Luˇkaꞈ 6:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Yawqjaw yawq-euq landaw jawrnan-anr, Yeqsur, zanrdawq khawqnymr-euq lafkhoer urler-awr maeqnaeq tsovnaeq-euq mae. Khoerngae, khoergar, armar laf lafshir shir-eu zaqyo aqli tiq ghaq jawr-eu mae.

Akha

⁶ Jawˇ nah yawˬ nah yawˬ-ahˇ, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ Yeˬsuˇ uˇ leˇ-awˇ, mehˬ nehˬ tsoˆ nehˬ-euˬ meh. Aˬ laꞈ aˇ maˇ pyawˬ shiˇ-euˬ tsawˇ haˬ tiˬ gʼaˬ kʼoeˇ gaˇ jawˇ-eu meh.

Luˇkaꞈ 6:6 ပူးပေါင်းရင်းမြစ်များ

Maꞈtehˬ 4:23

Yeqsur, Gaqliqlaer mirkhanq doeni cancan-aer, zanrdawq khawqnymr-euq lafkhoer maeqnaeq tsovnaeq-awr, mqtav mirkhanq-euq guiqlanqdawq maeqnaeq-euq uqtaf, tsawrhaq khoerdeuq kharnar khargawr-eu jeq hawr-eu nargawr yawqjeq navluf-anr lavtaq naeq-euq mae.

Luˇkaꞈ 13:10

Landaw jawrnan ngae nan, Yeqsur, zanrdawq khawqnymr-euq lafkhoer maeqnaeq tsovnaeq luf-eu mae.

Luˇkaꞈ 14:3

Khoerngae, Yeqsur, zanrdawq siqzaq deuq hawr-eu Paqliqsaer deuq-anr narhaq-eu, “Landaw jawrnan ngae nan nargawr lavtaq naeq-eu, zanrdawq khofdawq-anr banq-a lor?”

Luˇkaꞈ 4:16

Yeqsur, aqyawf huiqlar-euq Naqzaqlaer-anr lekeuv ngae, aqyawf yawqjawryawq mrlaf-euq lof-aer, landaw jawrnan ngae nan zanrdawq khawqnymr-anr urler-euq mae. Khoernar-aq, Yaerbof gui-eu laer aqyawf turlar-euq mae.

Luˇkaꞈ 4:31

Khoerngae, Yeqsur, Gaqliqlaer mirkhanq-anr jav-eu Gaqbeqneqoq-anr ir-awr, landaw jawrnan ngae nan-aq, tsawrhaq armaf-anr maeqnaeq tsovnaeq-euq mae.

Luˇkaꞈ 6:1

Khoernar-aq, heulof-aer pyeuflar-euq mae. Nyiq jaw tiqjaw-euq landaw jawrnan-anr, Yeqsur caeryar-anr canpav luf-eu mae. Aqyawf-euq zaqlanr deuq caernmr tseuv-awr, aqlaf nae caerpyur laeqdov laeqdov-aer dzaq-eu mae.

Luˇkaꞈ 6:5

Khoernar-aq, aqyawf, aqyawf maf-anr par aernaeq-eu, “Tsawrhaq-euq Zaqyo-aq, landaw jawrnan-euq Yawsanr ma.”

Yoˇhaˬ 5:3

Saeqghawv heudeuq-euq lafkhoer, myavbaef baef-eu tsawrhaq, kuircawv cawv-eu tsawrhaq hawr-eu kuirshir lafshir shir-eu tsawrhaq, nar-eu tsawrhaq ghawqmya’ni yufluf-eu mae. Aqyawfmaf ircuf nyinyi-aer ghaelar-eu gar dawqluf-eu mae.

Yoˇhaˬ 9:16

Khoermirnae, Paqliqsaer tiqpavnav deuq aer-eu, “Tsawrhaq heughaq-aq, Miqyaer jawr-eu gar nae oe-euq maqngeur luf-a. Aqjeq mirnae aernar-aq, aqyawf landaw jawrnan maqtawq-eu beu.” Yawqdeuqyawq aer-eu, “Iqbaxzaq tiq ghaq heulof-aer ghae-eu bisiq bimawr-eu jeq aqjox-aer janrnya-eu?” Khoerngae, aqyawf maf-euq yawkaq armur pav-ir-euq mae.