Luˇkaꞈ 8:31 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Naef khoerdeuq, Yeqsur-anr li-eu maqbaw-eu duqkhanq-anr taqbi ir naeqlaf laer shar-eu mae.

Akha

³¹ Nehꞈ kʼoeˇ deuˬ Yeˬsuˇ-ahˇ shaˇ-eu, “Naꞈ dui dui-eu shiˬ buiˇ lah ma -ahˇ taˬ bi uˇ-iˇ nehˬ laꞈ.” lehˇ, nehꞈ kʼoeˇ deuˬ Yeˬsuˇ-ahˇ shaˇ-eu meh.

Luˇkaꞈ 8:31 ပူးပေါင်းရင်းမြစ်များ

Maꞈtehˬ 25:41

“Khoernar-aq, Sanqpaq, arcar paw jawr-eu deuq-anr heulof-aer aernaeq taef-a: ‘Yaqkhaer yaq-eu gar yadaq-eu tsawrhaq deuq-or! Ngar jawr-eu gar nae dov-ir-awr, naef sanqpaq hawr-eu aqyawf-euq ghaqkhaer deuq-euq gharduq laeqhmq taq-euq jawrduq, miv-ir-eu maqbaw-eu miqdzaq-euq lafkhoer ur-ir-awq.

Luˇkaꞈ 8:28

Aqyawf, Yeqsur-anr ya’mawr ngae, Yeqsur-euq maeqshi awbyav-awr, tersar yawkhav-aer gur-eu, “Gor duidui-eu Miqyaer-euq Zaqyo Yeqsur-or! Ngar, nawq naeq-aer aqjeq taf-eu la? Ngaq-anr taq khaeqnaeqlaf laer ngar, nawq-anr shar-eu ma.”

Luˇkaꞈ 8:32

Khoerngae, gawqjawq khoerjawq-anr aqzaf ghawqmya’ni gavdzaq luf-eu mae. Aqzaf-euq lafkhoer biur-ir naeqlaf-awq laer naef, Yeqsur-anr shar-eu mirnae, Yeqsur, aqyawf maf-anr pyaeq-awr biur-ir-euq mae.

Lormav 10:7

Maqngeur nar-aq, “ ‘Li-eu maqbaw-eu duqkhanq-anr aqsur ghaq ur-ir nmr-mq?’ ” (Khoer-aq, Kali-anr shir-eu mirkhanq-anr nae sheuqdov laq-ir-eu gar aermawf-eu mae.)

Panmaeq 11:7

Aqyawfnyaf sarkirkamq ghaq-euq nar-aq, li-eu maqbaw-eu duqkhanq-anr nae dovlar-eu jeqzaq yawghae khoermawr, aqyawf nyaf-anr guirdeuv deuv-awr deuvghaq ngae, aqyawf nyaf-anr saef taef-a.

Panmaeq 17:8

Nawq nae mawr-euq jeqzaq yawghae khoermawr-aq, arhu jawr-euq khawf, nymq-mr maqpar jawr-aer, aqkar li-eu maqbaw-eu duqkhanq-anr nae dovlar-awr, cawv-ir-eu jeq-euq lafkhoer ya’ur-ir-eu mae. Mq hawr-eu mir bae ngae nae, Daef-eu jeq bif-eu sanqbof-euq lafkhoer, tsawrmyanr maq bofanr taq-euq mirtsaq-euq khoertav daef-eu tsawrhaq deuq-aq, jeqzaq yawghae heumawr-anr ya’mawr ngae zanq duidui ler taef-a. Aqjeq mirnae aernar-aq, jeqzaq yawghae heumawr-aq, arhu jawr-euq khawf, nymq-mr maqjawr-aer, aqkar par jawrlar-eu mae.

Panmaeq 19:20

Khoerngae, jeqzaq yawghae khoermawr-anr nyaefmi-awr, Miqyaer gharduq ngaeqdan-eu jaqmyawf khoerghaq-anr khawf, jeqzaq yawghae khoermawr naeq-aer tiqkawv lof-aer nyaefmi-euq mae. Miqyaer gharduq ngaeqdan-eu jaqmyawf khoerghaq-aq, jeqzaq yawghae khoermawr-euq jmq diqtaq-awr, khoermawr-euq mawrkawr-anr uqduq tanq-eu tsawrhaq-anr myawfza shuirza nya’ni, jeqzaq yawghae khoermawr-euq maeqshi bisiq bimawr-eu jeq mrluf-eu khoerghaq mae. Aqyawf nyaf-anr yawdaef-aer, miqdzar dzarshuir dofluf-eu miqdzaq-euq lan-euq lafkhoer bafanr ghae-euq mae.

Panmaeq 9:11

Aqyawf maf-euq sanqpaq-aq, li-eu maqbaw-eu duqkhanq-euq mqtav ghaqkhaer mae. Aqyawf-euq tsawrmyanr-aq, Heqbyaer dawq “Aqbaqdoq” laer kur-awr, Heqlaqsar dawq “Aqpawrliroq” laer kur-eu mae. (Dawqtsuif-aq, “Lavcawv-eu ghaq” laer aermawf-eu mae.)