv hawr-eu Yorhaq, uqduq tanqnymr nymrma-anr davler luf-eu mae.

1 Gawˇliˬtu 15:7

Khoernar-aq, Yaqkov-anr bimawr ghaq-awr nae, ghaqkhaer dawqtawv luf-anr khawf bimawr-euq mae.

Eˇpeˇsu 4:11

Aqyawf, tiqghaq nav-anr ghaqkhaer bigeuf-awr, tiqghaq nav-anr Miqyaer gharduq ngaeqdan-eu tsawrhaq bigeuf-euq mae. Tiqghaq nav-anr guiqlanqdawq maeq-eu tsawrhaq bigeuf-awr, tiqghaq nav-anr saqlaq bigeuf-euq uqtaf, tiqghaq nav-anr maeqzaq bigeuf-euq mae.

HeˬByehˇ 3:1

Mq-euq khoertav nae bikur-euq gar taf-eu shawr-eu aqyuif aqnyir deuq-or! Aqyawf-aq, Ghaqkhaer hawr-eu Pirma yawhuiq ghaq mae laer, aqdui aerdov-eu Yeqsur Kali-euq garkawv sharnoeq sharsawx haw-awq.

1 Beˬtuˆluˆ 1:1

Ngar-aq, Yeqsur Kali-euq ghaqkhaer Beqtuvluv ma. Boqtuv, Gaqlaqtiv, Gaqbaqdawrciv, Aqsir hawr-eu Beqturnir-anr jawrbyav taq-euq deuq-anr sanqbof heupur bofanr lef-euq ma.

2 Beˬtuˆluˆ 1:1

Ngar-aq, Yeqsur Kali-euq kuirlaf zaqkhav hawr-eu ghaqkhaer Sirmoq Beqtuvluv ma. Aqdui-euq Miqyaer hawr-eu Kakhof-eu ghaq, Yeqsur Kali-euq tsaq-awr dawr-eu jeq-euq baqda’nae, nga’maf lof-aer zawr poeq-eu jan-eu jeq za-euq nawmaf-anr sanqbof bofanr lef-eu ma.

2 Yoˇhaˬ 1:1

Ngar-aq, aqyuif aqtsu ma. Miqyaer nae tserdov taq-euq zaqmiq tiq ghaq-anr hawr-eu aqyawf-euq zaqdeuq-anr sanqbof bofanr lef-euq ma. Yawtsaq yawdawr-euq lafkhoer, ngar, nawmaf-anr gaq-eu ma. Ngar taef-aer gaq-eu maqngeur-eu, yawtsaq yawdawr jeq-anr siqnya-eu tsawrhaq dawqtawvluf khawf gaq-eu mae.

3 Yoˇhaˬ 1:1

Ngar-aq, aqyuif aqtsu ma. Aqdui zawr gaq-awr yawtsaq yawdawr-euq lafkhoer ngar zawr gaq-eu Gaqyur-anr sanqbof bofanr lef-eu ma.

Panmaeq 1:1

Yeqsur Kali nae panmaeq naeqlaf-euq, ghawqmyanr maqghae-aer pyeuflar-eu laer ghae-eu garkawv heudeuq-aq, aqyawf-euq ghaqzaq ghaqkhaer deuq-anr bimawr-eu laer Miqyaer nae aqyawf-anr bif-awr, panmaeq naeq-euq mae. Aqyawf, mqtav ghaqkhaer-anr ghoe-awr garkawv heudeuq, aqyawf-euq ghaqzaq ghaqkhaer Yorhaq-anr bi siqnya-euq mae.

Panmaeq 1:9

Ngar, Yorhaq, nawmaf-euq maernmr pyeuf-awr, Yeqsur Kali-euq daqcoer orcoer-eu jeq, Miqyaer uvlanr-eu jeq hawr-eu shaq-awr zanq-eu jeq-euq lafkhoer nawmaf-euq cawq khawf pyeuf-eu ma. Ngar, Miqyaer-euq dawq hawr-eu Yeqsur Kali-euq garkawv sarkir kamq-euq mirnae, Baqmor laer kur-eu irjawlanr-anr ya jawrluf-eu ma.

Panmaeq 18:20

“Mqtav mirkhanq-or! Meuq heumeuq byov-ir-euq mirnae laqkhaq caer-awq. Nawmaf, shawr-eu ghaqkhaer hawr-eu Miqyaer gharduq ngaeqdan-eu deuq khawf laqkhaq caer-awq. Aqjeq mirnae aernar-aq, nawmaf-euq gharduq Miqyaer, aqyawf-anr janrkhof naeq-euq mae!”

Panmaeq 22:8

Ngar-aq, Yorhaq ma. Ngar garkawv heudeuq-anr yagaq-awr ya’mawr-euq ma. Ngar garkawv heudeuq-anr yagaq-awr ya mawrghaq ngae, ngaq-anr bi hawmawr naeqlaf-euq mqtav ghaqkhaer khoerghaq-anr uqduq tanq-eu laer, aqyawf-euq aqkuir-euq dawqpae awbyav-euq ma.