Luˇkaꞈ 9:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aerkhawf, tsawrhaq armaf mafma deuq yasiq-awr, aqyawf-euq maeqnan cantae ghae-euq mae. Yeqsur, aqyawf maf-anr ha-awr, aqyawf maf-anr Miqyaer uvlanr-eu garkawv maeqnaeq-euq uqtaf, nargawr lavtaqnaeq paq-aer ghae-eu tsawrhaq-anr lavtaq naeq-euq mae.

Akha

¹¹ Gaˇ kawˆ kʼoeˇ tsawˇ haˬ aˇ maꞈ maꞈ ma ya siˬ ngeh, aˬ yawꞈ-euˬ mehˬ nah caw teh gʼeh-euˬ meh. Tsawˇ haˬ aˇ maꞈ maꞈ ma-ahˇ aˬ yawꞈ ha geuꞈ-awˇ, Miˬyehˇ Miˇkʼahˬ gaˇ kawˆ ja mehˬ-awˇ, naˇ gawˇ laˆ taˬ nehˬ paˬ-ehˇ gʼeh-eu tsawˇ haˬ deuˬ-ahˇ laˆ taˬ nehˬ-euˬ meh.

Luˇkaꞈ 9:11 ပူးပေါင်းရင်းမြစ်များ

Maꞈtehˬ 12:15

Yeqsur garkawv khoer-anr yasiq ngae, khoergar nae dov-ir-euq mae. Tsawrhaq ghawqmya’ni, aqyawf-euq maeqnan cantae luf-eu mae. Aqyawf, tsawrhaq dawqtawv luf-anr lavtaq naeq-euq mae.

Maꞈtehˬ 14:14

Yeqsur, lawq-anr nae dovlar ngae, tsawrhaq armaf mafma-anr ya’mawr-awr, aqyawf maf-anr ghawqshaq gaq-awr nae, aqyawf maf-euq lafkhoer nar-awr gawr-eu tsawrhaq deuq-anr lavtaq naeq-euq mae.

Maꞈtehˬ 21:31

Zaqyo khoer nyiq ghaq-anr nae, aqda-euq nuima tsaqni mr-eu aqgeu ghaq nya?” Aqyawfmaf aerkhof-eu, “Aqyuif ghaq mir-a.” Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, jeq taf-eu tsawrhaq hawr-eu mawrdo anq-eu tsawrhaq deuq-aq, nawmaf-euq jeqhu nae Miqyaer uvlanr-eu jeq-euq lafkhoer urler luf-eu mae.

Maꞈtehˬ 21:43

“Khoermirnae, ngar, nawmaf-anr aernaeq nyar, Miqyaer uvlanr-eu jeq nawmaf-euq lafkhoer nae yurdov-awr, Miqyaer uvlanr-eu jeq-euq arsiq siqle-eu tsawrjeuq tsawrca-anr bifnaeq taef-a.

Luˇkaꞈ 1:53

Maef-awr shuf-eu deuq-anr dzarkuir dzarmyaer tiqdaev bidzaq-awr, Smrmuiq smrbaw deuq-anr yawqngaef yawqkuq-aer bidov-ir-euq mae.

Luˇkaꞈ 5:31

Yeqsur, aqyawf maf-anr heulof-aer aerkhof naeq-euq mae, “Jawrsar dov-eu tsawrhaq-aq, nargawr lavsav-eu tsawrhaq-anr maqmawf-ar; nar-eu tsawrhaq deuq taef-aer mawf-eu mae.

Luˇkaꞈ 8:1

Khoernar-aq, ghawqmyanr maqghae-aer, Yeqsur tiqmeuq sair tiqmeuq, tiqpu sair tiqpu-anr dawqmaeq maeqmaeq-aer Miqyaer uvlanr-eu garkawv guiqlanqdawq maeqnaeq-ir-euq mae. Ghaqkhaer 12 ghaq khawf aqyawf naeq-aer ir-euq mae.

Luˇkaꞈ 8:10

Khoerngae, aqyawf heulof-aer aernaeq-euq mae, “Miqyaer uvlanr-eu garkawv zaftaq-euq deuq nawmaf-anr taef-aer bi siqnya-eu ma. Aerkhawf, nuideuq-anr-aq, ‘Haw khawf maq mawrnya-aer, gaq khawf maq ghovshaw nya’ni, Aqyawf maf-anr-aq, yawjeq majeq dawq-anr nae maeqnaeq-eu ma.’ (Isy 6:9)

Luˇkaꞈ 9:10

Khoerngae, ghaqkhaer deuq ghoflar-awr, kharmr kharshar-euq deuq Yeqsur-anr dzawrnaeq-euq mae. Yeqsur, aqyawf maf-anr taef-aer kurceuv-awr, Baeqdzerdaq-euq bawrtsanq bawrdanr-anr dov-ir-euq mae.

Luˇkaꞈ 9:12

Nanrma ga’anr-ir mawf ngae, ghaqkhaer 12 ghaq lar-awr nae aer-eu, “Tsawrhaq armaf mafma heudeuq, pu-anr maqngeur nar-aq, yarkhanq yarlawq-anr yaf-ir-awr, dzaqdzaq dawrdawr zeurdzaq-ir nya’ni, aqyawf maf-anr bighawq-ir-awq. Aqjeq mirnae aernar-aq, heugar-aq, bawrtsanq nga.”

Luˇkaꞈ 9:2

Miqyaer uvlanr-eu garkawv maeqnaeqni hawr-eu nar-eu deuq-anr lavtaq naeqni, aqyawf maf-anr khaerdov ghae-euq mae.

Yoˇhaˬ 4:34

Yeqsur, aqyawf maf-anr heulof-aer aernaeq-euq mae, “Ngaq-anr khaerghae lef-euq ghaq-euq nuima tsaqni mr-awr, aqyawf-euq gar mrluiv-eu heu-aq, ngaq-euq dzaqdzaq dawrdawr ma.

Yoˇhaˬ 6:37

Aqda Miqyaer nae ngaq-anr kharbif-euq tsawrhaq dawqtawvluf ngar jawr-eu gar lar taef-a. Ngar jawr-eu gar kharlar-eu tsawrhaq-anr ngar tiqjeq ghaenae-iq maq taedzae.

Gʼaˬkʼehˇ 28:31

Aqyawf nuima khaqduqni anr-eu lafkhoer, Miqyaer uvlanr-eu garkawv dawqmaeq maeq-awr, Sanqpaq Yeqsur Kali-euq garkawv maeqnaeq tsovnaeq-euq mae. Aqyawf khoerlof-aer maeq-eu gar tiqghaq-iq maq lavtsoeq-a.

Lormav 10:14

Aerkhawf, aqyawfmaf, aqyawf-anr maqjan nar-aq, aqyawf-anr aqjox-aer kurnya-eu? Aqyawf-euq garkawv maq gaqhaw-euq nar-aq, aqyawf-anr aqjox-aer jannya-eu? Dawqmaeq maeq-eu tsawrhaq maqjawr nar-aq, aqjox-aer gaqnya-eu?

Lormav 10:17

Khoermirnae, jan-eu jeq-aq, yagaq-euq mirnae jan-eu mae. Yagaq-euq khoer-aq, Miqyaer-euq dawq yagaq-euq mae.

Lormav 15:3

Aqjeq mirnae aernar-aq, Kali khawf yawqha nuikhanr shirni maqmr-aq. Yaerbof-euq lafkhoer boftaq-euq lof-aer, “Aqcawq, nawq-anr yaeqbawq-aer aer-euq, Dawq khoerdeuq dawqtawvluf, ngaq-anr gadavle taq-euq mae.” (Jc 69:9)

2 Tiˆmoˇseˬ 4:2

Yaerdawq yawmuiq-aer maeq-awq! Aryamq za ngae khawf, maqza ngae khawf maeq-eu laer laeqhmq taq-awq. Mrlaeq-euq deuq-anr toeqmaeq-awr, yawkhav khav-aer maeqpar tsovpar naeq-awq. Yawqjeq navluf-euq lafkhoer nuinoeq ghawqmanrni noeq-awr maeq-eu uqtaf, ghaq khawf bif-awq.

HeˬByehˇ 4:16

Khoermirnae, aqdui nuima khaqduqni, guiqlanq yawdzanr-euq nuirmanq-euq maeqshi urler kar-eur. Khoergar, aqdui mawf ngae yamq-anr cawba’naeq nya-eu, ghawqshaq gaq-eu jeq za-awr, guiqlanq yawdzanr-anr ya’mawr taef-a.