Luˇkaꞈ 8:44 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁴ Aqyawf, Yeqsur-euq narkhan paw lar-awr, Yeqsur-euq paerkhanq paerdanq-anr toeqciv ngae, shiq dov-eu khoer tiqpov taef-aer tsirler-euq mae.

Akha

⁴⁴ Aˬ yawꞈ Yeˬsuˇ-euˬ mehˬ nah miˇ ni caw teh leˇ-awˇ, Yeˬsuˇ-euˬ pehˇ kʼahˬ pehˇ dahˬ-ahˇ toeˬ ciˆ ngeh, aˬ yawꞈ shiˬ doˆ-eu tiˬ poˆ tehꞈ-ehˇ tsiˇ leˇ-euˬ meh.

Luˇkaꞈ 8:44 ပူးပေါင်းရင်းမြစ်များ

Maꞈtehˬ 20:34

Yeqsur ghawqshaq gaq-awr, aqyawf nyaf-euq myavnuiv-anr toeqciv ngae, aqyawf nyaf-euq myavnuiv tiqpov taef-aer mawrnya lar-awr, Yeqsur-euq maeqnan cantae ghae-euq mae.

Maꞈtehˬ 8:3

Yeqsur, aqlaf cawqja-awr, khoerghaq-anr toeqciv-awr aer-eu, “Ngar janrmawf mir-a. Nawr shawrlar-awq.” Khoerngae, tiqpov taef-aer khoerghaq-euq coiqdoi nargawr shawrlar-euq mae.

Maꞈtehˬ 9:20

Khoerngae, 12 khof byanni shiq dovdov-aer narluf-eu zaqmiq aqbur tiq ghaq, Yeqsur-euq narkhan paw lar-awr, Yeqsur-euq paerkhanq paerdanq-anr toeqciv-euq mae.

Maˬkuˆ 6:56

Yeqsur khar irkeuv-euq pudeuq-anr, meuqdeuq-anr, yarkhanq yarlawq deuq-anr, aqcawq uiqlar duq-anr, nar-awr gawr-eu tsawrhaq-anr baftaq lar-awr, nar-awr gawr-eu heudeuq, nawq-euq paerkhanq paerdanq-anr taef-aer khawf bi toeqciv-awq laer Yeqsur-anr tanqshar-eu mae. Khoernar-aq, aqyawf-anr khar toeqciv-euq tsawrhaq dawqtawvluf taqler-euq mae.

Luˇkaꞈ 13:13

Yeqsur, aqyawf-euq khoertav aqlaf bafdav ngae, tiqpov taef-aer aqyawf-euq dartsuif mrdawrnya lar-awr, Miqyaer-anr ciqhuiq ciqmanr-eu mae.

Luˇkaꞈ 7:38

Yeqsur-euq narkhan paw aqkuir-euq dawqpae yawf-awr ngoerluf-eu mae. Myavbir, Yeqsur-euq aqkuir-anr dzavaq-awr, aqyawf-euq uqduq-euq tsaerkanr nae sivgui naeq-euq mae. Khoernar-aq, Yeqsur-euq aqkuir-anr maeqsaw sawsaw-aer, yawsaw jeq laefnaeq-euq mae.

Luˇkaꞈ 8:43

Khoerngae, 12 khof byanni shiq dovdov-aer narluf-eu zaqmiq aqbur tiq ghaq jawr-eu mae. Aqyawf yawdaef daef-eu gharduq kharjav-eu jeq zmq-awr nargawr lavsav-eu tsawrhaq deuq nae bi lavsav-euq khawf, aqyawf-anr tiqghaq-iq maq lavtaq nya-a.

Luˇkaꞈ 8:45

Khoerngae, Yeqsur narhaq-eu, “Ngaq-anr aqsur ghaq toeqciv-euq la?” Tiqghaq-iq Yeqsur-anr toeqciv-euq ma laer maqaer-a. Khoerngae, Beqtuvluv hawr-eu tiqkawv lof-aer canluf-eu deuq yawqghaq navluf aer-eu, “Sanqpaq-or! Tsawrhaq armaf mafma suftini nawq-anr tanqjeq tanqciv luf-eu maqngeur nga lor? Nawr, ‘Aqsur ghaq, ngaq-anr toeqciv-euq la’ laer narhaq le lor?”

Yoˇhaˬ 5:13

Khoergar tsawrhaq ghawqmya’ni jawr-awr, Yeqsur can’yawq ghae-euq mirnae, taqler-euq khoerghaq, Yeqsur-anr aqsur ghaq la laer maq siqnya-a.

Gʼaˬkʼehˇ 19:12

Khoermirnae, Pawrluv-euq mawrdo-anr nae lafsiv maqngeur nar-aq, tsanrghaq-eu saqpar, nar-awr gawr-eu deuq jawr-eu gar yurghae-awr ghovdavnaeq ngae, nargawr taqler-awr, naef yawjawf deuq khawf dov-ir-eu mae.

Gʼaˬkʼehˇ 5:15

Khoeruqtaf, Beqtuvluv cantsaev ngae, aqyawf-euq arbar narshmr taef-aer khawf, nar-awr gawr-eu tsawrhaq-anr bi barshmrni, aqyawf maf-anr garma-anr bafdov lef-awr, yufzar-anr maqngeur nar-aq, parsiq-anr bi yuftaq-euq mae.