Luˇkaꞈ 9:43 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Khoerngae, tsawrhaq dawqtawvluf, Miqyaer khanqsaer huiq-eu gar zanq duidui ler-euq mae. Yeqsur nae mr-euq yawqjeq navluf-anr tsawrhaq dawqtawvluf zanqler-awr jawrluf ngae, Yeqsur, zaqlanr deuq-anr aernaeq-eu,

Akha

⁴³ Kʼoeˇ ngeh, tsawˇ haˬ dawˬ tawˆ luꞈ Miˬyehˇ-euˬ baoˬ hui dui dui gaˇ zahˬ leˇ-euˬ meh. Yeˬsuˇ neh kʼaˇ mˇ kʼaˇ shaˇ-euˬ yawˬ jeˬ na luꞈ-ahˇ tsawˇ haˬ kʼoeˇ deuˬ zahˬ leˇ-awˇ jawˇ luꞈ ngeh, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh.

Luˇkaꞈ 9:43 ပူးပေါင်းရင်းမြစ်များ

Jaceuq 139:14

Ngar, nawq-anr jaceuq ma. Aqjeq mirnae aernar-aq, Nawr, ngaq-anr guvlar paq-aer hawr-eu zanqler paq-aer bae naeqlaf-euq mae. Nawq nae mr-euq gardeuq-aq, muiq duidui-eu mae. Ngaq-euq nuima saflar, yawmuiq paq-aer siqnya ma.

Maꞈtehˬ 17:22

Aqyawfmaf, Gaqliqlaer mirkhanq-anr uiqler-awr jawrluf ngae, Yeqsur, zaqlanr deuq-anr heulof-aer aernaeq-euq mae, “Tsawrhaq-euq Zaqyo, aqcawq-euq aqlaf-euq lafkhoer ya’anr-ir taef-a.

Maˬkuˆ 6:51

Khoernar-aq, aqyawf, lawq-euq lafkhoer urler ngae, jaqlaer baw-eu naqler-euq mae. Khoerngae, aqyawfmaf zanq duidui ler-euq mae.

Luˇkaꞈ 18:43

Khoerngae, myavbaef khoerghaq tiqpov taef-aer mawrnya lar-awr, Miqyaer-anr jaceuq jaceuq-aer Yeqsur-euq maeqnan cantae ghae-euq mae. Tsawrhaq dawqtawvluf khoer-anr ya’mawr ngae, Miqyaer-anr jaceuq-eu mae.

Luˇkaꞈ 4:36

Tsawrhaq khoerdeuq dawqtawvluf zanq duidui ler-awr aqyawf maf-euq yawkaq ja-eu, “Dawq teudawq aqjox-aer ghae-eu dawq nga? Aqyawf aryaq za-awr baoq anr-eu lafkhoer naef yawjawf deuq-anr dawq bif ngae, naef yawjawf khoerdeuq dovle-eu nga.”

Luˇkaꞈ 5:26

Tsawrhaq armaf mafma dawqtawvluf zanq duidui ler-awr Miqyaer-anr ciqhuiq ciqmanr-eu uqtaf, guv duidui-eu lafkhoer aer-eu, “Iqnan aqduimaf maq mawrhaw-euq jeq-anr ya’mawr-euq ma.”

Luˇkaꞈ 5:9

Ngaqshaq khoermyav myav-aer dzaemi-euq mirnae, Sirmoq hawr-eu aqyawf naeq-aer kharjawr-eu deuq zanq duidui ler-euq mae.

Luˇkaꞈ 8:25

Yeqsur, aqyawf maf-anr aernaeq-eu, “Nawmaf-euq nuijan aqgeugar jav-eu la?” Khoerngae, aqyawfmaf guvdui zanq duidui ler-awr, aqyawf maf-euq yawkaq aer-eu, “Tsawrhaq heughaq aqsur ghaq nga? Aqyawf, jaqlaer hawr-eu ircuf-anr dawq bif ngae, jaqlaer hawr-eu ircuf khawf aqyawf-euq dawq narhaq-eu beu!”

Luˇkaꞈ 9:42

Aqyawf larluf ngae, naef, aqyawf-anr daeqcoq ghae-awr, aqyawf-anr guqti bi tiler-euq mae. Khoerngae, Yeqsur, naef yawjawf khoermawr-anr daeq-awr, aqli khoerghaq-anr lavtaq naeq-awr nae, aqyawf-euq aqda-anr a’khof naeq-euq mae.

2 Beˬtuˆluˆ 1:16

Nga’maf, nawmaf-anr aqdui-euq Sanqpaq Yeqsur Kali-euq baoq hawr-eu aqyawf zafka le-eu garkawv bisiq-eu heu-aq, tsawrganr zmq-awr noeqdov-euq garkawv-anr ghoe-awr bisiq-eu maqngeur. Aerkhawf, nga’maf-euq myavnuiv nae aqyawf-euq khanqsaer huiq-eu gar ya’mawr-awr bisiq-eu ma.