Luˇkaꞈ 9:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Nanrma ga’anr-ir mawf ngae, ghaqkhaer 12 ghaq lar-awr nae aer-eu, “Tsawrhaq armaf mafma heudeuq, pu-anr maqngeur nar-aq, yarkhanq yarlawq-anr yaf-ir-awr, dzaqdzaq dawrdawr zeurdzaq-ir nya’ni, aqyawf maf-anr bighawq-ir-awq. Aqjeq mirnae aernar-aq, heugar-aq, bawrtsanq nga.”

Akha

¹² Nahˇ ma ga ahˇ mawꞈ laˇ ngeh, zaˬ lahˇ tseˇ nyiꞈ gʼaˬ aˬ yawꞈ jawˇ gaˇ laˇ-awˇ ehˇ-eu, “Dawˬ peh jaˆ-eu pu deuˬ hawˇ-eu deh ma doe ni iˇ-awˇ, dzaˬ dzaˬ dawˇ dawˇ hawˇ-eu naˬ duˬ jawˇ duˬ bi shaˇ poˆ-iˇ-eu gʼaˇ duˬ, tsawˇ haˬ heu deuˬ-ahˇ pyehˬ nehˬ yamˬ tsaˬ laˇ-euˬ maˬ ngeuˇ-a loˇ. Aˬ jeˬ miˇ neh ehˇ naˇ, jawˇ duˬ heu tsahˇ-aˬ, pu-ahˇ gaˇ mahˇ kaˬ-eu meh.”

Luˇkaꞈ 9:12 ပူးပေါင်းရင်းမြစ်များ

Maꞈtehˬ 14:13

Yeqsur garkawv khoer-anr yagaq ngae, khoergar nae aqyawf tiq ghaq taef-aer lawq-anr ur-awr, tsawrhaq maqjawr-eu gar ir-euq mae. Tsawrhaq armaf mafma deuq yasiq ngae, meuqdeuq-anr nae dov-ir-awr, kuirzoq nae aqyawf-euq maeqnan cantae ghae-euq mae.

Maꞈtehˬ 15:23

Aerkhawf, Yeqsur tiqdawq-iq maq ngaeqcawq naeq-aq. Khoerngae, aqyawf-euq zaqlanr deuq, aqyawf jawr-eu gar lar-awr shar-eu, “Aqma heughaq, aqdui maf-euq maeqnan gurgur-aer cantae luf-eu mirnae, aqyawf-anr taeghof ghae-awq.”

Maꞈtehˬ 15:32

Yeqsur, zaqlanr deuq-anr kur-awr aernaeq-eu, “Ngar, tsawrhaq heudeuq-anr ghawqshaqgaq nya. Aqyawfmaf, ngaq naeq-aer heugar jawrluf-eu smq nan byanlar-awr, tiqjeq-iq dzaq-eu maqpar anr-eu ngar-a. Ngar, aqyawf maf-anr hawqmaef maef-eu lafkhoer maqbi ghof-ir mawf nya. Bighof-ir nar-aq, garpaer-anr myafler-eu baw-mr.”

Luˇkaꞈ 9:11

Aerkhawf, tsawrhaq armaf mafma deuq yasiq-awr, aqyawf-euq maeqnan cantae ghae-euq mae. Yeqsur, aqyawf maf-anr ha-awr, aqyawf maf-anr Miqyaer uvlanr-eu garkawv maeqnaeq-euq uqtaf, nargawr lavtaqnaeq paq-aer ghae-eu tsawrhaq-anr lavtaq naeq-euq mae.

Luˇkaꞈ 9:13

Khoerngae, Yeqsur, aqyawf maf-anr aernaeq-eu, “Nawmaf, aqyawf maf-anr tiqjeqnav bidzaq-awq.” Zaqlanr deuq aer-eu, “Nga’maf kaqmur ngaq siq hawr-eu ngaqshaq nyiq mawr anr-eu taef ma. Tsawrhaq heudeuq dawqtawv luf-euq gharduq dzaqdzaq dawrdawr maqzeur-ir nar-aq maq lofler-a.”

Yoˇhaˬ 6:1

Garkawv khoerdeuq dzeur-euq nar-aq, Yeqsur, Deqbeqlir lan laer kur-eu Gaqliqlaer lan-euq nuibaq-anr tsaev-ir-euq mae.

Piˇliˇpiˆ 1:19

Aqjeq mirnae aernar-aq, nawmaf guiqlanq shar-eu mirnae hawr-eu, Yeqsur Kali-euq Saflar cawba naeqlaf-eu mirnae, ngaq-anr pyaeqnaeqlaf taef-a laer ngar siqnya ma.