Luˇkaꞈ 9:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Khoeruqtaf, Yeqsur aer-eu, “Tsawrhaq-euq Zaqyo-aq, shaqzanq ghawqmya jeq-anr yadaq-awr, aqyuif aqtsu deuq, pirma aqyuif deuq hawr-eu zanr maeq-eu deuq nae yabi byaerdzae-eu uqtaf, yabi saef taef-a. Aerkhawf, smq nan ngae nan-anr ghofdaeflar taef-a.”

Akha

²² Aˬ yawꞈ ehˇ-eu, “Tsawˇhaˬ-euˬ Zaˬmaˇ-aˬ, gʼawˬ mya jeˬ-ahˇ ya daˬ dui dui-awˇ, tsawˇ mawˬ tsawˇ kʼaˆ deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ neh bi byehˇ dzeh tehꞈ-a. Aˬ cawˬ neh bi sehꞈ gaˇ keuˆ ni ya daˬ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ neh aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Luˇkaꞈ 9:22 ပူးပေါင်းရင်းမြစ်များ

Maꞈtehˬ 17:12

Ngar, nawmaf-anr aernaeq nyar, Erlirya oedzeur-euq mae. Aerkhawf, aqcawq, aqyawf-anr maq siqnya-aer, khar janrmawf-eu jeq janrnaeq-euq mae. Khoerlof-aer durni, Tsawrhaq-euq Zaqyo khawf, aqyawf maf-euq aqlaf-euq lafkhoer yadaq taef-a.”

Maꞈtehˬ 17:22

Aqyawfmaf, Gaqliqlaer mirkhanq-anr uiqler-awr jawrluf ngae, Yeqsur, zaqlanr deuq-anr heulof-aer aernaeq-euq mae, “Tsawrhaq-euq Zaqyo, aqcawq-euq aqlaf-euq lafkhoer ya’anr-ir taef-a.

Maꞈtehˬ 27:63

“Sanqpaq-or! Aqcawq-anr sheuqbanq-eu khoerghaq daefluf ngae, aqyawf, ‘Smq nan byanlar nar-aq, ngar ghofdaeflar ma’ laer aer-eu gar nga’maf noeqtaq-euq ma.

Maˬkuˆ 8:31

Khoerngae nae nar-aq, danqbae-awr, Yeqsur, aqyawf maf-anr, Tsawrhaq-euq Zaqyo-aq, shaqzanq ghawqmya jeq-anr yadaq-awr, aqyuif aqtsu deuq, pirma aqyuif deuq hawr-eu zanr maeq-eu deuq maq hageuf-eu uqtaf, yabi saef taef-a. Aerkhawf, smq nan keuvlar nar-aq, ghofdaeflar taef-a laer maeqnaeq tsovnaeq-euq mae.

Maˬkuˆ 9:31

Aqjeq mirnae aernar-aq, aqyawf, aqyawf-euq zaqlanr deuq-anr maeq-eu lafkhoer aernaeq luf-eu, “Tsawrhaq-euq Zaqyo, aqcawq-euq aqlaf-euq lafkhoer ya’anr-ir-awr, aqyawfmaf, aqyawf-anr saef taef-a. Aqyawf shir-awr nae smq nan keuvlar nar-aq, ghofdaeflar taef-a.”

Luˇkaꞈ 17:25

Aerkhawf, yawbae jeq-aq, aqyawf khaeq-awr khav-eu ghawqmya jeq-anr yadaq-awr heuzir-euq tsawrhaq, aqyawf-anr byaerdzae taef-a.

Luˇkaꞈ 24:26

Kali shaqzanq heudeuq yadaq ghaq-awr nae taef-aer, aqyawf-euq yawshaef khanqsaer-euq lafkhoer ya urler-eu maqngeur-a lor?”

Luˇkaꞈ 24:44

Khoerngae, Yeqsur, aqyawf maf-anr aernaeq-eu, “Morseq-euq zanrdawq, Miqyaer gharduq ngaeqdan-eu deuq-euq sanqbof hawr-eu, Jaceuq-eu sanqbof-euq lafkhoer, ngaq-euq garkawv khar boftaq-euq dawqtawvluf ya byanlar taef-a laer, ngar, nawmaf naeq-aer jawr ngae, dawq heudeuq aernaeq dzeur-euq ma.”

Luˇkaꞈ 24:7

Aqyawf aer-eu, ‘Tsawrhaq-euq Zaqyo-aq, iqbaxzaq-euq aqlaf-anr yabi a’naeq taef-a. Khoernar-aq, lafyaq-euq khoertav yabi tafsaef-awr, smq nan keuvlar nar-aq, par ghofdaeflar taef-a.’ ”

Luˇkaꞈ 9:44

“Nawmaf dawq heudeuq-anr naqbawr ciqkhmr-awr juiruiq taq-awq. Aqjeq mirnae aernar-aq, Tsawrhaq-euq Zaqyo, aqcawq-euq aqlaf-euq lafkhoer ya’anr-ir taef-a.”

1 Gawˇliˬtu 15:4

aqyawf-euq mawrdo bi bafpanq-euq mae. Khoernar-aq, Yaerbof-euq lafkhoer aertaq-euq lof-aer, smq nan keuvlar nar-aq ghofdaef lar-euq mae.

1 Beˬtuˆluˆ 1:11

Aqyawfmaf kakhof-eu jeq heu aqmyan, aqsur ghaq la laer povtser-awr, aqyawf maf-euq lafkhoer jawr-eu Kali-euq Saflar, aqyawf maf-anr toeqmaeq naeq-euq lof-aer, Kali shaqzanq-anr yadaq-awr, arnan yawshaef khanqsaer za taef-a laer khawf arhuba nae, aqyawfmaf ngaeqdan taq-euq mae.