Luˇkaꞈ 7:47 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁷ Khoermirnae, ngar, nawq-anr aernaeq nyar, Aqyawf-euq iqbax ghawqmya’ni bi pyaeqnaeq-euq mirnae, aqyawf-euq gaq-eu jeq khawf myaq-eu mae. Aerkhawf, iqbax uicuiv taef-aer bi pyaeqnaeq-euq tsawrhaq-aq, aqyawf-euq gaq-eu jeq khawf yawcuiv mae.”

Akha

⁴⁷ Ngaˇ nawˬ-ahˇ ehˇ nehˬ nyaˇ. Aˬ yawꞈ neh mehˬ nehˬ laꞈ-euˬ gʼoeˇ-eu gaˬ-eu heu-aˬ, myaˬ dui dui-eu aˬ yawꞈ-euˬ iˬ baˇ buˬ-iˇ-euˬ saˇ kiˇ pyeuꞈ-eu meh. Ehˇ kʼawꞈ, iˬ baˇ ui cuiˆ tehꞈ-ehˇ ahˇ-awˇ, iˬ baˇ pyehˬ nehˬ-eu jeˬ-ahˇ za-euˬ tsawˇ haˬ-aˬ, gʼoeˇ-eu gaˬ-eu jeˬ ui cuiˆ tehꞈ-ehˇ ahˇ tehꞈ-a.”

Luˇkaꞈ 7:47 ပူးပေါင်းရင်းမြစ်များ

Maꞈtehˬ 10:37

“Ngaq-anr gaq-eu navmaqtser, aqma aqda-anr gaq-eu tsawrhaq-aq, ngaq-anr maqgeux-a. Ngaq-anr gaq-eu navmaqtser, zaq-anr gaq-eu tsawrhaq-aq, ngaq-anr maqgeux-a.

Luˇkaꞈ 7:39

Khoerngae, Yeqsur-anr kur-euq Paqliqsaer khoerghaq khoer-anr ya’mawr ngae, nuima-euq lafkhoer noeq-eu, “Tsawrhaq heughaq, Miqyaer gharduq ngaeqdan-eu tsawrhaq ngeur-eu law nar-aq, aqyawf-anr toeqciv luf-eu aqsur ghaq la? Aqjox-aer ghae-eu zaqmiq aqbur tiq ghaq la laer khawf siqnya taef-a. Teughaq-aq, iqbaxzaq tiq ghaq beu nae.”

Luˇkaꞈ 7:46

Nawr, ngaq-euq uqduq-anr tsir maq laefnaeq laf-aq. Aerkhawf, zaqmiq aqbur heughaq-aq, ngaq-euq aqkuir-anr tsir yawsaw laef naeqlaf-euq mae.

Luˇkaꞈ 7:48

Khoernar-aq, zaqmiq aqbur khoerghaq-anr aernaeq-eu, “Nawq-euq iqbax pyaeqnaeq ghaq-euq ma.”

Gʼaˬkʼehˇ 5:31

Uvlanr-eu ghaq hawr-eu Kakhof-eu ghaq pyeuf-awr, Irsaqleqlav-anr noeqpov noeqpar-eu jeq hawr-eu, iqbax pyaeq-eu jeq bif-eu gharduq, Miqyaer, aqyawf-anr aqyawf-euq armar paw ciqgor naeq-euq mae.

Lormav 5:20

Zanrdawq javle-awr mrbanq lavlaeq-eu jeq myaqlar-euq mae. Aerkhawf, iqbax myaq-eu jawrduq-anr-aq, Miqyaer-euq guiqlanq yawdzanr par myaqdzaeq lar-eu mae.

2 Gawˇliˬtu 5:14

Kali-euq gaq-eu jeq nga’maf-anr katir luf-eu mae. Tsawrhaq tiq ghaq, tsawrhaq dawqtawv luf-euq gharduq shirdan-euq mirnae, tsawrhaq dawqtawvluf shir-euq mae laer nga’maf noeqduq taq-euq ma.

Gaˬlaˬtiˆ 5:6

Aqjeq mirnae aernar-aq, Yeqsur Kali-euq lafkhoer jawr-eu tsawrhaq deuq, bawkhov maeqdzaq yaeq-eu hawr-eu maqyaeq-eu-aq, tiqjeq-iq gardanr maqtsoeq-a. Aerkhawf, gaq-eu lafkhoer mrdov shardov laf-eu jan-eu jeq taef-aer gardanr tsoeq-eu mae.

Eˇpeˇsu 6:24

Aqdui-euq Sanqpaq Yeqsur Kali-anr maqbyov-ir ni gaq-eu tsawrhaq yawqghaq navluf-euq khoertav, guiqlanq yawdzanr jav luf-ur. Aqmeq.

Piˇliˇpiˆ 1:9

Ngar heulof-aer guiqlanq sharluf-eu ma: nawmaf siqnya-eu tsawrganr hawr-eu yawqjeq navluf tserpav birpav nya-eu lafkhoer, nawmaf-euq gaq-eu jeq tiqjawr sair tiqjawr myaqlar-awr,

1 Tiˆmoˇseˬ 1:14

Aqdui-euq Sanqpaq Miqyaer-euq guiqlanq yawdzanr myaqgar maq aerjircoer nya. Yeqsur Kali-euq lafkhoer anr-eu jan-eu jeq hawr-eu gaq-eu jeq ngaq-anr bifnaeq laf-euq mae.

1 Yoˇhaˬ 1:7

Miqyaer, yawshaef-euq lafkhoer jawr-eu lof-aer, aqdui khawf yawshaef-euq lafkhoer daef nar-aq, aqdui tiqghaq tirghaq cawq cawqtaf taef-a. Khoeruqtaf, aqyawf-euq Zaqyo, Yeqsur Kali-euq shiq, aqdui-euq iqbax dawqtawv luf-anr tsiqshawr naeqlaf-eu mae.

1 Yoˇhaˬ 3:18

Ngar gaq-eu zaqdeuq-or! Aqdui tiqghaq tirghaq gaq-eu jeq, dawq hawr-eu maeqlar nae taef-aer taqgaq. Aerkhawf, yawtsaq yawdawr-euq lafkhoer gaq-awr mrdov shardov laf-awq.

1 Yoˇhaˬ 4:19

Miqyaer, aqdui-anr jeqhu gaq-euq mirnae, aqdui, aqyawf-anr gaq-eu ma.

1 Yoˇhaˬ 5:3

Miqyaer-anr gaq-eu laer aer-eu-aq, aqdui, Miqyaer nae biftaq-euq dawq-anr narhaq geuf-eu gar aer-eu mae. Aqyawf nae biftaq-euq dawq-aq, aqdui-euq gharduq kan-eu khavbaev maqngeur-a.