Maꞈtehˬ 1:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Sanqbof heu-aq, Aqbyaqhaq hawr-eu Daqbir-euq Zaqyo, Yeqsur Kali-euq tsuif mae.

Akha

¹ Heu-aˬ, Aˬbyaˬhaˬ hawˇ-eu Daˬbiˇ-ahˇ neh gui ka leꞈ-euˬ Yeˬsuˇ Ka li-euˬ tsuiꞈ meh.

Maꞈtehˬ 1:1 ပူးပေါင်းရင်းမြစ်များ

Jaceuq 132:11

Ya’we Miqyaer, Daqbir-anr yawtsaq yawdawr-euq lafkhoer kamqtaq-euq mae; Aqyawf kamqtaq-euq heu-anr nae maqpov maq parlar-a. Aqyawf aer-eu, “Ngar, nawq-euq nuirmanq-anr, nawq-euq mawrdo-euq arsiq binuir ma.

Jaceuq 89:3

“Ngar, ngaq nae tserdov-euq ghaq naeq-aer, Dawqma sarjax dzaqtaq-euq ma. Ngar, ngaq-euq kuirlaf zaqkhav Daqbir-anr kamqnaeq-euq ma.

Jaceuq 89:36

Aqyawf-euq aryoeq li-eu maqbawni zif-awr, Aqyawf-euq nuirmanq-aq, ngaq-euq maeqshi nanrma lof-aer pyeuf taef-a.

Maꞈtehˬ 1:18

Yeqsur Kali daefle-euq garkawv-aq heulof-aer mae. Aqyawf-euq aqma Maqliv-aq, Yorsaev-anr danqdzaq-ir ma laer aertsaev taq-euq mae. Aqyawfnyaf maq sheuqdanq dzaq-euq minav-aer, Maqliv, Yawshawr Saflar-euq baqda’nae zaq tsaevler-euq mae.

Maꞈtehˬ 1:2

Aqbyaqhaq-euq zaqyo-aq, Irtsav mae. Irtsav-euq zaqyo-aq, Yaqkov mae. Yaqkov-euq zaqyo-aq, Yurdav hawr-eu aqyawf-euq maernmr deuq mae.

Maꞈtehˬ 15:22

Khoerngae, Kaqnaq tsawrhaq-euq zaqmiq aqbur tiq ghaq mirkhanq khoercoer-anr nae lar-awr heulof-aer gur-eu mae, “Daqbir-euq Zaqyo, Sanqpaq-or! Ngaq-anr ghawqshaq gaqnaeq laf-awq. Ngaqbur-anr naef urler-awr yadaq duidui luf-eu mae.”

Maꞈtehˬ 3:16

Yeqsur bartirsaq hageuf ghaq-euq naeq-aer, ircuf-anr nae dovlar-euq mae. Khoerngae, aqyawf-euq gharduq mq panlar-awr, Yawshawr Saflar, khaqkhoeq lof-aer zafka le-awr nae, aqyawf-euq khoertav zawdawf le-euq gar aqyawf ya’mawr-euq mae.

Maꞈtehˬ 9:27

Yeqsur khoergar nae dov-ir ngae, myavbaef nyiq ghaq, aqyawf-euq maeqnan gurgur-aer cantae-eu lafkhoer aer-eu, “Daqbir-euq Zaqyo-or! Nga’nyaf-anr ghawqshaq gaqnaeq laf-awq.”

Luˇkaꞈ 1:33

Aqyawf-aq, mqmaq maqbyav yarzir Yaqkov-euq nymrkhanq-euq sanqpaq geuf taef-a. Aqyawf-euq mirkhanq arsaq saq-eu maqbaw-a.”

Yoˇhaˬ 7:42

Yaerbof-euq lafkhoer, ‘Kali-aq, Daqbir-euq aryoeq-anr nae dovle-awr, Daqbir-euq jawrduq Baeqlaeqhaeq-anr nae dovlar taef-a’ laer boftaq-euq maqngeur-a laq?”

Gʼaˬkʼehˇ 2:30

Daqbir-aq, Miqyaer gharduq ngaeqdan-eu tiq ghaq pyeuf-eu mirnae, aqyawf-euq mawrdo hawr-eu shiqshaq-anr taf-eu arsiq-euq garkawv, Miqyaer sarjax dzaq-awr kamqtaq-euq lof-aer, aqyawf-euq nuirmanq-anr bi nuirlarni, Miqyaer, Kali-anr bi dovlar-eu garkawv siqnya-eu mae. (Jc 132:11)

Lormav 1:3

Khoer-aq, aqyawf-euq Zaqyo pyeuf-eu aqdui-euq Sanqpaq Yeqsur Kali-euq garkawv mae. Shiqshaq paw aerlef nar-aq, aqyawf-aq, Daqbir-euq aryoeq-anr nae daefle-euq mae.

Lormav 4:13

Miqyaer, Aqbyaqhaq hawr-eu aqyawf-euq aryoeq-anr mirtsaq heu dawqtawvluf za’ni jeqbir of-eu tsawrhaq bipyeuf ma laer sarjax dzaqtaq-euq mae. Khoer-aq, zanrdawq-euq baqda’nae maqngeur-eu, jan-eu jeq-anr taf-eu tsaq-awr dawr-eu jeq-euq baqda’nae za-eu mae.

Lormav 9:5

Aqpoeq deuq-aq, aqyawf maf-euq aqpoeq mae. Shiqshaq paw aerlef nar-aq, Kali khawf aqyawf maf-euq arjeuq arca mae. Aqyawf-aq, dawqtawv luf-euq khoertav uvlanr-awr, arsaq saq-eu maqbawni jaceuq-eu geux-eu Miqyaer mae. Aqmeq.

Gaˬlaˬtiˆ 3:16

Aqbyaqhaq hawr-eu aqyawf-euq aryoeq-anr dawqma sarjax khoerdeuq aernaeq taq-euq mae. “Aryoeq” laer aer-eu-aq, ghawqmya ghaq-anr aer-eu maqngeur-a. “Nawq-euq aryoeq khoerghaq,” (Adb 12:7) laer aer-eu-aq, tiq ghaq-anr aer-eu taef mae. Khoerghaq-aq, Kali mae.

1 Tiˆmoˇseˬ 2:5

Aqjeq mirnae aernar-aq, Miqyaer tiq ghaq jawr-eu taef mae. Miqyaer hawr-eu tsawrhaq-euq yawkaq-anr khawf, tsawrkaq tiq ghaq jawr-eu taef mae. Tsawrkaq khoerghaq-aq, tsawrhaq pyeuf-eu Yeqsur Kali mae.

2 Tiˆmoˇseˬ 2:8

Yeqsur Kali-aq, Daqbir-euq aryoeq pyeuf-awr, shir-euq gar nae ghofdaef lar-euq mae laer taqngaer de-eq. Heu-aq, ngaq nae guiqlanqdawq maeq-euq gar tsaq-eu mae.

Panmaeq 22:16

“Ngar-aq, Yeqsur ma. Kalizaq armur deuq-euq gharduq garkawv heudeuq nawmaf-anr bi dzawrmaeq-eu laer, ngaq-euq mqtav ghaqkhaer-anr khaerghae lef-euq ma. Ngar-aq, Daqbir-euq duqcir hawr-eu zaq pyeuf-awr, yawshaef zawr bya-eu Shawqmuir khawf ngeur-eu ma.”