Luˇkaꞈ 7:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoergar, yardzoeq guirhuq tiq ghaq jawr-eu mae. Aqyawf zawr gaq-eu kuirlaf zaqkhav tiq ghaq shir paq-aer narluf-eu mae.

Akha

² Kʼoeˇ gaˇ jawˇ-eu Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ tiˬ gʼaˬ, aˬ yawꞈ gaˬ dui dui-eu zaˬ kʼaˆ shiˇ taw tehˬ ni naˇ luꞈ-eu meh.

Luˇkaꞈ 7:2 ပူးပေါင်းရင်းမြစ်များ

Dawqdaq 29:21

Zaq-anr ngae nae, cuhuiq laf-euq kuirlaf zaqkhav-aq, Arsaq saqlar ngae, zaqyo tiq ghaq lof-aer durlar taef-a.

Maꞈtehˬ 27:54

Khoerngae, yardzoeq guirhuq hawr-eu aqyawf naeq-aer Yeqsur-anr lofluf-eu guirzaq deuq, mirluv luv-eu gar hawr-eu khar pyeuflar-euq deuq-anr ya’mawr ngae, guv duidui-ir-awr aer-eu, “Tsawrhaq heughaq-aq, aqdirma-aer Miqyaer-euq Zaqyo ngar-a!”

Luˇkaꞈ 23:47

Yardzoeq guirhuq tiq ghaq khoerlof-aer pyeuflar-euq gar ya’mawr ngae, Miqyaer-anr ciqhuiq ciqmanr-eu lafkhoer aer-eu, “Tsawrhaq heughaq-aq, aqdir aqmar tsaq-awr dawr-eu tsawrhaq ngar-a!”

Luˇkaꞈ 7:1

Yeqsur, tsawrhaq khoerdeuq-anr dawq heudeuq dawqtawvluf maeqnaeq tsovnaeqghaq ngae, Gaqbeqneqoq-anr ir-euq mae.

Luˇkaꞈ 7:3

Yardzoeq guirhuq khoerghaq, Yeqsur-euq garkawv yagaq ngae, Aqyawf-euq kuirlaf zaqkhav-anr lavtaq naeqle sher-eq laer Yurdav tsawrhaq-euq aqyuif aqtsu heumyav ghaq-anr khaer-awr, Yeqsur-anr bi tanqshar ler-euq mae.

Luˇkaꞈ 8:42

Aqjeq mirnae aernar-aq, 12 khof khawvlar-euq aqyawf-euq zaqmiq shirler luf-eu mae. Aqyawf-aq, zaqmiq heughaq jawr-eu taef mae. Yeqsur irluf ngae, tsawrhaq armaf mafma, aqyawf-anr tanqjeq tanqciv luf-eu mae.

Gʼaˬkʼehˇ 10:1

Gaersaqlir-anr Gorneqlir laer kur-eu tiq ghaq jawr-eu mae. Aqyawf-aq, Irdaqliq Guirmaf laer kur-eu guirmaf tiq mur-euq yardzoeq guirhuq tiq ghaq mae.

Gʼaˬkʼehˇ 10:7

Aqyawf-anr ngaeqcawq le-euq mqtav ghaqkhaer khoerghaq ghofdov-ir dzeur ngae, Gorneqlir, aqyawf-euq nymrkhanq-euq kuirlaf zaqkhav nyiq ghaq hawr-eu, aqmyanluf aqyawf-euq myawqkhaer ghov-eu laer lofluf-eu tsawrhaq deuq-euq lafkhoer nae, Miqyaer-anr guv-eu guirzaq tiq ghaq-anr kurlaf-euq mae.

Gʼaˬkʼehˇ 22:26

Yardzoeq guirhuq dawq khoerdawq-anr yagaq ngae, tanrdzoeq guirhuq jawr-eu gar le-awr aer-eu, “Nawr aqjeq janr-eu law-awr khawf yayanr-eu ngar-a. Tsawrhaq heughaq-aq, Lormav tsawrhaq nga de-eq.”

Gʼaˬkʼehˇ 23:17

Khoerngae, Pawrluv, yardzoeq guirhuq tiq ghaq-anr kurlaf-awr aernaeq-eu, “Aqli zaqguq heughaq tanrdzoeq guirhuq-anr dzawrnaeq paq-aer ghae-eu tiqjeqnav jav-eu mae. Khoermirnae, aqyawf-anr tanrdzoeq guirhuq jawr-eu gar sheuqha-ir sher-eq.”

Gʼaˬkʼehˇ 27:1

Nga’maf-anr lawq-anr bidziq-awr, Irdaqliq mirkhanq-anr bi’ir ma laer noeqtsaev ghaq-euq nar-aq, Pawrluv hawr-eu kuv-anr ur-eu nuideuq-anr, Awrgurtuv guirzaq tiq mur-anr taf-eu, Yurluv laer kur-eu yardzoeq guirhuq-euq aqlaf-anr a’naeq-euq mae.

Gʼaˬkʼehˇ 27:3

Nishawq ngae nan, nga’maf, Sirdoq meuq-anr naq-ir-euq ma. Yardzoeq guirhuq Yurluv-aq, Pawrluv-anr ghawqshaq gaq-eu mirnae, aqyawf-euq cawq jawr-eu gar le-awr, khoerdeuq nae bi ngaeqghaeni pyaeqnaeq-euq mae.

Gʼaˬkʼehˇ 27:43

Aerkhawf, yardzoeq guirhuq ghaq, Pawrluv-anr bibuq-ir mawf-eu mirnae, khoerlof-aer maqbi janrni lavtsoeq-euq mae. Khoerngae, yardzoeq guirhuq dawq bif-awr, irdiq diqnya-eu deuq-aq, aqcawq-euq jeqhu ircuf-anr tsawqpuf-awr lawrdzer irdiq bi diqdov ghae-awr,

Gawˇlawˇsehˇ 3:22

Zaqkhav deuq-or! Yawqjeq navluf-euq lafkhoer, mirtsaq-euq khoertav jawr-eu nawmaf-euq yawsanr ghaq-euq aerdawq narhaq geuf-awq. Tsawrhaq nuikhanr bishir-eu laer aqcawq bimawrni taef-aer mr-eu jeq taqbi pyeuf. Nuima shawrjaevni ghae-awr, Sanqpaq Yeqsur-anr yawzeu baw-eu lafkhoer narhaq geuf-awq.