Maˬkuˆ 2:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Tsawrhaq ghawqmya’ni uiqlar-euq mirnae, nymr-euq lafkhoer jawrbyan taq-euq uqtaf, nymr-euq larghov-euq lafnyir paw khawf jawrkhar maqza-a. Khoerngae, Yeqsur, aqyawf maf-anr dawqmaeq maeqnaeq luf-eu mae.

Akha

² Tsawˇ haˬ gʼawˬ mya ni uiˬ laˇ-euˬ miˇ neh, nymˇ laꞈ kʼoeˇ maˬ deˇ leˇ-eu uˬ taꞈ, laꞈ nyiˇ paw kʼawꞈ jawˇ kʼaˇ maˬ za-a. Tsawˇ haˬ kʼoeˇ deuˬ-ahˇ Yeˬsuˇ dawˬ mehˬ mehˬ nehˬ luꞈ-eu meh.

Maˬkuˆ 2:2 ပူးပေါင်းရင်းမြစ်များ

Jaceuq 40:9

Ya’we Miqyaer-or! Nawr siqnya-eu lof-aer, Haeq, ngar, ngaq-euq maeqluq-anr maq lavnaqni, Tsawrhaq ghawqmya’ni uiqler taq-awr jawr-eu gar, Ngar, tsaq-awr dawr-eu garkawv dawqmaeq maeqnaeq-euq ma.

Maꞈtehˬ 5:2

Khoerngae, aqyawf, khaqmae mrnga-awr aqyawf maf-anr heulof-aer maeqnaeq tsovnaeq-euq mae:

Maˬkuˆ 1:14

Yorhaq kuv-euq lafkhoer bi nyaefur ghaq-euq nar-aq, Yeqsur, Gaqliqlaer mirkhanq-anr lar-awr, Miqyaer uvlanr-eu garkawv guiqlanqdawq maeq-euq mae.

Maˬkuˆ 1:33

Meuq-anr kharjawr-eu tsawrhaq, nymr-euq ghovkhaeq-anr uiqlar taq-euq mae.

Maˬkuˆ 1:37

Aqyawfmaf, Yeqsur-anr povmawr ngae, aqyawf-anr aernaeq-eu, “Yawqghaq navluf, nawq-anr povluf-eu mae.”

Maˬkuˆ 1:45

Aerkhawf, aqyawf dov-ir-awr nae garkawv khoer yawkhav-aer jakhawq ghae-awr, yawqgar navluf gaqdoe-ir taq-euq mae. Khoermirnae, Yeqsur, meuq-euq lafkhoer byacaevni maqpar urler nya-aer, bawrtsanq doeni jawrluf ngae, kharngeur-eu gar jawr-eu tsawrhaq deuq, aqyawf jawr-eu gar lar-euq mae.

Maˬkuˆ 2:1

Khoernar-aq, heumyav nan byanlar ngae, Yeqsur, Gaqbeqneqoq-anr tiq pov par urler-euq mae. Aqyawf irkanr jawrluf-eu garkawv, aqcawq yagaq-euq mae.

Maˬkuˆ 2:13

Khoernar-aq, Yeqsur, lan landzer tiq pov parir-euq mae. Tsawrhaq armaf mafma dawqtawvluf, aqyawf jawr-eu gar uiqle ngae, aqyawf, aqyawf maf-anr maeqnaeq tsovnaeq-euq mae.

Maˬkuˆ 6:34

Yeqsur, lawq-anr nae dovle ngae, tsawrhaq armaf mafma-anr ya’mawr-awr aqyawf maf-anr ghawqshaq gaq-eu mae. Aqjeq mirnae aernar-aq, aqyawf maf-aq, bo-eu ghaq maqjawr-eu yawr lof-aer dur-eu mae. Khoermirnae, Yeqsur, danqbae-awr aqyawf maf-anr garkawv ghawqmya jeq maeqnaeq tsovnaeq-euq mae.

Luˇkaꞈ 12:1

Khoerngae, tsawrhaq tiqghaq tirghaq nawqtaeq tsarni, maq guijircoer paq-aer uiqlar taq-euq mae. Yeqsur danqbae-awr, aqyawf-euq zaqlanr deuq-anr heulof-aer aernaeq-euq mae: “Paqliqsaer deuq-euq daeqtseq-anr yanr-awq. Daeqtseq laer aer-eu-aq, yawmuiq janrgeuf-eu jeq-anr aermawf-eu mae.

Luˇkaꞈ 5:17

Tiqnan, Yeqsur maeqnaeq tsovnaeqluf ngae, Paqliqsaer deuq hawr-eu zanrdawq maeq-eu tsawrhaq deuq gardzer paw nuirluf-eu mae. Aqyawf maf-aq, Yeqlursaqlaeq, Gaqliqlaer mirkhanq hawr-eu Yurdav mirkhanq-euq lafkhoer jav-eu pu dawqtawv luf-anr nae oe-eu mae. Aqyawf-euq lafkhoer, nar-eu tsawrhaq-anr lavtaq nya-eu Sanqpaq Miqyaer-euq baoq anr-eu mae.

Luˇkaꞈ 8:1

Khoernar-aq, ghawqmyanr maqghae-aer, Yeqsur tiqmeuq sair tiqmeuq, tiqpu sair tiqpu-anr dawqmaeq maeqmaeq-aer Miqyaer uvlanr-eu garkawv guiqlanqdawq maeqnaeq-ir-euq mae. Ghaqkhaer 12 ghaq khawf aqyawf naeq-aer ir-euq mae.

Luˇkaꞈ 8:11

“Yawjeq majeq heudawq-euq dawqtsuif-aq heulof-aer mae: siqyoeq khoer-aq, Miqyaer-euq dawq mae.

Gʼaˬkʼehˇ 11:19

Saqteqpaq-anr khaeq-awr khav-euq mirnae, jawrbyav taq-euq tsawrhaq khoerdeuq, Pirnir mirkhanq, Gurbaqlur irjawlanr hawr-eu Aqdirawq-anr keuvni ir-awr, Yurdav tsawrhaq-anr taef-aer dawqmaeq maeqnaeq-euq mae.

Gʼaˬkʼehˇ 14:25

Beqlaqgeq meuq-anr Yaerdawq maeqnaeq-awr, Aqdaqlir meuq-anr ir-euq mae.

Gʼaˬkʼehˇ 16:6

Khoerngae, Aqsir mircoer-anr Yaerdawq maqbi maeqni Yawshawr Saflar lavtsoeq-eu mirnae, aqyawfmaf, Puqgir hawr-eu Gaqlaqtiv mirkhanq irpav ghae-euq mae.

Gʼaˬkʼehˇ 8:25

Ghaqkhaer deuq sarkir kamq-awr, Sanqpaq Miqyaer-euq dawq maeqnaeq ghaq-euq nar-aq, Yeqlursaqlaeq-anr ghofler-euq mae. Ghoflerluf ngae, Saqmaqliv-euq pu ghawqmya pu-anr guiqlanqdawq maeqnaeq-euq mae.

Lormav 10:8

Jan-eu jeq-anr taf-eu tsaq-awr dawr-eu jeq aqjox-aer aermawf-eu nga laer aernar-aq, “Dawq heudawq-aq, nawq-euq dawqpae javluf-eu mae. Nawq-euq khaqmae-euq lafkhoer anr-awr, nawq-euq nuima-euq lafkhoer khawf anr-eu mae.” (Dm 30:12-14) (Dawq heudawq-aq, nga’maf maeqluf-eu jan-eu jeq-anr taf-eu dawqdeuq-anr aermawf-eu ma.)

2 Tiˆmoˇseˬ 4:2

Yaerdawq yawmuiq-aer maeq-awq! Aryamq za ngae khawf, maqza ngae khawf maeq-eu laer laeqhmq taq-awq. Mrlaeq-euq deuq-anr toeqmaeq-awr, yawkhav khav-aer maeqpar tsovpar naeq-awq. Yawqjeq navluf-euq lafkhoer nuinoeq ghawqmanrni noeq-awr maeq-eu uqtaf, ghaq khawf bif-awq.