Maˬkuˆ 7:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqyawfmaf laev dzuf-ir-awr ghoflar ngae khawf, ircuf maqdzuif-euq khoer-aq, hawq maqdzaq-a. Khoeruqtaf, ircuf khmqmaq, irpuq hawr-eu guiqshuir khmqmaq deuq-anr jov-eu zanr, khawqdaq laeftsiq-eu zanr hawr-eu zanr nuijeq ghawqmya ni-anr aqyawfmaf tawqluf-eu mae.

Akha

⁴ Lehˆ-ahˇ zeuˇ-euˬ aˬ geu jeˬ maˬ kaˬ, maˬ tsiˬ shawˇ-ehˇ ma dzaˬ kʼmˬ-a. Kʼmˬ maˬ joˆ-eu maˬ ehˇ, yuꞈ zaˇ bui bahˬ lehˬ tsiˬ-eu maˬ ehˇ, aˇ hu neh zmˬ ka leꞈ-euˬ zahˇ sahˇ kʼoꞈ-ahˇ tsaˬ ni aˬ yawꞈ maꞈ mˇ-eu meh.)

Maˬkuˆ 7:4 ပူးပေါင်းရင်းမြစ်များ

HeˬByehˇ 9:10

Dzaq-awr dawr-eu jeq hawr-eu tsiqshawr-eu ghawqmya jeq heu-aq, shiqshaq paw taf-eu zanrsanrkhof pyeuf-eu taef mae. Heudeuq-aq, yawshuif lavshuif-eu aryamq maq keuvle-euq khoerkeuvni gardanr tsoeq-eu mae.

Maꞈtehˬ 23:25

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, nawmaf, khmqmaq hawr-eu saerbyaer-euq lafnyir paw yawmuiq-aer jovshawr-eu mae. Aerkhawf, lafkhoer paw-aq, maerjuir juir-eu jeq hawr-eu yawqha-euq nuinoeq nuilov geuf-eu jeq tiqbyanni anr-eu mae.

Yaˬkoˆ 4:8

Miqyaer-euq dawqpae taeqni jivler-awq. Jivler nar-aq, Miqyaer khawf nawmaf-euq dawqpae jivle taef-a. Iqbaxzaq-or! Nawmaf-euq aqlaf dzuifshawr-awq. Nuinoeq nyiq noeq anr-eu tsawrhaq-or! Nawmaf-euq nuima lavmuiq lavshawr-awq.

Yoˇhaˬ 2:6

Yurdav tsawrhaq zanr jav-eu lof-aer irshawr khaqlo ciqcur kof siq jav-eu mae. Tiq siq-euq lafkhoer ircuf 20, 30 keuv derler-eu mae.

1 Yoˇhaˬ 1:7

Miqyaer, yawshaef-euq lafkhoer jawr-eu lof-aer, aqdui khawf yawshaef-euq lafkhoer daef nar-aq, aqdui tiqghaq tirghaq cawq cawqtaf taef-a. Khoeruqtaf, aqyawf-euq Zaqyo, Yeqsur Kali-euq shiq, aqdui-euq iqbax dawqtawv luf-anr tsiqshawr naeqlaf-eu mae.

Maꞈtehˬ 27:24

Pirlav, aqyawf tiqjeq ghaenae-iq maq ghaqler nya-eu uqtaf, tsawrhaq luiqgha lar-eu taef ngar-a laer hawmawr ngae, ircuf ciq-awr tsawrhaq armaf mafma-euq maeqshi aqlaf dzuifdzuif-aer aer-eu, “Tsaq-awr dawr-eu tsawrhaq heughaq-euq shiq lavdov-euq iqbax ngaq-anr maqtaf de-eq, nawmaf-euq navni bijav ma.”

Jaceuq 26:6

Ya’we Miqyaer-or! Ngar, nawq-euq lawrduq jawqjawq-aer cannya’ni, Ngar shawrjaevni ghae-eu ma laer aqlaf dzuifshawrler ma.

Yoˇhaˬ 3:25

Khoerngae, Yorhaq-euq zaqlanr, Yurdav tsawrhaq naeq-aer lavmuiq lavshawr-eu zanr-euq garkawv dawqpyaer pyaerluf-eu mae.

Maꞈtehˬ 23:26

Myavbaef baef-eu Paqliqsaer deuq-or! Khmqmaq hawr-eu saerbyaer-euq lafnyir paw khawf shawrlarni, lafkhoer paw jeqhu jovshawr-awq.

Maˬkuˆ 7:8

Nawmaf-aq, Miqyaer-euq zanrdawq khofdawq-anr byaerdzae-awr, tsawrhaq nae tawqka lef-euq zanroer heudeuq-anr zifdanni tuvtaeq taq-euq mae. Irpuq, ircuf khmqmaq hawr-eu guiqshuir khmqmaq deuq-anr jov-eu zanr hawr-eu zanr nuijeq ghawqmya ni-anr tawqluf-eu mae.”