Luˇkaꞈ 7:29 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Yorhaq nae bartirsaq bi mrnaeq-euq tsawrhaq deuq hawr-eu jeq taf-eu tsawrhaq dawqtawv luf-aq, dawq khoerdawq-anr yagaq ngae, Miqyaer-aq, tsaq-awr dawr-eu mae laer aer-eu mae.

Akha

²⁹ Tsawˇ haˬ dawˬ tawˆ luꞈ, Yoˇhaˬ dawˬ mehˬ mehˬ gaˇ ya gaˬ-euˬ meh. Aˬ yawꞈ maꞈ hawˇ-eu kawˬ taꞈ-eu tsawˇ haˬ deuˬ-aˬ, Miˬyehˇ neh dawˬ biꞈ taˬ-euˬ yaw tsaˬ yaw dawˇ jeˬ-ahˇ ha geuꞈ-awˇ, Yoˇhaˬ neh iˇ cuꞈ bi shawˇ-euˬ meh.

Luˇkaꞈ 7:29 ပူးပေါင်းရင်းမြစ်များ

Jaceuq 51:4

Ngar, nawq-anr iqbax mrlaeq-euq mir-a, nawq-anr taef-aer mrlaeq-euq ma. Nawq-euq maeqshi yawdoer jeq mr-euq heu-aq; Nawr ngaeqlar ngae dawr-awr tsaq-eu uqtaf, Nawr yarkhaqdar ngae, aerkhar maqza nga laer ya dovlar-eu mae.

Maꞈtehˬ 5:46

Nawmaf, nawmaf-anr gaq-eu tsawrhaq-anr taef-aer gaq nar-aq, aqjeq-euq mrpoeq lafsawq za-eu? Jeq taf-eu tsawrhaq khawf khoerlof-aer janrluf-eu maqngeur-a lor?

Luˇkaꞈ 20:6

‘Tsawrhaq-anr nae lar-euq mae’ laer aernar-aq khawf tsawrhaq dawqtawvluf, aqdui-anr khaqlo biqlar taef-a. Aqjeq mirnae aernar-aq, Yorhaq-aq, Miqyaer gharduq ngaeqdan-eu tsawrhaq mae laer aqyawfmaf janduq taq-euq mae.”

Luˇkaꞈ 3:12

Jeq taf-eu tsawrhaq khawf bartirsaq bi mrnaeq-eu laer oe-awr narhaq-eu, “Saqlaq-or! Nga’maf aqjeq yajanr-eu la?”

Luˇkaꞈ 7:28

Ngar, nawmaf-anr aernaeq nyar. Zaqmiq aqbur-anr nae khar daefle-euq tsawrhaq-euq lafkhoer, Yorhaq taf-aer huiqdzaeq-eu Miqyaer gharduq ngaeqdan-eu tsawrhaq tiqghaq-iq maqjawr-a. Aerkhawf, Miqyaer uvlanr-eu jeq-euq lafkhoer nyirdzaeq-eu ghaq khawf, Yorhaq navmaqtser huiqdzaeq-eu mae.”

Luˇkaꞈ 7:35

Aerkhawf, zaqsiq tsawrganr-aq, dawr-awr tsaq-eu ngar-a laer, aqyawf-euq zaq dawqtawvluf mrdov laf-eu gar nae siqlar taef-a.”

Gʼaˬkʼehˇ 18:25

Tsawrhaq heughaq-aq, Sanqpaq Miqyaer-euq garkawv yadzaw-awr, nuima keuv duidui-eu lafkhoer, Sanqpaq Miqyaer-euq garkawv marjawvni maeqnya-awr aernya-eu mae. Aerkhawf, aqyawf-aq, Yorhaq-euq bartirsaq-anr siqnya-eu taef mae.

Gʼaˬkʼehˇ 19:3

Khoerngae, Pawrluv aer-eu, “Tox-aer mar-iq, nawmaf aqgeu jeq-euq bartirsaq-anr hageuf-euq le?” Khoerngae, aqyawfmaf aer-eu, “Yorhaq-euq bartirsaq-anr hageuf-euq ma.”

Lormav 10:3

Aqjeq mirnae aernar-aq, aqyawfmaf, Miqyaer-euq tsaq-awr dawr-eu jeq-anr maq siqnya-aer, yawqha-euq tsaq-awr dawr-eu jeq mrdov-eu laer laejae-eu mae. Khoermirnae, aqyawfmaf, Miqyaer-euq tsaq-awr dawr-eu jeq-euq uqmov maqjawr-a.

Panmaeq 15:3

Aqyawfmaf, Miqyaer-euq ghaqzaq ghaqkhaer pyeuf-eu Morseq-euq cardawq hawr-eu Yawrzaq-euq cardawq heulof-aer car-eu mae: “Baoq huiq duidui-eu Sanqpaq Miqyaer-or! Nawq nae mr-awr shar-euq deuq-aq, huiq duidui-awr, zanqler paq-aer ghae-eu mae. Tsawrshawr deuq-euq Sanqpaq-or! Nawq-euq garma-aq, dawr-awr tsaq-eu hawr-eu tsaq-awr dawr-eu mae.

Panmaeq 16:5

Khoerngae, ngar, ircuf-euq mqtav ghaqkhaer heulof-aer aer-eu gar, yagaq-euq ma, “Arhu nae daef-eu nymq-mr keuvni daefluf-awr, aqkar keuvni daef-eu Sanqpaq Miqyaer-or! Nawr heulof-aer yarkhaq dar-eu-aq, tsaq-awr dawr-eu mae.