Luˇkaꞈ 9:47 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁷ Yeqsur, aqyawf maf-euq nuima-euq lafkhoer noeqluf-eu jeq-anr siqnya-eu mirnae, zaq yawnyir tiq ghaq sheuqlaf-awr aqyawf-euq dawqpae bijawr-euq mae.

Akha

⁴⁷ Aˬ yawꞈ maꞈ-euˬ nui noeˬ Yeˬsuˇ haw mawˇ-euˬ miˇ neh, zaˬ yaw nyiˇ tiˬ gʼaˬ-ahˇ aˬ yawꞈ-euˬ dawˬ peh sheuˬ taˬ-awˇ,

Luˇkaꞈ 9:47 ပူးပေါင်းရင်းမြစ်များ

Jaceuq 139:2

Nawr-aq, ngar nuir ngae hawr-eu yawf ngae khawf siqnya-eu mae; Nawr garmanr kaq-eu gar jawr-awr, ngaq-euq nuinoeq ghovshaw nya-eu mae.

Jaceuq 139:23

Miqyaer-or! Ngaq-anr pyaevtser-awr, ngaq-euq nuima siqnya-awq; Ngaq-anr tsermr-awr, ngaq-euq nuinoeq-anr khawf siqnya-awq.

Maꞈtehˬ 12:15

Yeqsur garkawv khoer-anr yasiq ngae, khoergar nae dov-ir-euq mae. Tsawrhaq ghawqmya’ni, aqyawf-euq maeqnan cantae luf-eu mae. Aqyawf, tsawrhaq dawqtawv luf-anr lavtaq naeq-euq mae.

Maꞈtehˬ 9:4

Yeqsur, aqyawf maf-euq nuima-euq lafkhoer noeqluf-eu jeq-anr siqnya-awr aer-eu, “Aqjeq mirnae nawmaf-euq nuima-euq lafkhoer yawdoer jeq sharnoeq luf-eu le?

Luˇkaꞈ 5:22

Aqyawfmaf khoerlof-aer noeqluf-eu gar Yeqsur siqnya-awr aqyawf maf-anr heulof-aer aerkhof naeq-euq mae, “Nawmaf aqjeq mirnae nuima-euq lafkhoer sharnoeq sharsawx luf-eu le?

Yoˇhaˬ 16:30

Tiqghaq-iq nawq-anr tiqjeq-iq narhaq-eu laer maqya ghaeni, nawr yawqjeq navluf-anr siqnya nga laer nymq-mr nga’maf siqduq-euq ma. Khoermirnae, nawr, Miqyaer jawr-eu gar nae oe-euq ngar-a laer nga’maf jan ma.”

Yoˇhaˬ 2:25

Aqcawq, aqyawf-anr tsawrhaq-euq garkawv sarkir kamqnaeq-eu laer maqya ghaeni, Yeqsur, tsawrhaq-euq lafkhoer aqjeq anr-eu la laer siqnya-eu mae.

Yoˇhaˬ 21:17

Yeqsur, aqyawf-anr smq pov tiqpov par narhaq-eu, “Yornav-euq zaqyo Sirmoq-or! Nawr, ngaq-anr gaq ma lor?” “Nawr, ngaq-anr gaq ma lor?” laer Yeqsur, aqyawf-anr smq pov narhaq keuvlaf-euq mirnae, Beqtuvluv noeqshaq lar-awr, aqyawf-anr aerkhof naeq-eu, “Sanqpaq-or! Nawr, yawqjeq navluf siqnya-eu mae. Ngar, nawq-anr gaq-eu nawr siqnya mae.” Yeqsur, aqyawf-anr heulof-aer aernaeq-euq mae, “Ngaq-euq yawrdeuq-anr bidzaq bidawr-awq.

1 Gawˇliˬtu 14:20

Aqyuif aqnyir deuq-or! Ghovshaw nya-eu paw-aq, nawmaf, zaq lof-aer taqpyeuf. Aerkhawf, yawdoer jeq mr-eu paw-aq, zaq lof-aer pyeuf-awr, ghovshaw nya-eu paw-aq, tsawrkhav pyeuf-awq.

HeˬByehˇ 4:13

Khar baetaq-euq yawqjeq navluf, aqyawf-euq maeqshi zaftaq-euq tiqjeq-iq maqjav-a. Yawqjeq navluf aqyawf-euq maeqshi byacaevni pandzae taq-euq mae. Aqkar, aqdui, aqyawf-anr dawqdzawr ya mrnaeq-eu mae.

Panmaeq 2:23

Ngar, aqyawf-euq zaqdeuq-anr saef-awr bishir ma. Khoerngaejawr, ngar-aq, nuima hawr-eu nuinoeq nuidur-anr tsermr-eu ghaq ngar-a laer Kalizaq armur yawqmur navluf yasiq taef-a. Ngar, nawmaf yawqghaq navluf-anr yawqha nae mr-euq lof-aer geuxni bifnaeq ma.