Luˇkaꞈ 9:31 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Aqyawfnyaf yawshaef khanqsaer-euq lafkhoer dovle-awr, ghawqmyanr maqghae-aer Yeqsur, Yeqlursaqlaeq-anr yashir-awr ya mrbyan-eu garkawv, aqyawf naeq-aer jacawq luf-eu mae.

Akha

³¹ Aˬ yawꞈ nyaꞈ mˬ taˆ-euˬ yaw shehꞈ kʼahˬ sehˇ laꞈ kʼoeˇ oe-awˇ, gʼawˬ myahˇ maˬ gʼeh-ehˇ Yeˬsuˇ Yeˬluˇsaˬlehˬ meuˬ-ahˇ ya shiˇ-awˇ, Miˬyehˇ-euˬ nui kʼahˇ byah laˇ ni ya mˇ-eu gaˇ kawˆ, Yeˬsuˇ nehˬ-ehˇ ja cawˬ luꞈ-eu meh.

Luˇkaꞈ 9:31 ပူးပေါင်းရင်းမြစ်များ

Luˇkaꞈ 9:22

Khoeruqtaf, Yeqsur aer-eu, “Tsawrhaq-euq Zaqyo-aq, shaqzanq ghawqmya jeq-anr yadaq-awr, aqyuif aqtsu deuq, pirma aqyuif deuq hawr-eu zanr maeq-eu deuq nae yabi byaerdzae-eu uqtaf, yabi saef taef-a. Aerkhawf, smq nan ngae nan-anr ghofdaeflar taef-a.”

Luˇkaꞈ 9:30

Khoerngae, tsawrhaq nyiq ghaq Yeqsur naeq-aer dawq ngaeqcawq luf-eu mae. Khoer-aq, Morseq hawr-eu Erlirya mae.

Yoˇhaˬ 1:29

Nishawq ngae nan, aqyawf jawr-eu paw Yeqsur oeluf-eu gar Yorhaq ya’mawr ngae, heulof-aer aer-eu mae, “Mirtsaqzaq-euq iqbax-anr pidzae-eu Miqyaer-euq Yawrzaq-anr hawsher-eq!

2 Gawˇliˬtu 3:18

Aqdui yawqghaq navluf-euq myavpyawq-anr saqpar maq daeqkaqni, pyawqhaw-anr hawluf-eu lof-aer, Sanqpaq Miqyaer-euq yawshaef khanqsaer-anr hawluf-eu ma. Aqdui, Sanqpaq Miqyaer-euq shaevdzeuf-anr durlarni, Sanqpaq Miqyaer-euq Saflar-euq baqda’nae, yawshaef khanqsaer tiqtiv sair tiqtiv javdzaeqlar luf-eu ma.

Piˇliˇpiˆ 3:21

Aqyawf, yawqjeq navluf-anr aqyawf-euq uqmov bijawr bijav-eu baoq-anr ghoe-awr, yawshaef khanqsaer jav-eu aqyawf-euq mawrdo lof-aer pyeuflarni, aqdui-euq teq-eu mawrdo heu-anr janrpar naeqlaf taef-a.

Gawˇlawˇsehˇ 3:4

Aqdui-euq daef-eu jeq pyeuf-eu Kali dovle ngae, nawmaf khawf aqyawf naeq-aer tiqkawv lof-aer yawshaef khanqsaer-euq lafkhoer dovle taef-a.

HeˬByehˇ 11:22

Yorsaev jan-eu mirnae, shir-eu dawqpae paelar ngae, Irsaqleqlav tsawrhaq, Irjirtuv-anr nae yadov-ir-eu garkawv aernaeq-awr, aqyawf-euq shaqyoeq-euq garkawv khawf dawq biftaq yaf-euq mae.

1 Beˬtuˆluˆ 5:10

Nawmaf shaqzanq tiqkhaeq daqghaq-euq nar-aq, Yeqsur Kali-anr ghoe-awr, aqdui-anr mqmaq maqbyav yarzir zif-eu yawshaef khanqsaer jav-eu gar kurlaf-euq guiqlanq yawdzanr dawqtawv luf-euq Miqyaer, nawmaf-anr bi byanlar-awr, bi ziflar-eu uqtaf, ghaq bi khavlar-awr, bi jawrzif naeqlaf taef-a.

2 Beˬtuˆluˆ 1:15

Ngar shirdzeur-euq khawf, nawmaf yawqjawr navluf garkawv heudeuq-anr noeqmawr nya’ni, ngar yawmuiq-aer yawduq lavbaw yaf-eu ma.

Panmaeq 7:14

Khoerngae, ngar, aqyawf-anr, “Ngaq-euq sanqpaq-or! Nawr siqnya mae” laer aerkhof naeq-euq ma. Khoernar-aq, aqyawf, ngaq-anr heulof-aer aernaeq laf-euq mae: “Tsawrhaq heudeuq-aq, shaqdui zanq duidui-eu aryamq-euq lafkhoer nae dovlar-euq mae. Aqyawf maf-aq, yawqha-euq paerkhanq paermanr pyurdeuqni ghaelarni, Yawrzaq-euq shiq nae laeqtsiq ghaq-euq mae.