Luˇkaꞈ 7:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Tsawrhaq dawqtawvluf zanq duidui ler-awr, Miqyaer-anr ciqhuiq ciqmanr-eu lafkhoer aer-eu, “Aqdui-euq lafkhoer, Miqyaer gharduq ngaeqdan-eu yawhuiq ghaq dovlar-euq ngar-a.” Khoeruqtaf, “Miqyaer, aqyawf-euq tsawrhaq-anr hawle-euq ngar-a” laer khawf aer-eu mae.

Akha

¹⁶ Aˬ yawꞈ maꞈ dawˬ tawˆ luꞈ guˆ dui dui-awˇ, Miˬyehˇ-ahˇ ja ceuˬ-euˬ meh. “Miˬyehˇ gʼaˇ duˬ ngehˬ dah-eu huiˬ dui dui-eu gʼaˬ aˬ dui jawˇ gaˇ doˆ laˇ-euˬ ngaˇ” lehˇ hawˇ-eu, “Miˬyehˇ aˬ yawꞈ-euˬ tsawˇ haˬ deuˬ-ahˇ haw le-euˬ ngaˇ” lehˇ, aˬ yawꞈ maꞈ ehˇ-eu meh.

Luˇkaꞈ 7:16 ပူးပေါင်းရင်းမြစ်များ

Jaceuq 65:9

Nawr, mirtsaq-anr hawle-awr ircuf shaeqnaeq-eu mae. Miqyaer-euq lawrgawv ircuf tiqbyanni yoer-awr, Nawr, mirtsaq-anr yawkhav-aer bimuiq bi sanrlar-eu mae. Nawr, aqyawf maf-anr dzaqla ghovcaer zanqnaeq-eu mae. Nawr heulof-aer laeqhmq naeqlaf-eu mae.

Maꞈtehˬ 15:31

Aqdzawq deuq dawq ngaeqnyalar, arsaer cawv-ir-euq deuq muiqlar, kuircawv deuq cannya lar-euq uqtaf, myavbaef deuq mawrnya lar-euq mae. Tsawrhaq armaf mafma deuq, heudeuq-anr ya’mawr ngae zanqler-awr, aqyawfmaf, Irsaqleqlav-euq Miqyaer-anr ciqhuiq ciqmanr-eu mae.

Maꞈtehˬ 21:11

Khoerngae, tsawrhaq armaf mafma deuq aerkhof naeq-eu, “Teughaq-aq, Gaqliqlaer mirkhanq, Naqzaqlaer-anr jawr-eu Miqyaer gharduq ngaeqdan-eu Yeqsur mae.”

Maꞈtehˬ 28:8

Khoerngae, aqyawfnyaf guv khawf guv, laqkhaq khawf caer duidui-eu lafkhoer, aqyawf-euq zaqlanr deuq-anr dzawrnaeq ler-eu laer lmqbymr-anr nae yawkawr-aer caevghof lef-euq mae.

Maꞈtehˬ 9:8

Tsawrhaq baqmaf deuq khoer-anr ya’mawr ngae, aqyawfmaf zanqler-awr, tsawrhaqzaq-anr khoerlof-aer ghae-eu aryaq bif-euq Miqyaer-anr ciqhuiq ciqmanr-eu mae.

Luˇkaꞈ 1:65

Garkawv heudeuq Yurdav mirkhanq-anr jav-eu danrtav doeni gaqbyan-ir-awr, jawqlaw jawrlawr tiqjawq jawr-eu tsawrhaq dawqtawvluf guv-eu mae.

Luˇkaꞈ 1:68

“Irsaqleqlav-euq Sanqpaq Miqyaer-anr jaceuq-eu tsaq mae. Aqjeq mirnae aernar-aq, aqyawf-euq zaqlanr-anr aqyawf ngaeqghae le-awr, aqyawf maf-anr kakhof-euq mae.

Luˇkaꞈ 19:44

Nawq-anr muir-eu deuq, nawr hawr-eu nawq-euq lafkhoer jawr-eu nawq-euq zaqdeuq-anr mirtsa dini lavcawvjir naeqlaf taef-a. Nawq-euq lafkhoer anr-eu khaqlo deuq khawf tiqsiq-euq khoertav tiqsiq maqbi javyaf-eu gar keuvni janrnaeqlaf taef-a. Aqjeq mirnae aernar-aq, Miqyaer, nawq-anr hawle-euq aryamq-anr nawr maq siqnya-eu beu!”

Luˇkaꞈ 2:20

Mqtav ghaqkhaer nae aqyawf maf-anr ja’naeq-euq lof-aer, dawqtawvluf yagaq ya’mawr-euq mirnae, yawr bo-eu deuq Miqyaer-anr ciqhuiq ciqmanr-eu lafkhoer jaceuq jaceuq-aer ghof-ir-euq mae.

Luˇkaꞈ 24:19

Yeqsur, aqyawf nyaf-anr narhaq-eu, “Aqjeq pyeuflar-euq la?” Khoerngae, aqyawfnyaf heulof-aer aer-eu mae: “Naqzaqlaer tsawrhaq Yeqsur-euq garkawv lawr. Aqyawf-aq, Miqyaer gharduq ngaeqdan-eu tsawrhaq tiq ghaq mae. Miqyaer-euq maeqshi hawr-eu tsawrhaq dawqtawv luf-euq maeqshi, ngaeq-awr mr-eu baoq zawr huiq-eu tiq ghaq mae.

Luˇkaꞈ 5:26

Tsawrhaq armaf mafma dawqtawvluf zanq duidui ler-awr Miqyaer-anr ciqhuiq ciqmanr-eu uqtaf, guv duidui-eu lafkhoer aer-eu, “Iqnan aqduimaf maq mawrhaw-euq jeq-anr ya’mawr-euq ma.”

Luˇkaꞈ 5:8

Sirmoq Beqtuvluv khoer-anr ya’mawr ngae, Yeqsur-euq aqkuir pawqtsuif-euq dawqpae awbyav ghae-awr aer-eu, “Sanqpaq-or! Ngar jawr-eu gar nae dov-ir-awq. Aqjeq mirnae aernar-aq, ngar-aq, iqbaxzaq tiq ghaq ma.”

Luˇkaꞈ 7:15

Khoerngae, shir-euq khoerghaq turnuir lar-awr, dawq khawf ngaeq-eu mae. Khoernar-aq, Yeqsur, zaqyo aqli khoerghaq, aqyawf-euq aqma-anr a’khof naeq-euq mae.

Luˇkaꞈ 7:39

Khoerngae, Yeqsur-anr kur-euq Paqliqsaer khoerghaq khoer-anr ya’mawr ngae, nuima-euq lafkhoer noeq-eu, “Tsawrhaq heughaq, Miqyaer gharduq ngaeqdan-eu tsawrhaq ngeur-eu law nar-aq, aqyawf-anr toeqciv luf-eu aqsur ghaq la? Aqjox-aer ghae-eu zaqmiq aqbur tiq ghaq la laer khawf siqnya taef-a. Teughaq-aq, iqbaxzaq tiq ghaq beu nae.”

Luˇkaꞈ 8:37

Gaqdaqlar mirkhanq-euq jawqlaw jawrlawr jawr-eu tsawrhaq dawqtawvluf guv duidui-eu mirnae, aqyawfmaf jawr-eu gar nae dov-ir naeqlaf laer Yeqsur-anr shar-euq mae. Khoermirnae, Yeqsur, lawq-anr ur-ir-awr ghofler-euq mae.

Luˇkaꞈ 9:19

Aqyawfmaf aernaeq-eu, “Tiqpavnav deuq-aq, Bartirsaq mrnaeq-eu Yorhaq nga laer aer-eu mae. Tiqpavnav deuq-aq, Erlirya nga laer aer-awr, tiqpavnav deuq-aq, Arhuba-euq Miqyaer gharduq ngaeqdan-eu tiqghaqnav ghofdaef lar-euq nga” laer khawf aerluf-eu mae.”

Yoˇhaˬ 1:21

Aqyawfmaf, aqyawf-anr par narhaq-eu, “Tox-aer mar-iq, nawr aqsur ghaq le? Erlirya le lor?” Khoerngae, aqyawf aerkhof naeq-eu, “Ngar, Erlirya maqngeur.” Aqyawfmaf par narhaq-eu, “Miqyaer gharduq ngaeqdan-eu khoerghaq le lor?” Khoerngae, aqyawf aerkhof naeq-eu, “Maqngeur.”

Yoˇhaˬ 1:25

Khoerngae, aqyawfmaf, Yorhaq-anr narhaq-eu, “Nawr, Kali khawf maqngeur, Erlirya khawf maqngeur, Miqyaer gharduq ngaeqdan-eu khoerghaq khawf maq ngeurmar-iq, aqjeq mirnae nawr, aqcawq-anr bartirsaq mrnaeq luf-eu le?”

Yoˇhaˬ 4:19

Khoerngae, zaqmiq aqbur khoerghaq, aqyawf-anr heulof-aer aernaeq-euq mae: “Saqlaq-or! Nawr-aq, Miqyaer gharduq ngaeqdan-eu tiq ghaq nga laer ngar hawdov-euq ma.

Yoˇhaˬ 6:14

Tsawrhaq khoerdeuq, Yeqsur nae bisiq bimawr-eu jeq mr-euq gar ya’mawr-awr aer-eu, “Tsawrhaq heughaq-aq, aqdir mirtsaq-euq khoertav oe taef-a laer aertaq-euq, Miqyaer gharduq ngaeqdan-eu khoerghaq ngar-a.”

Yoˇhaˬ 9:17

Khoermirnae, aqyawfmaf, myavbaef baefhaw-euq khoerghaq-anr par narhaq-eu, “Aqyawf, nawq-euq myavnuiv-anr bi mawrnya lar-euq-aq, aqyawf aqjox-aer ghae-eu tsawrhaq la laer nawr aerhaw sher-eq.” Aqyawf aer-eu, “Aqyawf-aq, Miqyaer gharduq ngaeqdan-eu tsawrhaq tiq ghaq mae.”

Gʼaˬkʼehˇ 5:5

Aqnaqnir dawq khoerdawq-anr yagaq ngae, coqdzae ghae-awr saf tsaev-euq mae. Garkawv khoer yagaq-euq tsawrhaq dawqtawvluf guv duidui-ir-euq mae.

Gʼaˬkʼehˇ 7:37

“Tsawrhaq heughaq-aq, Irsaqleqlav tsawrhaq-anr heulof-aer aernaeq-euq Morseq mae, ‘Sanqpaq Miqyaer, ngaq-anr bi dovlar-euq lof-aer, nawmaf-euq gharduq, nawmaf-euq aqyuif aqnyir-euq lafkhoer nae, Miqyaer gharduq ngaeqdan-eu tiq ghaq bi dovlar taef-a. Nawmaf, aqyawf-anr ya narhaqgeuf taef-a.’ (Dm 18:15)

Gaˬlaˬtiˆ 1:24

Ngaq-euq baqda’nae aqyawfmaf, Miqyaer-anr jaceuq-eu mae.