Maˬkuˆ 2:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Kuirshir lafshir shir-eu ghaq-anr dawq aqgeu dawq aernaeq-eu awqdzaeq-eu la? ‘Nawq-euq iqbax pyaeqnaeq ghaq-euq ma’ laer aer-eu lor? Maqngeur nar-aq, ‘Tur-awr, nawq-euq yufzar baf-awr can’ghae-awq’ laer aer-eu laq?

Akha

⁹ ‘Nawˬ-euˬ iˬ baˇ pyehˬ nehˬ gʼaˬ-euˬ meh’ lehˇ ehˇ-eu awˬ dzehˬ ta loˇ. ‘Tuˇ-awˇ, nawˬ-euˬ gawˬ pu baꞈ-awˇ cah-awˬ’ lehˇ ehˇ nehˬ-eu awˬ dzehˬ ta loˇ.

Maˬkuˆ 2:9 ပူးပေါင်းရင်းမြစ်များ

Maꞈtehˬ 9:5

‘Nawq-euq iqbax pyaeq-euq ma’ laer aer-eu hawr-eu, ‘Tur-awr can-awq’ laer aer-eu dawq heu nyiq dawq, aqgeu dawq awqdzaeq-eu la?

Maꞈtehˬ 4:24

Aqyawf-euq garkawv Surliv mirkhanq-anr keuvni gaqdoe-ir-euq mae. Khoerngae, nargawr ghawqmya jeq nar-eu tsawrhaq, nargawr yawkhav-aer ya daqluf-eu tsawrhaq, naef ur-eu tsawrhaq, mawrbawq seu-eu tsawrhaq hawr-eu kuirshir lafshir shir-eu tsawrhaq dawqtawv luf-anr, aqcawq, Yeqsur jawr-eu gar sheuqlaf-awr, Yeqsur, aqyawf maf-anr lavtaq naeq-euq mae.

Maꞈtehˬ 9:2

Khoerngae, aqcawq, yufzar-anr galuf-eu kuirshir lafshir shir-eu tiq ghaq-anr, Yeqsur jawr-eu gar baflaf-euq mae. Yeqsur, aqyawfmaf jan-eu gar ya’mawr ngae, kuirshir lafshir shir-eu khoerghaq-anr aernaeq-eu, “Aqli-or! Laqkhaq caer-awq, nawq-euq iqbax pyaeqnaeq ghaq-euq ma.”

Maˬkuˆ 2:8

Aqyawf maf-euq nuima-euq lafkhoer khoerlof-aer sharnoeq luf-eu, Yeqsur-euq saflar-euq lafkhoer tiqpov taef-aer aqyawf maf-euq nuinoeq siqnya-eu mirnae, heulof-aer aernaeq-euq mae, “Aqjeq mirnae nawmaf-euq nuima-euq lafkhoer teulof-aer sharnoeq luf-eu le?

Maˬkuˆ 2:10

Tsawrhaq-euq Zaqyo-aq, mirtsaq-euq khoertav iqbax pyaeqnya-eu aryaq jav-eu ngar-a laer nawmaf-anr bisiq-eu ma.” Khoerngae, Yeqsur, kuirshir lafshir shir-eu khoerghaq-anr aernaeq-eu,

Luˇkaꞈ 7:48

Khoernar-aq, zaqmiq aqbur khoerghaq-anr aernaeq-eu, “Nawq-euq iqbax pyaeqnaeq ghaq-euq ma.”