Luˇkaꞈ 9:51 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵¹ Khoerngae, heulof-aer pyeuflar-euq mae. Yeqsur-anr mq-euq khoertav bi hadav lef-eu aryamq paelarluf ngae, Yeqlursaqlaeq-anr le ma laer aqyawf noeqtsov taq-euq mae.

Akha

⁵¹ Yeˬsuˇ-ahˇ mˬ kʼoeˇ taˆ bi ha kʼoꞈ daˇ leꞈ-eu aˇ yamˬ dawˬ peh peh laˇ ngeh, Yeˬluˇsaˬlehˬ meuˬ-ahˇ le-eu gʼaˇ duˬ aˬ yawꞈ noeˬ tsehˆ-euˬ meh.

Luˇkaꞈ 9:51 ပူးပေါင်းရင်းမြစ်များ

Maˬkuˆ 16:19

Sanqpaq Yeqsur, aqyawf maf-anr dawq khoerlof-aer ngaeqnaeq ghaq-euq nar-aq, mq-euq khoertav bi sheuqkhofdav lef-awr, Miqyaer-euq armar paw nuir-euq mae.

Luˇkaꞈ 12:50

Ngar ya hageuf-eu bartirsaq tiqjeq jav-a siq, maq hageuf-euq khoerkeuvni, ngaq-euq gharduq shaqzanq pyeuf duidui nya.

Luˇkaꞈ 13:22

Yeqsur, meuqdeuq pudeuq-anr maeqmaeq-aer can-awr, Yeqlursaqlaeq-anr le-euq mae.

Luˇkaꞈ 17:11

Yeqsur, Yeqlursaqlaeq-anr leluf ngae, Saqmaqliv mirkhanq hawr-eu Gaqliqlaer mirkhanq-euq mirkaq-anr canpav luf-eu mae.

Luˇkaꞈ 18:31

Khoerngae, Yeqsur, ghaqkhaer 12 ghaq-anr sheuqceuv dov-awr heulof-aer aernaeq-euq mae: “Narhaq sher-eq, Aqduimaf, Yeqlursaqlaeq-anr leluf-eu ma. Tsawrhaq-euq Zaqyo-euq garkawv, Miqyaer gharduq ngaeqdan-eu deuq nae khar boftaq-euq dawqtawvluf ya byanlar taef-a.

Luˇkaꞈ 19:11

Aqyawfmaf dawq khoerdeuq-anr narhaqluf ngae, Yeqsur, Yeqlursaqlaeq-euq dawqpae lekeuv-euq baqda’nae, Miqyaer uvlanr-eu jeq tiqpov taef-aer keuvle-eu paq laer aqyawfmaf noeqluf-eu mae. Khoerngae, Yeqsur, aqyawf maf-anr yawjeq majeq dawq-anr nae heulof-aer maeqnaeq-euq mae.

Luˇkaꞈ 19:28

Khoerngae, Yeqsur khoerlof-aer aerghaq-awr, maeqhuq huq-awr nae Yeqlursaqlaeq-anr davler-euq mae.

Luˇkaꞈ 24:51

Khoerngae, heulof-aer pyeuflar-euq mae. Dawq ngaeqghae naeqluf ngae, Yeqsur, aqyawf maf-anr nae ghawq-ir-awr, mq-euq khoertav bi sheuqdav lef-euq mae.

Luˇkaꞈ 9:57

Tiqnan, aqyawfmaf garpaer-anr leluf ngae, tsawrhaq tiq ghaq, Yeqsur-anr aernaeq-eu, “Sanqpaq-or! Nawr aqgeugar ir-eu maqkaq, ngar, nawq-euq maeqnan cantaelar ma.”

Yoˇhaˬ 13:1

Baqsaqkaq yawbui bui-eu maq keuvlar-euq minav-aer, Yeqsur-aq, aqyawf, mirtsaq heu-anr yaghawq-awr, Aqda jawr-eu gar ya ghofler-eu aryamq keuvlar-euq mae laer siqnya luf-eu mae. Aqda-aq, mirtsaq-euq khoertav jawr-eu aqyawf-euq tsawrhaq-anr gaq-awr, arsaqsaq ngae keuvni, aqyawf, aqyawf maf-anr gaq-euq mae.

Yoˇhaˬ 16:28

Ngar, Aqda jawr-eu gar nae oe-awr, mirtsaq-anr oeka-euq ma. Ngar, mirtsaq-anr nae dov-ir-awr, Aqda jawr-eu gar par ghofler ma.”

Yoˇhaˬ 16:5

“Nymq-mr ngar, ngaq-anr khaerghae lef-euq ghaq jawr-eu gar ghofler ma. Aerkhawf, ‘Nawr aqgeugar ir-eu le?’ laer nawmaf tiqghaq-iq ngaq-anr maq narhaq lar-a.

Yoˇhaˬ 17:11

Nymq-mr nae nar-aq, ngar, mirtsaq-euq khoertav maqpar jawrni nawr jawr-eu gar ghoflar ma. Aerkhawf, aqyawf maf-aq, mirtsaq-euq khoertav yajawr-eu mae. Shawr-eu Aqda-or! Arnyaf lof-aer aqyawfmaf khawf nuima tiqsiq taef-aer taqnya larni, nawq-euq tsawrmyanr-anr ghoe-awr, nawq nae ngaq-anr bifnaeq laf-euq tsawrhaq deuq-anr bosav naeq-awq.

Yoˇhaˬ 6:62

Tsawrhaq-euq Zaqyo, aqyawf-euq jawrduq-anr ghofdav ler-eu gar nawmaf ya’mawr nar-aq, aqjox-aer noeq nmr-mq?

Gʼaˬkʼehˇ 1:2

Yeqsur, Yawshawr Saflar-anr ghoe-awr, aqyawf nae tserdov taq-euq ghaqkhaer deuq-anr dawq bifyaf-awr, mqtav bi sheuqdav lef-euq gar keuvni boftaq-euq ma.

Gʼaˬkʼehˇ 1:9

Dawq khoerdeuq aerghaq-awr, aqyawfmaf hawluf ngae, aqyawf-anr bi sheuqdav lef-euq mae. Mqdmr tiq tsanq nae aqyawf-anr uvkaq le-awr, aqyawf-anr maqpar mawrnya-aq.

Eˇpeˇsu 1:20

Aqyawf-euq baoq khoer Kali-euq lafkhoer gar mr ngae, aqyawf-anr shir-euq gar nae bi ghofdaef lar-awr, mq-euq khoertav, Miqyaer, Kali-anr aqyawf-euq armar paw binuir-euq mae.

Piˇliˇpiˆ 3:14

Yeqsur Kali-euq lafkhoer Miqyaer-euq zawr gor-eu kur-eu jeq-euq lafsawq za’ni, ngar arpyar-anr hawtsov taq-awr taeluf-eu ma.

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

HeˬByehˇ 12:2

Caevghaeluf ngae, Yeqsur-anr hawtsov taq-awq. Aqyawf-aq, aqdui jan-eu jeq-euq ardanq bae-euq ghaq hawr-eu arsaq saq-eu ghaq pyeuf-eu mae. Aqyawf-euq maeqshi javluf-eu laqkhaq caer-eu jeq-euq baqda’nae, daqga-eu jeq-anr maq sharnoeqni lafyaq-anr daq-euq mae. Nymq-mr aqyawf, Miqyaer-euq nuirmanq armar paw nuirluf-eu mae.

HeˬByehˇ 6:20

Maqlaqkirsaqdaev pirma-euq dzoeqdzaq za-euq lof-aer, Yeqsur-aq, mqmaq maqbyav yarzir Pirma yawhuiq ghaq pyeuf-awr, khoergar aqdui-euq gharduq maeqhuq huq-euq ghaq geuf-awr urler-euq mae.

1 Beˬtuˆluˆ 3:22

Yeqsur mq-euq khoertav ghofdav ler-awr, Miqyaer-euq armar paw nuirluf-eu mae. Mqtav ghaqkhaer deuq, aryaq jav-eu deuq, baoq huiq-eu deuq, dawqtawvluf, aqyawf-euq lafov jawrluf-eu mae.