Luˇkaꞈ 9:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Yeqsur, ghaqkhaer 12 ghaq-anr kuruiq-awr, naef dawqtawv luf-anr ghaqlerni hawr-eu nargawr kharngeur-eu jeq-anr lavtaqnaeq nya’ni, aqyawf maf-anr baoq hawr-eu aryaq bif-euq mae.

Akha

¹ Zaˬ lahˇ tseˇ nyiꞈ gʼaˬ-ahˇ Yeˬsuˇ kuˇ uiˬ-awˇ, nehꞈ teh doˆ nya-eu baoˬ hawˇ-eu naˇ gawˇ laˆ taˬ nya-eu baoˬ biꞈ nehˬ-euˬ meh.

Luˇkaꞈ 9:1 ပူးပေါင်းရင်းမြစ်များ

Maꞈtehˬ 16:19

Ngar, nawq-anr mqtav mirkhanq-euq mawqtawfdur bif ma. Mirtsaq-euq khoertav nawq nae khar paftawf-euq jeq, mq-euq khoertav khawf paftawf taef-a. Mirtsaq-euq khoertav nawq nae khar puirpyaeq-euq jeq, mq-euq khoertav khawf puirpyaeq taef-a.”

Maꞈtehˬ 4:24

Aqyawf-euq garkawv Surliv mirkhanq-anr keuvni gaqdoe-ir-euq mae. Khoerngae, nargawr ghawqmya jeq nar-eu tsawrhaq, nargawr yawkhav-aer ya daqluf-eu tsawrhaq, naef ur-eu tsawrhaq, mawrbawq seu-eu tsawrhaq hawr-eu kuirshir lafshir shir-eu tsawrhaq dawqtawv luf-anr, aqcawq, Yeqsur jawr-eu gar sheuqlaf-awr, Yeqsur, aqyawf maf-anr lavtaq naeq-euq mae.

Maꞈtehˬ 8:9

Aqjeq mirnae aernar-aq, ngar, aqcawq-euq aryaq-euq lafov jawr-awr, ngaq-euq lafov khawf guirzaq deuq jawr-eu ma. Heughaq-anr ‘Ir-awq’ laer aer ngae, aqyawf ir-awr, khoerghaq-anr ‘Lar-awq’ laer kur nar-aq, aqyawf lar-eu mae. ‘Nawr heujeq mr-awq’ laer ngaq-euq kuirlaf zaqkhav-anr aernaeq ngae, aqyawf mr-eu mae.”

Luˇkaꞈ 10:1

Khoernar-aq, Sanqpaq Yeqsur, zaqlanr nuideuq 70 ghaq-anr tsaqtsov-awr, aqyawf kharir-eu laer ghae-eu meuqdeuq pudeuq-anr, tiqpaw nyiq ghaq nyiq ghaq-aer aqyawf-euq maeqhu bi’ir-euq mae.

Luˇkaꞈ 10:19

Ngar, nawmaf-anr arlawr hawr-eu boeqkaqlaqma-anr nawqtaeq nya-awr, nawmaf-anr muir-eu deuq-euq baoq dawqtawv luf-anr ghaqler nya’ni, aryaq bif-euq ma. Nawmaf-anr lavtanq lavnar nya-eu tiqjeq-iq maqjav-ar.

Yoˇhaˬ 14:12

“Ngar, nawmaf-anr aqdirma-aer aernaeq nyar, ngaq-anr jan-eu tsawrhaq-aq, ngaq nae mr-euq gardeuq mr taef-a. Ngar, ngaqDa jawr-eu gar ghofler-eu mirnae, aqyawf heunav maqtser huiq-eu gardeuq mr taef-a.

Gʼaˬkʼehˇ 1:8

Aerkhawf, Yawshawr Saflar, nawmaf-euq khoertav zafkale ngae, nawmaf baoq za taef-a. Khoernar-aq, nawmaf, Yeqlursaqlaeq hawr-eu Yurdav mirkhanq-euq lafkhoer, Saqmaqliv mirkhanq doeni hawr-eu mqdzer mirdzer-anr keuvni, ngaq-euq garkawv sarkir kamq-eu tsawrhaq pyeuflar taef-a.”

Gʼaˬkʼehˇ 3:16

Nawmaf mawr-awr siqnya-eu tsawrhaq heughaq, ghaq anrlar-euq-aq, aqyawf, Yeqsur-euq tsawrmyanr-anr jan-eu mirnae, Yeqsur-euq tsawrmyanr baqda’nae, aqyawf-anr ghaq anrlar-euq mae. Aqyawf-anr nae dovle-euq Yeqsur-anr jan-eu jeq-euq baqda’nae, aqyawf, nawmaf dawqtawv luf-euq maeqshi tiqbyan tiqlof muiqlar jir-euq mae.

Gʼaˬkʼehˇ 4:30

Nawq-euq aqlaf cawqja lef-awr nargawr lavtaq naeq-eu uqtaf, nawq-euq shawr-eu ghaqzaq ghaqkhaer Yeqsur-euq tsawrmyanr-anr ghoe-awr, bisiq bimawr-eu jeq hawr-eu zanqler paq-aer ghae-eu jeq mr-awq.”

Gʼaˬkʼehˇ 9:34

Beqtuvluv, aqyawf-anr aernaeq-eu, “Aerneq-or! Yeqsur Kali, nawq-anr lavtaq luf-eu mae. Tur-awr nawq-euq yufzar lavluiv-awq.” Khoerngae, tiqpov taef-aer aqyawf turlar-euq mae.