Luˇkaꞈ 8:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Khoermirnae, nawmaf aqjox-aer narhaq-eu le laer yanr-awq. Aqjeq mirnae aernar-aq, jav-eu tsawrhaq-anr par biflanq naeq-awr, maqjav-eu tsawrhaq-anr-aq, jav ma laer noeq-euq jeq khawf yurdovjir naeq taef-a.”

Akha

¹⁸ “Naw maꞈ ya gaˬ-euˬ gaˇ kawˆ heu-ahˇ yaw muiˬ paˬ-ehˇ noeˬ gahˇ-awˬ. Aˬ jeˬ miˇ neh ehˇ naˇ, jaˆ-eu tsawˇ haˬ-ahˇ paˇ biꞈ lahˬ nehˬ-awˇ, maˬ jaˆ-eu tsawˇ haˬ-ahˇ-aˬ, yawˬ ha neh jaˆ ma lehˇ kʼaˇ noeˬ taˬ-euˬ dawˬ tawˆ luꞈ yuˇ jiˇ nehˬ tehꞈ-a.”

Luˇkaꞈ 8:18 ပူးပေါင်းရင်းမြစ်များ

Dawqdaq 14:12

Tsawrhaqzaq-euq gharduq, tsaq-eu gar dur-eu garma tiq kanr jav-eu mae. Aerkhawf, arsaqsaq ngae-aq, shir-eu gar saqler-eu garma mae.

Maꞈtehˬ 13:12

Aqsur ghaq maqkaq, jav-eu tsawrhaq-anr par biflanq naeq-awr, aqyawf par javkuf dzaeqlar taef-a. Maqjav-eu tsawrhaq-anr-aq, aqyawf kharjav-eu jeq khawf yurdovjir naeq taef-a.

Maꞈtehˬ 25:29

Aqjeq mirnae aernar-aq, kharjav-eu tsawrhaq-anr par biflanq naeq-awr, aqyawfmaf javkuflar taef-a. Maqjav-eu tsawrhaq-anr-aq, aqyawf kharjav-eu jeq khawf yabi yurdovjir taef-a.

Maˬkuˆ 13:14

“Miqyaer gharduq ngaeqdan-eu Daqyeqlar nae aertaq-euq lof-aer, ‘Nawmaf, lavcawvbyov jir-eu ardzaeq-aer jawf-eu jeq’ jav paq-aer maqghae-eu jawrduq-anr javluf-eu gar ya’mawr ngae,” (Yaerbof heu-anr gui-eu tsawrhaq ghovshaw luf-ur) “Yurdav mirkhanq-anr jawr-eu tsawrhaq deuq danrtav caevdav lef-awq.

Luˇkaꞈ 19:26

“ ‘Aqjeq mirnae aernar-aq, ngar, nawmaf-anr aernaeq nyar, jav-eu tsawrhaq yawqghaq navluf-anr par biflanq naeq-awr, maqjav-eu tsawrhaq-anr-aq, aqyawf kharjav-eu jeq khawf yabi yurdovjir taef-a.

Luˇkaꞈ 9:44

“Nawmaf dawq heudeuq-anr naqbawr ciqkhmr-awr juiruiq taq-awq. Aqjeq mirnae aernar-aq, Tsawrhaq-euq Zaqyo, aqcawq-euq aqlaf-euq lafkhoer ya’anr-ir taef-a.”

Yoˇhaˬ 15:2

Aqyawf, ngaq-anr tsoftsaf luf-eu gar nae arsiq maq siqle-eu cirni nizaq dawqtawv luf-anr deuvdzae-eu mae. Arsiq khar siqle-eu cirni nizaq deuq-anr-aq, bi siqdzaeq le-eu laer aqyawf yawmuiq-aer dawnaeq-eu mae.

Gʼaˬkʼehˇ 10:33

Khoermirnae, ngar tiqpov taef-aer nawr jawr-eu gar khaerghae lef-euq ma. Nawr lar-euq-aq zawr muiq-eu mae. Miqyaer nae nawq-anr biftaq-euq yawqdawq navluf-anr narhaq-eu laer, nymq-mr nga’maf, Miqyaer-euq maeqshi uiqlar taq-euq ma.”

Gʼaˬkʼehˇ 17:11

Khoergar jawr-eu tsawrhaq deuq-aq, Tersaqlorni meuq-anr jawr-eu tsawrhaq deuq navmaqtser sharnoeq nya-awr, aqyawfmaf laeqhmqdan taq-euq lafkhoer, Miqyaer-euq dawq-anr hageuf-eu mae. Garkawv khoerdeuq tsaq nga laq maqtsaq nga laq laer yasiqni, yawqnan navluf Yaerbof-anr povtserhaw luf-eu mae.

Lormav 12:3

Ngaq-anr bifnaeq laf-euq guiqlanq yawdzanr baqda’nae, nawmaf-euq lafkhoer jawr-eu yawqghaq navluf-anr ngar heulof-aer aernaeq-eu ma. Yawqhar yawqha sharnoeq paq-aer ghae-eu taf-aer taqnoeq huiqdzeur. Aerkhawf, Miqyaer nae tiqghaq sair tiqghaq-anr jan-eu jeq bifnaeq taq-euq gar tsaqni taef-aer, yawmuiq-aer sharnoeq sharsawx-awq.

1 Gawˇliˬtu 14:37

Tsawrhaq tiqghaqnav, yawqha-aq, Miqyaer gharduq ngaeqdan-eu, maqngeur nar-aq, saflar paw-euq tsawrhaq ma laer noeq nar-aq, ngaq nae nawmaf-anr bofanr laf-euq jeq-aq, Sanqpaq Miqyaer nae bif-euq dawq ngar-a laer siqnya-eu tsaq mae.

1 Gawˇliˬtu 3:18

Tsawrhaq tiqghaq-iq, yawqhar yawqha jaqmyawf taqmyawf. Nawmaf-euq lafkhoer tiqghaqnav mirtsaq-euq tsawrganr anr-eu ma laer noeq nar-aq, tsawrganr anrlarni aqdzawq argan geuf-awq.

1 Gawˇliˬtu 8:2

Tsawrhaq tiq ghaq, yawqha tiqjeqpaq siqnya ma laer noeq nar-aq, aqyawf siqnya paq-aer ghae-eu jeq, tiqjeq-iq maq siqnya-a siq.

Piˇliˇpiˆ 3:4

Aqdir aernar-aq, ngar shiqshaq-anr yawduqbaw nya-eu ma. Aerkhawf, tiqghaqnav, yawqha shiqshaq-anr yawduqbaw ma laer noeq nar-aq, ngar, aqyawf-euq navmaqtser yawduqbaw ma.

HeˬByehˇ 2:1

Khoermirnae, aqdui yawqpawyawq maqya jivdovghae paq-aer, aqdui nae yagaq taq-euq dawq-anr yawmuiq-aer narhaq-eu tsaq mae.