Luˇkaꞈ 7:39 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Khoerngae, Yeqsur-anr kur-euq Paqliqsaer khoerghaq khoer-anr ya’mawr ngae, nuima-euq lafkhoer noeq-eu, “Tsawrhaq heughaq, Miqyaer gharduq ngaeqdan-eu tsawrhaq ngeur-eu law nar-aq, aqyawf-anr toeqciv luf-eu aqsur ghaq la? Aqjox-aer ghae-eu zaqmiq aqbur tiq ghaq la laer khawf siqnya taef-a. Teughaq-aq, iqbaxzaq tiq ghaq beu nae.”

Akha

³⁹ Paˬliˬsehˇ kʼoeˇ gʼaˬ kʼoeˇ gaˇ ya mawˇ ngeh, nui ma laꞈ kʼoeˇ ciˬ cuˇ ni heu loꞈ-ehˇ ehˇ kʼoeˬ-euˬ meh. “Tsawˇ haˬ heu gʼaˬ aˬ diˇ aˬ maˇ Miˬyehˇ gʼaˇ duˬ ngehˬ dah-eu tsawˇ haˬ ngeuˇ naˇ, aˬ yawꞈ-ahˇ toeˬ ciˆ luꞈ-eu zaˬ miˬ zaˬ teu gʼaˬ aˬ joˆ-ehˇ gʼeh-eu tsawˇ haˬ pyeuꞈ-eu aˬ yawꞈ si nya tehꞈ-a. Zaˬ miˬ zaˬ teu gʼaˬ iˬ baˇ zaˬ meh lehˇ aˬ yawꞈ siˬ nya tehꞈ-a.”

Luˇkaꞈ 7:39 ပူးပေါင်းရင်းမြစ်များ

Dawqdaq 23:7

Aqjeq mirnae aernar-aq, Tsawrhaqzaq-aq, yawqha-euq nuima-euq lafkhoer noeq-eu lof-aer pyeuf-eu mae. Aqyawf, nawq-anr, “Dzaq-awr dawr-awq!” laer aer-eu khawf, Aqyawf-euq nuima-aq, nawq naeq-aer maqjav-a.

Maꞈtehˬ 20:16

Khoerlof-aer durni, aqcawq-euq maeqnan jawr-eu tsawrhaq-aq, aqcawq-euq maeqhu yajawr taef-a. Aqcawq-euq maeqhu jawr-eu tsawrhaq-aq, aqcawq-euq maeqnan yajawr-ir taef-a. Aqjeq mirnae aernar-aq, bikur-euq tsawrhaq yawmyaq khawf, tserdov-euq tsawrhaq-aq, yawcuiv mae.”

Maꞈtehˬ 21:11

Khoerngae, tsawrhaq armaf mafma deuq aerkhof naeq-eu, “Teughaq-aq, Gaqliqlaer mirkhanq, Naqzaqlaer-anr jawr-eu Miqyaer gharduq ngaeqdan-eu Yeqsur mae.”

Maˬkuˆ 7:21

Aqjeq mirnae aernar-aq, tsawrhaq-euq nuima-euq lafkhoer nae heudeuq dovlar-eu mae, Nuinoeq yawdoer, banq-awr joe-eu, banq-awr muv-eu, tsawrhaq-anr saef-eu,

Luˇkaꞈ 12:17

Aqyawf sharnoeq-awr yawqhar yawqha aer-eu, ‘Ngaq-euq caer pi’anr khar maqza-eu mirnae, ngar aqjox-aer janr-eu paq nga?’

Luˇkaꞈ 15:2

Khoerngae, Paqliqsaer deuq hawr-eu zanr maeq-eu deuq tor-eu, “Tsawrhaq heughaq-aq, iqbaxzaq-anr hageuf-awr, aqyawfmaf naeq-aer tiqkawv lof-aer hawq par dzaqtaf-eu nga siq.”

Luˇkaꞈ 16:3

Khoerngae, myawqganq hawpir-eu ghaq nuima-euq lafkhoer heulof-aer sharnoeq-eu mae, ‘Yawsanr ghaq, ngaq-anr myawqganq hawpir-eu gar heu maqpar bimrni yurdzae naeqlaf-eu mirnae. Ngar aqjox-aer ghae-eu paq nga? Mirtsaq-anr duqduq-aer maq mrdzaqcoer nya. Aqcawq-anr shardzaq shardawr-ir-eu khawf shafdawr mir-a nawq.

Luˇkaꞈ 18:4

Yarkhaq dar-eu heughaq maq darnaeqni tiqkhaeq jawr-euq mae. Khoernar-aq, aqyawf-euq nuima-euq lafkhoer heulof-aer noeq-eu mae, ‘Ngar-aq, Miqyaer-anr maqguv-aer, tsawrhaq-anr yawzeu maqbaw-eu khawf,

Luˇkaꞈ 3:8

Nawmaf noeqpov noeqpar-euq gar geux-eu arsiq bi siqle-awq. ‘Aqbyaqhaq-aq, nga’maf-euq aqda yawdzanr ma’ laer nawmaf-euq nuima-euq lafkhoer taqnoeq. Ngar, nawmaf-anr aernaeq nyar, Miqyaer-aq, khaqlo heudeuq-anr Aqbyaqhaq-euq oeqpaq oeqma bi pyeuflar nya-eu mae.

Luˇkaꞈ 7:16

Tsawrhaq dawqtawvluf zanq duidui ler-awr, Miqyaer-anr ciqhuiq ciqmanr-eu lafkhoer aer-eu, “Aqdui-euq lafkhoer, Miqyaer gharduq ngaeqdan-eu yawhuiq ghaq dovlar-euq ngar-a.” Khoeruqtaf, “Miqyaer, aqyawf-euq tsawrhaq-anr hawle-euq ngar-a” laer khawf aer-eu mae.

Luˇkaꞈ 7:37

Meuq khoermeuq-euq lafkhoer zaqmiq aqbur tiq ghaq jawr-eu mae. Aqyawf-aq, iqbaxzaq tiq ghaq mae. Yeqsur, Paqliqsaer-euq irkanr hawq dzaqluf-eu mae laer yasiq ngae, tsir yawsaw danq-eu martsaf tsafpyur ciqlaf-awr,

Luˇkaꞈ 7:38

Yeqsur-euq narkhan paw aqkuir-euq dawqpae yawf-awr ngoerluf-eu mae. Myavbir, Yeqsur-euq aqkuir-anr dzavaq-awr, aqyawf-euq uqduq-euq tsaerkanr nae sivgui naeq-euq mae. Khoernar-aq, Yeqsur-euq aqkuir-anr maeqsaw sawsaw-aer, yawsaw jeq laefnaeq-euq mae.

Luˇkaꞈ 7:40

Khoerngae, Yeqsur, aqyawf-anr aernaeq-eu, “Sirmoq-or! Ngar, nawq-anr tiq dawq aernaeqmawf nya.” Sirmoq aer-eu, “Saqlaq-or! Aer-awq.”

Yoˇhaˬ 4:19

Khoerngae, zaqmiq aqbur khoerghaq, aqyawf-anr heulof-aer aernaeq-euq mae: “Saqlaq-or! Nawr-aq, Miqyaer gharduq ngaeqdan-eu tiq ghaq nga laer ngar hawdov-euq ma.

Yoˇhaˬ 7:12

Tsawrhaq armaf deuq-euq yawkaq, aqyawf-euq garkawv lawflawf-aer jaluf-eu mae. Tiqpavnav deuq aer-eu, “Aqyawf-aq, yawmuiq mae.” Yawqdeuqyawq aer-eu, “Maqngeur-a, aqyawf-aq, tsawrhaq-anr sheuqbanq-eu tsawrhaq mae.”

Yoˇhaˬ 9:24

Khoernar-aq, aqyawfmaf, myavbaef baefhaw-euq khoerghaq-anr parkur-awr aqyawf-anr aernaeq-eu, “Yawshaef khanqsaer Miqyaer-anr damq-awq, tsawrhaq khoerghaq-aq, iqbaxzaq mae laer nga’maf siqnya ma.”