Luˇkaꞈ 8:47 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁷ Maqpar jawrzaf nya-eu ngar-a laer zaqmiq aqbur khoerghaq-anr siqler ngae, yawdzuq gan’gan-aer lar-awr Yeqsur-euq aqkuir-euq dawqpae awbyav-awr, aqjeq mirnae Yeqsur-anr toeqciv-euq hawr-eu, tiqpov taef-aer aqjox-aer taqler-euq garkawv, tsawrhaq dawqtawv luf-euq maeqshi Yeqsur-anr aernaeq-euq mae.

Akha

⁴⁷ Gaˇ kawˆ kʼoeˇ maˬ paˇ zaꞈ taˬ nya ngaˇ lehˇ zaˬ miˬ zaˬ kʼoeˇ gʼaˬ-ahˇ siˬ duˬ leˇ ngeh, yaw dzuˬ dzuˬ-eu laꞈ kʼoeˇ laˇ-awˇ, Yeˬsuˇ-euˬ aˬ kuiˇ dawˬ peh awˆ byaˆ-euˬ meh. Kʼoeˇ naˇ, aˬ jeˬ miˇ neh Yeˬsuˇ-ahˇ aˬ yawꞈ toeˬ ciˆ-euˬ gaˇ kawˆ hawˇ-eu, aˬ yawꞈ-euˬ naˇ gawˇ tiˬ poˆ tehꞈ-ehˇ taˬ leˇ-euˬ gaˇ kawˆ, tsawˇ haˬ kʼoeˇ myaˆ ni gʼeh-eu mehˬ shi ehˇ doˆ-euˬ meh.

Luˇkaꞈ 8:47 ပူးပေါင်းရင်းမြစ်များ

Jaceuq 2:11

Guv-eu lafkhoer Ya’we Miqyaer-euq gar mr-awr, Yawdzuq gan’gan-aer laqkhaq caer-awq.

Jaceuq 38:9

Sanqpaq Miqyaer-or! Ngar geufmawf-eu jeq, nawq-euq maeqshi javluf-eu mae. Ngar yawkhav-aer manrluf-eu heu-aq, Nawq-anr nae zaftaq-euq jeq maqngeur-a.

Jaceuq 66:16

Miqyaer-anr guv-eu nawmaf dawqtawvluf lar-awr narhaq lar-awq. Ngar, nawmaf-anr aqyawf nae ngaq-euq nuima saflar-euq gharduq, Mrnaeq laf-euq jeq dzawrnaeq nyar.

Maꞈtehˬ 28:8

Khoerngae, aqyawfnyaf guv khawf guv, laqkhaq khawf caer duidui-eu lafkhoer, aqyawf-euq zaqlanr deuq-anr dzawrnaeq ler-eu laer lmqbymr-anr nae yawkawr-aer caevghof lef-euq mae.

Maˬkuˆ 5:33

Zaqmiq aqbur khoerghaq, aqyawf-anr aqjox-aer pyeuflar-euq gar siqnya-eu mirnae, guv-awr yawdzuq dzuqluf-eu mae. Khoernar-aq, aqyawf oe-awr, Yeqsur-euq maeqshi awbyav-awr nae garkawv dawqtawvluf, aqyawf-anr dawrcoeni aernaeq-euq mae.

Luˇkaꞈ 8:46

Khoerngae, Yeqsur aer-eu, “Ngaq-anr tiq ghaq toeqciv-euq mir-a. Aqjeq mirnae aernar-aq, ngaq-euq lafkhoer nae baoq dov-ir-euq gar ngar siqnya ma.”

Luˇkaꞈ 8:48

Khoerngae, Yeqsur, aqyawf-anr aernaeq-eu, “Zaqmiq-or! Laqkhaq caer-awq. Nawq-euq jan-eu jeq nae, nawq-anr bi taqler-euq mae. Nuima sarlaevni ghof-ir-awq.”

Gʼaˬkʼehˇ 16:29

Khoerngae, kuv-euq aqyuif ghaq miqdzaq bi keuqlef-awr, caevur ghae-awr, yawdzuq gan’gan-aer, Pawrluv hawr-eu Siqlav-euq maeqshi gabyav ghae-euq mae.

1 Gawˇliˬtu 2:3

Ngar, nawmaf naeq-aer jawr ngae, ghaq tiqpawf-iq maqanr-aer, guv duidui-eu lafkhoer yawdzuq gan’gan-aer jawr-euq ma.

2 Gawˇliˬtu 7:15

Nawmaf dawqtawvluf, aqyawf-euq dawq narhaq geuf-awr, guv-eu lafkhoer yawdzuq gan’gan-aer aqyawf-anr ha-euq gar, aqyawf noeqdovlar ngae, aqyawf, nawmaf-anr ghoerdzaeqlar luf-eu mae.

Piˇliˇpiˆ 2:12

Khoermirnae, ngar zawr gaq-eu cawqdeuq-or! Ngar, nawmaf naeq-aer jawr ngae, nawmaf aqmyanluf ngaq-euq dawq narhaq geuf-euq lof-aer, khoernav maqtser, nymq-mr ngar, nawmaf naeq-aer maqjawr ngae khawf ngaq-euq dawq narhaq geuf-awq. Nawmaf, yawqha-euq kakhof-eu jeq za’nya paq-aer, guv-awr yawdzuq dzuq-eu lafkhoer laejae duidui-awq.

HeˬByehˇ 12:28

Aqdui maq gheunyae nya-eu uvlanr-eu jeq zataq-euq mirnae, Miqyaer-euq guiqlanq yawdzanr-anr hageuf-awr, yawzeu baw-awr guv-eu lafkhoer, Miqyaer nuima tsaq-eu lof-aer aqyawf-euq gar mr kar-eur.