Luˇkaꞈ 7:34 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Tsawrhaq-euq Zaqyo oe ngae, dzaq khawf dzaq, dawr khawf dawr-eu mirnae, ‘Tsawrhaq heughaq-aq, ardzaeq-aer dzaqdzeur dawrdzeur-eu tsawrhaq pyeuf-eu uqtaf, jeq taf-eu tsawrhaq hawr-eu iqbaxzaq-euq cawq nga’ laer nawmaf aer-eu mae.

Akha

³⁴ Tsawˇ haˬ-euˬ zaˬ maˇ oe ngeh jawˇ, dzaˬ-eu jeˬ dzaˬ-awˇ, aˬ gaꞈ dzaˇ uiˇ gʼeh dawˇ-eu miˇneh, naw maꞈ heu loꞈ-ehˇ ehˇ-eu meh. ‘Tsawˇ haˬ heu gʼaˬ-ahˇ haw sheˇ. Baw tsoꞈ loꞈ-ehˇ dzaˬ-awˇ dawˇ-awˇ, kawˬ taꞈ-eu tsawˇ haˬ deuˬ hawˇ-eu iˬ baˇ zaˬ lehˇ sawˇ dzeh taˬ-euˬ deuˬ nehˬ-ehˇ cawˬ cawˬ taꞈ-eu nga.’

Luˇkaꞈ 7:34 ပူးပေါင်းရင်းမြစ်များ

Maꞈtehˬ 11:19

Tsawrhaq-euq Zaqyo oe ngae, dzaq khawf dzaq, dawr khawf dawr-eu mirnae, aqcawq, ‘Tsawrhaq heughaq-aq, jiryaef maqbeur-eu dzaqma dawrma pyeuf-eu uqtaf, jeq taf-eu tsawrhaq hawr-eu iqbaxzaq-euq cawq nga’ laer aer-eu mae. Aerkhawf, zaqsiq tsawrganr-aq, tsaq-awr dawr-eu nga laer aqyawf-euq zaqdeuq mrdov shardov laf-eu gar nae siqlar-eu mae.”

Maꞈtehˬ 5:46

Nawmaf, nawmaf-anr gaq-eu tsawrhaq-anr taef-aer gaq nar-aq, aqjeq-euq mrpoeq lafsawq za-eu? Jeq taf-eu tsawrhaq khawf khoerlof-aer janrluf-eu maqngeur-a lor?

Maꞈtehˬ 9:11

Paqliqsaer deuq khoer-anr ya’mawr ngae, Yeqsur-euq zaqlanr-anr aernaeq-eu, “Aqjeq mirnae nawmaf-euq saqlaq, jeq taf-eu tsawrhaq hawr-eu iqbaxzaq naeq-aer hawqjawq jawqtaf luf-eu la?”

Luˇkaꞈ 11:37

Yeqsur khoerlof-aer aerluf ngae, Paqliqsaer tiq ghaq, Yeqsur-anr kur-awr aqyawf naeq-aer hawq bi dzaqtaf le-euq mae. Khoermirnae, Yeqsur urler-awr hawqdzaq dzaq-eu laer nuirluf-eu mae.

Luˇkaꞈ 14:1

Landaw jawrnan ngae nan heulof-aer pyeuflar-euq mae. Paqliqsaer armur-euq lafkhoer aqyuif geuf-eu tiq ghaq-euq irkanr, Yeqsur urler-awr hawq dzaqluf ngae, aqyawfmaf, Yeqsur-anr khoeqsho hawluf-eu mae.

Luˇkaꞈ 15:2

Khoerngae, Paqliqsaer deuq hawr-eu zanr maeq-eu deuq tor-eu, “Tsawrhaq heughaq-aq, iqbaxzaq-anr hageuf-awr, aqyawfmaf naeq-aer tiqkawv lof-aer hawq par dzaqtaf-eu nga siq.”

Luˇkaꞈ 19:7

Tsawrhaq dawqtawvluf khoer-anr ya’mawr ngae jabu jadoer-awr aer-eu, “Aqyawf, iqbaxzaq-euq daqyan geuf-ir-eu nga.”

Luˇkaꞈ 5:29

Leqbir, aqyawf-euq nymr-euq lafkhoer Yeqsur-euq gharduq hawqbyawr byawrma tiq byawr lawr-euq mae. Jeq taf-eu tsawrhaq hawr-eu nuideuq ghawqmya’ni aqyawfmaf naeq-aer jawqluf-eu mae.

Luˇkaꞈ 7:33

Bartirsaq mrnaeq-eu Yorhaq oe ngae, kaqmur maqdzaq, aqgaf dzaruir maqdawr-eu mirnae, nawmaf, ‘Aqyawf-aq, naef ur-eu tsawrhaq nga’ laer nawmaf aer-eu mae.

Luˇkaꞈ 7:35

Aerkhawf, zaqsiq tsawrganr-aq, dawr-awr tsaq-eu ngar-a laer, aqyawf-euq zaq dawqtawvluf mrdov laf-eu gar nae siqlar taef-a.”

Luˇkaꞈ 7:36

Paqliqsaer tiq ghaq, Yeqsur-anr kur-awr aqyawf naeq-aer hawq bi dzaqtaf le-euq mae. Khoermirnae, Yeqsur, Paqliqsaer khoerghaq-euq irkanr ir-awr hawqjawq jawqluf-eu mae.

Yoˇhaˬ 12:2

Khoergar, aqcawq, Yeqsur-euq gharduq hawqbyawr lavdawv naeq-euq mae. Maqta-aq, aqjax mr-awr, Laqzaqlur-aq, Yeqsur naeq-aer hawqjawq jawqluf-eu deuq-euq lafkhoer keuq-eu mae.

Yoˇhaˬ 2:2

Yeqsur hawr-eu aqyawf-euq zaqlanr deuq-anr khawf oermr bar-eu gar kurtaq-euq mae.