Luˇkaꞈ 7:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Sanqpaq Yeqsur, miqcoeq miqma khoerghaq-anr ya’mawr ngae, aqyawf-anr ghawqshaq hawgaq-awr, “Taqngoer” laer aernaeq-euq mae.

Akha

¹³ Miˬ coeˬ miˬ ma kʼoeˇ gʼaˬ-ahˇ Sahˬpaˬ Yeˬsuˇ ya mawˇ ngeh, gʼawˬ shaˬ haw gaˬ-awˇ, “Taˬ ngoeˇ” lehˇ ehˇ nehˬ-euˬ meh.

Luˇkaꞈ 7:13 ပူးပေါင်းရင်းမြစ်များ

Jaceuq 103:13

Aqda tiq ghaq, yawqha-euq zaq-anr ghawqshaq gaq-eu lof-aer; Ya’we Miqyaer, aqyawf-anr guv-eu tsawrhaq deuq-anr ghawqshaq gaq-eu mae.

Jaceuq 86:15

Aerkhawf, Sanqpaq Miqyaer-or, Nawr-aq, ghoer-awr gaq-eu jeq hawr-eu guiqlanq yawdzanr byan-awr, Nuinoeq ghawqmanrni noeqnya-eu uqtaf; Yawtsaq yawdawr hawr-eu, Ghawqshaq gaq-eu jeq byan-eu Miqyaer mae.

Jaceuq 86:5

Aqjeq mirnae aernar-aq, Sanqpaq Miqyaer-or, Nawr-aq, yawmuiq mae. Nawq-anr kur-eu tsawrhaq dawqtawv luf-anr, Ghawqshaq gaq-eu jeq byan-awr, aqmyanluf iqbax pyaeq-eu mae.

Maˬkuˆ 8:2

“Ngar, tsawrhaq heudeuq-anr ghawqshaqgaq mir-a. Aqyawfmaf, ngaq naeq-aer heugar jawrluf-eu smq nan byanlar-awr, tiqjeq-iq dzaq-eu maqpar anr-eu ngar-a.

Luˇkaꞈ 10:1

Khoernar-aq, Sanqpaq Yeqsur, zaqlanr nuideuq 70 ghaq-anr tsaqtsov-awr, aqyawf kharir-eu laer ghae-eu meuqdeuq pudeuq-anr, tiqpaw nyiq ghaq nyiq ghaq-aer aqyawf-euq maeqhu bi’ir-euq mae.

Luˇkaꞈ 11:1

Khoerngae, heulof-aer pyeuflar-euq mae. Yeqsur tiqgarpaw jawr-awr guiqlanq sharluf-eu mae. Aqyawf guiqlanq sharghaq ngae, aqyawf-euq zaqlanr deuq-anr nae tiq ghaq, aqyawf-anr aernaeq-eu, “Sanqpaq-or! Yorhaq, aqyawf-euq zaqlanr deuq-anr guiqlanq aqjox-aer yashar-eu la laer maeqnaeq-euq lof-aer, nga’maf-anr khawf maeqnaeq laf-awq.”

Luˇkaꞈ 11:39

Khoerngae, Sanqpaq Yeqsur, aqyawf-anr heulof-aer aernaeq-euq mae: “Nymq-mr nawmaf Paqliqsaer deuq-aq, khmqmaq hawr-eu ircuf khmqmaq-euq lafnyir paw yawmuiq-aer jovshawr-eu mae. Aerkhawf, nawmaf-euq lafkhoer paw-aq, maerjuir juir-eu jeq hawr-eu yawcawv jeq tiqbyanni anr-eu mae.

Luˇkaꞈ 12:42

Sanqpaq Yeqsur heulof-aer aernaeq-euq mae, “Zaqsiq tsawrganr anr-awr sarjax zif-eu lafkhoer, myawqganq-anr hawpir nya-eu aqgeu ghaq la? Aqyawf-aq, nymrkhanqzaq-anr hawpir-awr, aryamq tsaq ngae, kuirlaf zaqkhav nuideuq-anr dzaqdzaq dawrdawr shaqbymr tsaqni birnaeq nya-eu, yawsanr ghaq nae khaertaq-euq khoerghaq maqngeur-a lor?

Luˇkaꞈ 13:15

Khoerngae, Sanqpaq Yeqsur, aqyawf-anr heulof-aer aerkhof naeq-euq mae, “Yawmuiq janrgeuf-eu tsawrhaq-or! Landaw jawrnan ngae nan, nawmaf yawqghaq navluf yawqha-euq mawrner hawr-eu manq tanqlav-anr, kuv-anr nae puir-awr, ircuf maqtsanr dawr-ir-eu le laq?

Luˇkaꞈ 17:5

Khoerngae, ghaqkhaer deuq, Sanqpaq Yeqsur-anr shar-eu, “Nga’maf-euq nuijan myaqlarni janrnaeq laf-awq.”

Luˇkaꞈ 17:6

Khoerngae, Yeqsur aer-eu, “Nawmaf jan-eu jeq ghawqpaf arnuiv huini anr nar-aq, nawr, boeqdzar arbawr heubawr-anr, ‘Nawq-euq duqcir gheudov-awr, iqmalavshav-anr daef-ir-awq’ laer aernaeq ngae, boeqdzar arbawr heubawr nawmaf-euq dawq narhaq taef-a.”

Luˇkaꞈ 18:6

Khoerngae, Sanqpaq Yeqsur heulof-aer aer-eu mae, “Maqdawr-aer maqtsaq-eu yarkhaq dar-eu heughaq aer-eu gar narhaq sher-eq.

Luˇkaꞈ 19:8

Khoerngae, Saqgaer gawqyawf yawf-awr, Sanqpaq Yeqsur-anr aernaeq-eu, “Sanqpaq-or! Haeq! Ngar kharjav-eu yawqjeq navluf tiq pav, irshaqzaq-anr bif ma. Ngar tiqghaq nav-anr myawfdzaq taq-euq jav nar-aq, oeq myav tsoeqkhofnaeq ma.”

Luˇkaꞈ 22:61

Khoerngae, Sanqpaq Yeqsur, Beqtuvluv jawr-eu paw ghawrpyawr lef-awr Beqtuvluv-anr hawcawq-euq mae. Khoerngae, Beqtuvluv, Sanqpaq Yeqsur nae aqyawf-anr aernaeq-euq dawq heudawq noeqdov ler-euq mae, “Yapoer maq doerlar-euq minav-aer, nawr, ngaq-anr maq siqnya nya laer smq pov keuvni pyaer taef-a.”

Luˇkaꞈ 24:3

Aqyawfmaf urler ngae, Sanqpaq Yeqsur-euq mawrdo jav-eu maqmawr-aq.

Luˇkaꞈ 24:34

Aqyawfmaf aer-eu, “Sanqpaq Yeqsur aqdirma-aer ghofdaef lar-euq mae. Aqyawf-euq mawrdo Sirmoq-anr bimawr-euq mae.”

Luˇkaꞈ 7:12

Meuq-euq lanrkhaeq-anr lekeuv ngae, aqcawq shir-euq tsawrhaq tiq ghaq-anr baf-awr oedov luf-eu mae. Khoerghaq-euq aqma-aq, miqcoeq miqma pyeuf-awr, aqyawf, zaqyo khoer tiq ghaq jawr-eu taef mae. Meuq-anr jawr-eu tsawrhaq ghawqmya’ni miqcoeq miqma khoerghaq naeq-aer oeluf-eu mae.

Luˇkaꞈ 7:14

Yeqsur dawqpae le-awr, aqlaf seuvyof-anr bafdav ngae, bafluf-eu tsawrhaq deuq naqler-awr, Yeqsur aer-eu, “Zaqguqzaq-or! Turlar-awq laer ngar, nawq-anr dawq bif-eu ma.”

Luˇkaꞈ 7:19

Yorhaq, aqyawf-euq zaqlanr nyiq ghaq-anr kur-awr, Sanqpaq Yeqsur-anr heulof-aer bi narhaq-ir-euq mae. “Oe taef-a laer aer-eu khoerghaq, nawr ma lor? Maqngeur nar-aq, nga’maf yawqghaq yawq-anr parya dawq-a siq laq?”

Luˇkaꞈ 8:52

Aqbur khoerghaq-euq baqda’nae, tsawrhaq dawqtawvluf yawkhav-aer ngoer-awr dawqkawq kawqkawq-aer khawf ngoer-eu gar mawr ngae, Yeqsur aer-eu, “Taqngoer, aqyawf shir-euq maqngeur-a. Yufkhav luf-eu taef mae.”

Yoˇhaˬ 11:2

Maqliv heughaq-aq, arnan, Sanqpaq Yeqsur-anr tsir yawsaw laef-awr, tsaerkanr nae aqyawf-euq aqkuir-anr sivshawr naeq-eu khoerghaq mae. Narluf-eu Laqzaqlur-aq, Maqliv-euq aqmanr mae.

Yoˇhaˬ 11:3

Aqnyafnmr, Yeqsur-anr dawqtsaf tsafanr lef-euq, “Sanqpaq-or! Nawr zawr gaq-eu ghaq narluf-eu mae.”

Yoˇhaˬ 20:13

Khoerngae, mqtav ghaqkhaer, aqyawf-anr narhaq-eu, “Zaqmiq aqbur-or! Nawr aqjeq mirnae ngoer-eu le?” Aqyawf, mqtav ghaqkhaer-anr aernaeq-eu, “Aqcawq, ngaq-euq Sanqpaq-euq mawrdo-anr bafghae-awr, aqyawfmaf, aqyawf-anr aqgeugar baftaq-ir-euq la laer ngar maq siqnya nya.”

Yoˇhaˬ 20:15

Yeqsur, aqyawf-anr narhaq-eu, “Zaqmiq aqbur-or! Nawr aqjeq mirnae ngoer-eu le? Nawr aqsur ghaq-anr povluf-eu le?” Maqliv-aq, aqyawf-anr yarkmr mr-eu tsawrhaq jeq nga laer noeq-awr aer-eu, “Aqyuif-or! Nawq nae aqyawf-anr bafghae-euq ngeur nar-aq, nawr, aqyawf-anr aqgeugar baftaq-ir-euq le laer ngaq-anr aernaeq laf-awq. Ngar, aqyawf-anr bafkhof laq-ir ma.”

Yoˇhaˬ 4:1

Khoerngae, Yeqsur-aq, Yorhaq navmaqtser aqcawq-anr zaqlanr bi pyeuflar-awr, bartirsaq mrnaeq luf-eu mae laer Paqliqsaer deuq yagaq-euq gar Yeqsur yasiq-euq mae.

Yoˇhaˬ 6:23

Sanqpaq Yeqsur, Miqyaer-euq guiqlanq-anr jaceuq-awr, aqyawfmaf kaqmur yadzaq-euq jawrduq khoertsanr-euq dawqpae, Deqbeqlir meuq-anr nae lawq tiqdeuq larkeuv taq-euq mae.

1 Gawˇliˬtu 7:30

Tsawrngoer ngoerluf-eu tsawrhaq, maqngoer-eu lof-aer daef-awr, laqkhaq caer-eu tsawrhaq, laqkhaq maqcaer-eu lof-aer daef-eu uqtaf, myawq zeur-eu tsawrhaq, myawq maqjav-eu lof-aer daef-awq.

1 Teˇsaˬloˇni 4:13

Aqyuif aqnyir deuq-or! Tiqjeq-iq noeqtmq khar maqza-eu tsawrhaq deuq noeqshaq-eu lof-aer nawmaf maqya noeqshaqni, yufkhav dzeur-euq tsawrhaq deuq-euq garkawv, nga’maf, nawmaf-anr maq siqnya-aer maqbi ghaemawf nya.

HeˬByehˇ 2:17

Khoermirnae, aqyawf, tsawrhaqzaq-euq iqbax-euq gharduq lawrbyan nya’ni hawr-eu, Miqyaer-euq gar mr-eu lafkhoer, ghawqshaq gaqnya-awr sarjax zif-eu Pirma yawhuiq ghaq geuf-eu gharduq, yawqjeq navluf-euq lafkhoer, aqyawf, aqyawf-euq maernmr lof-aer yapyeuf-euq mae.

HeˬByehˇ 4:15

Aqjeq mirnae aernar-aq, aqdui-euq Pirma yawhuiq ghaq-aq, aqdui ghaq baq-eu jeq-anr ghawqshaq maq gaqnya-eu maqngeur-a. Aqyawf khawf, aqdui lof-aer yawqdzer dzaq-anr navluf murjur jur-eu gar yadaq haw-euq mae. Aerkhawf, aqyawf iqbax maqmr-aq.