Luˇkaꞈ 6:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Yeqsur, aqyawf maf-euq nuinoeq-anr siqnya-awr, lafshir shir-eu khoerghaq-anr aernaeq-eu, “Tur-awr heugar yawf-awq.” Khoerngae, khoerghaq turlar-awr yawf-euq mae.

Akha

⁸ Yeˬsuˇ aˬ yawꞈ maꞈ-euˬ nui noeˬ haw mawˇ-awˇ, aˬ laꞈ tiˬ pyawˬ shiˇ-euˬ tsawˇ haˬ kʼoeˇ gʼaˬ-ahˇ “Heu gaˇ yawꞈ laˇ-awˬ” lehˇ ehˇ nehˬ ngeh, tsawˇ haˬ kʼoeˇ gʼaˬ kʼoeˇ gaˇ yawꞈ leˇ-euˬ meh.

Luˇkaꞈ 6:8 ပူးပေါင်းရင်းမြစ်များ

Jaceuq 44:21

Miqyaer maq hawmawr-aer jav taef-a laq? Aqjeq mirnae aernar-aq, aqyawf nuima-euq lafkhoer zaftaq-euq jeq khawf siqnya-eu mae.

Maꞈtehˬ 9:4

Yeqsur, aqyawf maf-euq nuima-euq lafkhoer noeqluf-eu jeq-anr siqnya-awr aer-eu, “Aqjeq mirnae nawmaf-euq nuima-euq lafkhoer yawdoer jeq sharnoeq luf-eu le?

Maˬkuˆ 3:3

Khoerngae, aqlaf tiq pyawq shir-euq khoerghaq-anr Yeqsur aernaeq-eu, “Heugar maeqhu paw yawflar-awq.”

Luˇkaꞈ 13:12

Yeqsur, aqyawf-anr ya’mawr ngae, kurlaf-awr aernaeq-eu, “Zaqmiq-or! Nawq-euq nargawr-anr nae puirpyaeq naeq-euq ma.”

Luˇkaꞈ 5:22

Aqyawfmaf khoerlof-aer noeqluf-eu gar Yeqsur siqnya-awr aqyawf maf-anr heulof-aer aerkhof naeq-euq mae, “Nawmaf aqjeq mirnae nuima-euq lafkhoer sharnoeq sharsawx luf-eu le?

Luˇkaꞈ 6:9

Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr narhaq nyar, landaw jawrnan ngae nan yawmuiq jeq mr-eu, maqngeur nar-aq, yawdoer jeq mr-eu, daefzir-anr bibuq-ir-eu, maqngeur nar-aq, daefzir-anr lavcawv-eu, aqgeu jeq mrkhmq-eu la?”

Yoˇhaˬ 2:25

Aqcawq, aqyawf-anr tsawrhaq-euq garkawv sarkir kamqnaeq-eu laer maqya ghaeni, Yeqsur, tsawrhaq-euq lafkhoer aqjeq anr-eu la laer siqnya-eu mae.

Yoˇhaˬ 21:17

Yeqsur, aqyawf-anr smq pov tiqpov par narhaq-eu, “Yornav-euq zaqyo Sirmoq-or! Nawr, ngaq-anr gaq ma lor?” “Nawr, ngaq-anr gaq ma lor?” laer Yeqsur, aqyawf-anr smq pov narhaq keuvlaf-euq mirnae, Beqtuvluv noeqshaq lar-awr, aqyawf-anr aerkhof naeq-eu, “Sanqpaq-or! Nawr, yawqjeq navluf siqnya-eu mae. Ngar, nawq-anr gaq-eu nawr siqnya mae.” Yeqsur, aqyawf-anr heulof-aer aernaeq-euq mae, “Ngaq-euq yawrdeuq-anr bidzaq bidawr-awq.

Yoˇhaˬ 9:4

Nan’ghanr paw, ngar, ngaq-anr khaerghae lef-euq ghaq-euq gardeuq ya’mr-eu mae. Mq cifle nar-aq, tsawrhaq tiqghaq-iq gar maq mrnya-a.

Gʼaˬkʼehˇ 20:24

Aerkhawf, heudeuq tiqjeq-iq ngaq-anr maq gheunyaelar nya-aer, ngaq-euq daefzir-anr khawf, ngar maq khanqlanr. Aqjeq mirnae aernar-aq, ngar yacaev-eu garma heukanr laqkhaq tiqcaer caevli-awr, Sanqpaq Yeqsur-anr nae za-euq guiqlanq-euq gar pyeuf-eu, Miqyaer-euq guiqlanq yawdzanr byan-eu guiqlanq dawq-euq garkawv, sarkir yakamq nar-aq ghaq ma.

Gʼaˬkʼehˇ 26:26

Garkawv heudeuq-anr sanqpaq Aqgirpav siqnya-eu mirnae, ngar, aqyawf-euq maeqshi nuima khaqduqni aerpeuq-eu ma. Garkawv heudeuq barzaf-anr pyeuflar-euq maqngeur-eu mirnae, aqyawf maqsiq maqmawr-euq tiqjeq-iq maqjav-a laer ngar yawduqbaw ma.

Piˇliˇpiˆ 1:28

Aqgeu dzerdzaq-anr maqkaq, nawmaf-anr muir-eu deuq-anr taqguv. Maqguv nar-aq, aqyawfmaf cawv-ir-awr, nawmaf-aq, Miqyaer-anr nae dovle-euq kakhof-eu jeq za-euq nga laer byacaevni mawrlar taef-a.

HeˬByehˇ 4:13

Khar baetaq-euq yawqjeq navluf, aqyawf-euq maeqshi zaftaq-euq tiqjeq-iq maqjav-a. Yawqjeq navluf aqyawf-euq maeqshi byacaevni pandzae taq-euq mae. Aqkar, aqdui, aqyawf-anr dawqdzawr ya mrnaeq-eu mae.

1 Beˬtuˆluˆ 4:1

Kali, aqdui-euq gharduq, aqyawf-euq shiqshaq-euq lafkhoer shaqzanq daq-euq mae. Nawmaf khawf, guirdeuv deuv-eu keuka tiqjeq geuf-eu gar durni, aqyawf nuima taq-euq lof-aer taq-awq. Aqjeq mirnae aernar-aq, yawqha-euq shiqshaq-euq lafkhoer shaqzanq daq-euq tsawrhaq-aq, iqbax-anr ghawqtsaev tsaev-euq mae.

Panmaeq 2:23

Ngar, aqyawf-euq zaqdeuq-anr saef-awr bishir ma. Khoerngaejawr, ngar-aq, nuima hawr-eu nuinoeq nuidur-anr tsermr-eu ghaq ngar-a laer Kalizaq armur yawqmur navluf yasiq taef-a. Ngar, nawmaf yawqghaq navluf-anr yawqha nae mr-euq lof-aer geuxni bifnaeq ma.