Luˇkaꞈ 8:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Yeqsur aerkhof naeq-eu, “Miqyaer-euq dawq gaq-awr narhaq geuf-eu tsawrhaq-aq, ngaqma hawr-eu ngaq-euq aqnyir deuq ma.”

Akha

²¹ Yeˬsuˇ aˬ yawꞈ maꞈ-ahˇ ehˇ nehˬ-eu, “Miˬyehˇ dawˬ kawˬ-ahˇ gaˬ-awˇ naˇ haˬ geuꞈ-eu tsawˇ haˬ deuˬ-aˬ, ngaˬ ma hawˇ-eu ngaˬ-euˬ mehˇ nmˇ pyeuꞈ-eu ma.”

Luˇkaꞈ 8:21 ပူးပေါင်းရင်းမြစ်များ

Maꞈtehˬ 17:5

Beqtuvluv, dawq ngaeqluf ngae, yawshaef bya-eu mqdmr tiq tsanq aqyawf maf-anr uvtaeq le-awr, mqdmr-anr nae dawq ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma. Nawmaf, aqyawf-euq dawq narhaq geuf-awq.”

Maꞈtehˬ 25:40

Khoerngae, Sanqpaq khoerghaq, aqyawf maf-anr aerkhof naeq-eu, ‘Ngar, nawmaf-anr aqdirma-aer aernaeq nyar, nawmaf nae ngaq-euq aqyuif aqnyir heudeuq-euq lafkhoer nae nyirdzaeq dzaeq-eu tiq ghaq-anr janrnaeq-euq khoer-aq, ngaq-anr janrnaeq laf-euq mae.’

Maꞈtehˬ 25:45

Khoerngae, sanqpaq, aqyawf maf-anr heulof-aer aerkhofnaeq taef-a, ‘Ngar, nawmaf-anr aqdirma-aer aernaeq nyar, tsawrhaq heudeuq-euq lafkhoer nae nyirdzaeq dzaeq-eu aqgeu ghaq-anr maqkaq, nawmaf maq janrnaeq-euq khoer-aq, ngaq-anr maq janrnaeq-euq gar dur-eu mae.’

Maꞈtehˬ 28:10

Khoerngae, Yeqsur, aqyawf nyaf-anr aernaeq-eu, “Taqguv. Ngaq-euq aqyuif aqnyir deuq-anr Gaqliqlaer mirkhanq-anr le-awq laer aernaeq ler-awq. Khoergar aqyawfmaf, ngaq-anr ya’mawr taef-a.”

Luˇkaꞈ 8:15

Mirtsaq mirmuiq-anr ga-ir-euq deuq-aq, Miqyaer-euq dawq yagaq ngae, dawrcoeni ghae-eu nuima hawr-eu nuima yawmuiq anr-eu lafkhoer, zifdanni nyaeftaeq taq-awr, oror-aer arsiq siqle-eu mae.

Luˇkaꞈ 8:20

Khoerngae, aqcawq, Yeqsur-anr aernaeq ler-euq, “Nawqma hawr-eu nawq-euq aqnyir deuq, nawq-anr mawrmawf nya laer, lafnyir yawfluf-eu mae.”

Yoˇhaˬ 13:17

Nawmaf garkawv heudeuq siqnya-awr mr-ir nar-aq, guiqlanqhuiq taef-a.

Yoˇhaˬ 20:17

Yeqsur, aqyawf-anr heulof-aer aernaeq-euq mae, “Ngaq-anr taq gheutaeq. Aqjeq mirnae aernar-aq, ngar, ngaqDa jawr-eu gar maq ghofdav ler-aq siq. Nawr, ngaq-euq aqyuif aqnyir deuq jawr-eu gar le-awr nae, ‘NgaqDa hawr-eu nawmaf-euq Aqda pyeuf-awr, ngaq-euq Miqyaer hawr-eu nawmaf-euq Miqyaer khawf pyeuf-eu, ngaqDa jawr-eu gar ngar ghofdavler ma’ jer laer aernaeq ler-awq.”

2 Gawˇliˬtu 5:16

Khoermirnae, iqnan taf nar-aq, nga’maf, aqcawq-anr shiqshaq-euq myavnuiv nae maqpar haw ma. Dzeurlaf ngae, shiqshaq-euq myavnuiv nae Kali-anr haw-euq khawf, aqkar nar-aq, khoerlof-aer maqpar haw ma.

2 Gawˇliˬtu 6:18

“Ngar, nawmaf-euq Aqda pyeuf-awr, Nawmaf-aq, ngaq-euq zaqmiq hawr-eu zaqyo pyeuflar taef-a laer, Baoq huiq duidui-eu Sanqpaq Miqyaer aer-eu mae.” (2Sml 7:8,14)

Yaˬkoˆ 1:22

Khoeruqtaf, nawmaf, naqbawr nae narhaq-eu tsawrhaq taef-aer maqpyeufni, Yaerdawq-anr mrcaw-eu tsawrhaq pyeuf-awq. Naqbawr nae narhaq-eu tsawrhaq taef-aer pyeuf nar-aq, yawqhar yawqha jaqmyawf myawf-eu tsawrhaq mae.

1 Yoˇhaˬ 2:29

Kali-aq, tsaq-awr dawr-eu ghaq mae laer nawmaf siqnya nar-aq, tsaq-awr dawr-eu jeq kharmr-eu tsawrhaq yawqghaq navluf, aqyawf-anr nae daefle-euq mae laer nawmaf yasiq taef-a.

3 Yoˇhaˬ 1:11

Ngar zawr gaq-eu cawq-or! Yawdoer jeq-anr taq hawgeuf, taq dzawgeuf, yawmuiq jeq-anr taef-aer hawgeuf dzawgeuf-awq. Yawmuiq jeq mr-eu tsawrhaq-aq, Miqyaer-anr taf-eu tsawrhaq mae. Yawdoer jeq mr-eu tsawrhaq-aq, Miqyaer-anr maq mawrhaw-euq tsawrhaq mae.