Luˇkaꞈ 9:41 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Khoerngae, Yeqsur aer-eu, “Arma-er-e! Nuijan maqanr-aer, nanrpov-aer daef-eu heuzir-euq tsawrhaq deuq-or! Ngar, nawmaf naeq-aer aqmyan keuvni yajawr-awr parya or-eu la siq? Nawq-euq zaqyo heugar sheuqlaf-awq.”

Akha

⁴¹ Yeˬsuˇ ehˇ-eu, “Jah-eu nui ma maˬ ahˇ-eu naˬ lehˬ lehˬ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ ngaˇ aˇ myah keuˆ ni paˇ ya jawˇ ta. Naw maꞈ-ahˇ ngaˇ aˇ myah keuˆ ni paˇ ya oˇ ta. Nawˬ li-ahˇ heu gaˇ sheuˬ laꞈ-awˬ.”

Luˇkaꞈ 9:41 ပူးပေါင်းရင်းမြစ်များ

Jaceuq 78:8

Khoer-aq, aqyawf maf-anr, aqyawf maf-euq aqpoeq deuq lof-aer, Maqbi durlar-eu gharduq mae. Aqyawf maf-euq tsawrtsuif-aq, nuima taq-eu maqtsaq-aer; Aqyawf maf-euq saflar, Miqyaer-anr sarjax maqzif-eu uqtaf, Miqyaer-euq aerdawq maq narhaq geuf-aer puiq-euq tsawrtsuif mae.

Maꞈtehˬ 11:28

Khavbaev yawkan pi-awr ghaqdoer doer-eu tsawrhaq yawqghaq navluf, ngar jawr-eu gar lar-awq. Ngar, nawmaf-anr ghaqnaq bi’naq ma.

Maꞈtehˬ 12:39

Khoerngae, Yeqsur, aqyawf maf-anr heulof-aer aerkhof naeq-euq mae: “Zawr doer-awr jawflafni banq-awr joe-eu heuzir-aq, bisiq bimawr-eu jeq sharpov-eu mae. Miqyaer gharduq ngaeqdan-eu Yornav-euq bisiq bimawr-eu jeq maqngeur nar-aq, aqyawf maf-anr bisiq bimawr-eu yawqjeqyawq maq mrhawnaeq.

Maꞈtehˬ 12:45

Khoerngae, aqyawf, aqyawf naeq-aer bijawr-eu laer, aqyawf navmaqtser cawvdzaeq-eu naef shif mawr sheuqlaq-ir-awr jawrler-euq mae. Arsaq saqlar ngae-aq, tsawrhaq khoerghaq-euq ardeuv artiv, yawbae navmaqtser doerdzaeq-ir-euq mae. Zawr cawv-eu heuzir khawf khoerlof-aer pyeuflar taef-a.”

Maꞈtehˬ 16:4

Zawr cawv-awr banq-awr muv-eu heuzir-aq, bisiq bimawr-eu jeq sharpov-eu mae. Miqyaer gharduq ngaeqdan-eu Yornav-euq bisiq bimawr-eu jeq khoer maqngeur nar-aq, aqyawf maf-anr nuijeq maqbi mawr.” Khoernar-aq, Yeqsur, aqyawf maf-anr nae ghawq-awr dov-ir-euq mae.

Maꞈtehˬ 17:17

Khoerngae, Yeqsur aer-eu, “Arma-er-e! Nuijan maqanr-aer, nanrpov-aer daef-eu heuzir-euq tsawrhaq deuq-or! Ngar, nawmaf naeq-aer aqmyan keuvni yajawr-awr ya’or-eu la siq? Aqyawf-anr, ngar jawr-eu gar sheuqlaf-awq.”

Maꞈtehˬ 23:36

Ngar, nawmaf-anr aqdirma-aer aernaeq nyar, heudeuq dawqtawvluf heuzir-euq khoertav keuvle taef-a.

Maꞈtehˬ 3:7

Paqliqsaer deuq hawr-eu Saqduqgaer deuq ghawqmya’ni, aqyawf-euq bartirsaq hageuf le-eu gar ya’mawr ngae, aqyawf maf-anr heulof-aer aernaeq-euq mae, “Dof khav-eu arlawr-euq zaqdeuq-or! Aqkar keuvle-eu nuima paer-eu jeq-anr caevbuq nya’ni, aqsur ghaq nae nawmaf-anr aernaeq laf-euq la?

Maˬkuˆ 10:14

Yeqsur khoer-anr ya’mawr ngae, nuikhanr tiqpawf-iq maqshir-aer, aqyawf maf-anr heulof-aer aernaeq-euq mae, “Zaqdeuq-anr taq lavtsoeq, aqyawfmaf, ngar jawr-eu gar bilar-awq. Aqjeq mirnae aernar-aq, Miqyaer uvlanr-eu jeq-aq, heulof-aer ghae-eu tsawrhaq deuq-euq gharduq mae.

Maˬkuˆ 10:49

Yeqsur naqler-awr, aqyawf-anr kurlaf-awq laer dawq bif-euq mae. Khoerngae, aqyawfmaf, myavbaef khoerghaq-anr aernaeq-eu, “Laqkhaq caertavni tur-awq, aqyawf, nawq-anr kurluf-eu nga.”

Maˬkuˆ 9:19

Yeqsur aerkhof naeq-eu, “Nuijan maqanr-eu heuzir-euq tsawrhaq-or! Ngar, nawmaf naeq-aer aqmyan keuvni yajawr-eu la? Ngar, nawmaf naeq-aer aqmyan keuvni parya or-eu la siq? Aqyawf, ngar jawr-eu gar sheuqlaf-awq.”

Luˇkaꞈ 8:25

Yeqsur, aqyawf maf-anr aernaeq-eu, “Nawmaf-euq nuijan aqgeugar jav-eu la?” Khoerngae, aqyawfmaf guvdui zanq duidui ler-awr, aqyawf maf-euq yawkaq aer-eu, “Tsawrhaq heughaq aqsur ghaq nga? Aqyawf, jaqlaer hawr-eu ircuf-anr dawq bif ngae, jaqlaer hawr-eu ircuf khawf aqyawf-euq dawq narhaq-eu beu!”

Luˇkaꞈ 9:40

Naef heumawr-anr taedov naeqlaf sher-eq laer ngar, nawq-euq zaqlanr deuq-anr shar-euq khawf, aqyawfmaf maq taedov nya-a.”

Luˇkaꞈ 9:42

Aqyawf larluf ngae, naef, aqyawf-anr daeqcoq ghae-awr, aqyawf-anr guqti bi tiler-euq mae. Khoerngae, Yeqsur, naef yawjawf khoermawr-anr daeq-awr, aqli khoerghaq-anr lavtaq naeq-awr nae, aqyawf-euq aqda-anr a’khof naeq-euq mae.

Yoˇhaˬ 14:9

Yeqsur, aqyawf-anr heulof-aer aernaeq-euq mae, “Pirlirpuv-or! Ngar, nawq naeq-aer heumyanni jawrlaf-euq khawf, nawr, ngaq-anr maq siqnya-eu le siq lor? Ngaq-anr mawr-euq tsawrhaq-aq, Aqda-anr mawr-euq mae. ‘Nga’maf-anr Aqda bimawr naeqlaf-awq’ laer nawr aqjox-aer aer-eu le?

Yoˇhaˬ 20:27

Khoernar-aq, aqyawf, Tormav-anr aernaeq-eu, “Nawq-euq lafnoer heugar toeqhaw lar-awr, ngaq-euq aqlaf-anr khawf haw-awr, nawq-euq aqlaf cawqlaf-awr, ngaq-euq byarghar-anr toeqhaw-awq. Maq jancoer-aer maqghaeni jan-awq.”

Gʼaˬkʼehˇ 13:18

Khoerngae, 40 khof aerghaqni aqyawfmaf nae bawrtsanq bawrdanr-anr mr-awr shar-euq jeq-anr Miqyaer or-euq mae.

Gʼaˬkʼehˇ 2:40

Khoeruqtaf, Beqtuvluv dawq ghawqmya’ni ngaeq-awr, aqyawf sarkir kamq-awr aqyawf maf-anr ghaq bifnaeq-eu, “Nawmaf, nanrpov-aer ghae-eu heuzir-anr yabuq-ir ni laejae-awq.”

Lormav 2:4

Maqngeur nar-aq, aqyawf-euq sanr duidui-eu yawmuiq jeq, ornya-eu jeq, nuinoeq ghawqmanrni noeq-eu jeq-anr nawr yaeqbawq saerlu-aer ghae-eu le laq? Nawr noeqpov noeqparlar nya’ni, Miqyaer-euq yawmuiq jeq, nawq-anr sheuqghaeluf nga laer nawr maq siqnya-eu le lor?

HeˬByehˇ 3:19

Khoermirnae, aqyawfmaf maq urler nya-euq khoer-aq, maqjan-euq mirnae nga laer aqdui-anr mawrlar-eu mae.

HeˬByehˇ 4:11

Khoermirnae, Yaerdawq maq narhaq geuf-euq deuq coq-ir-euq lof-aer, aqdui khawf maqya coq-ir ni, ghaqnaq naqduq khoer-anr ya urlerni laejae kar-eur.

HeˬByehˇ 4:2

Aqjeq mirnae aernar-aq, aqyawf maf-anr guiqlanqdawq maeqnaeq-euq lof-aer, aqdui-anr khawf maeqnaeq laf-euq mae. Aqyawfmaf dawq khoer-anr yagaq-euq khawf maqjan-eu mirnae, yagaq-euq dawq khoer gardanr maqtsoeq-a.

HeˬByehˇ 7:25

Khoermirnae, aqyawf-anr ghoe-awr Miqyaer jawr-eu gar kharlar-eu tsawrhaq-anr aqyawf tiqbyan tiqlof kakhofnaeq nya-eu mae. Aqjeq mirnae aernar-aq, aqyawf aqmyanluf daefluf-awr, aqyawf maf-euq gharduq guiqlanq sharcaw duidui luf-eu mae.