Luˇkaꞈ 6:30 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Nawq-anr kharshar-eu tsawrhaq-anr bif-awr, aqcawq, nawq-euq myawq yurgeuf-euq nar-aq, taqpar sharkhof.

Akha

³⁰ Nawˬ-ahˇ kʼaˇ shaˇ-eu tsawˇ haˬ-ahˇ biꞈ-awˬ. Nawˬ-euˬ myawˬ yuˇ geuꞈ-eu tsawˇ haˬ-ahˇ taˬ shaˇ kʼoꞈ.

Luˇkaꞈ 6:30 ပူးပေါင်းရင်းမြစ်များ

Jaceuq 112:9

Aqyawf, ghawqmya’ni saeq-awr, irshaqzaq-anr bifkhawq naeq-euq mae. Aqyawf-euq uqcoer yabi ciqpoeq ciqgor-awr yabi taqhuiq taqmanr taef-a. Aqyawf-euq tsaq-awr dawr-eu jeq li-eu maqbawni zif taef-a.

Jaceuq 41:1

Irshaqzaq-anr sharnoeq naeq-eu tsawrhaq-aq, guiqlanq huiq-eu mae. Gardzaq garkawv keuvle-eu aryamq-anr, Ya’we Miqyaer, aqyawf-anr bibuq-ir taef-a.

Dawqdaq 19:17

Irshaqzaq-anr ghawqshaq gaq-eu tsawrhaq-aq, Ya’we Miqyaer-anr ngaqnaeq-eu jeq pyeuf-eu mae. Aqyawf nae mr-euq jeq-anr, Ya’we Miqyaer tsoeqkhofnaeq taef-a.

Dawqdaq 21:26

Nan’ga-i aqyawf geufmawf-eu yawlof maqbaw-a. Aerkhawf, tsaq-awr dawr-eu tsawrhaq-aq, Tsawrtsir maqtsirni bifdov ghae-eu mae.

Dawqdaq 22:9

Nuijer jer-eu myavnuiv-aq, guiqlanq huiq-eu mae. Aqjeq mirnae aernar-aq, Aqyawf, irshaqzaq-anr aqyawf-euq kaqmur bifnaeq-eu mae.

Maꞈtehˬ 18:35

“Nawmaf yawqghaq navluf khawf, nuima-euq lafkhoer nae yawqha-euq aqyuif aqnyir-anr, mrbanq lavbanq-euq iqbax maq pyaeqnaeq nar-aq, mq-euq khoertav jawr-eu ngaqDa khawf, nawmaf-anr khoerlof-aer janrnaeqlaf taef-a.”

Maꞈtehˬ 5:39

Aerkhawf, ngar, nawmaf-anr aernaeq nyar, tsawrdoer-anr taq caekhof. Aqcawq, nawq-euq baqba armar paw taevlar nar-aq, yawqpyawqyawq ciqdaq naeq-awr bitaev-awq.

Maꞈtehˬ 6:12

Aqcawq, nga’maf-anr mrbanq lavbanq laf-euq iqbax-anr nga’maf pyaeqnaeq-euq lof-aer, Nga’maf-euq iqbax-anr khawf, nawr pyaeqnaeq laf-awq.

Luˇkaꞈ 11:41

Nawmaf kharjav-eu lof-aer aqcawq-anr gamfnaeq-awq. Gamfnaeq-euq nar-aq, yawqjeq navluf yawshawr mae.

Luˇkaꞈ 12:33

Nawmaf-euq myawqganq anqdzae-awr, aqcawq-anr gamfnaeq-awq. Yawqha-euq gharduq maqpeuq-ir nya-eu pyur pawqbaev guftaq-awr, maq zmqjir nya-eu pyurshuir myawqganq, mq-euq khoertav povuiq taq-awq. Khoergar-aq, smrkhoeq maq lepae nya-aer, boeq khawf maq dzaqler nya-a.

Luˇkaꞈ 18:22

Yeqsur dawq khoerdawq-anr yagaq ngae khoerghaq-anr aernaeq-eu, “Nawr tiqjeq maqjir nga siq. Nawr kharjav-eu jeq dawqtawvluf anqdzae jir-awr, irshaqzaq-anr birnaeq-ir-awq. Khoerlof-aer janr nar-aq, mq-euq khoertav zawr poeq-eu pyurshuir myawqganq jav taef-a. Khoernar-aq, lar-awr ngaq-euq maeqnan cantae lar-awq.”

Luˇkaꞈ 6:29

Aqcawq, nawq-euq baqba tiq pyawq-anr taevlar nar-aq, yawqpyawqyawq khawf ciqdaq naeq-awq. Aqcawq, nawq-euq paerkhanq lafnyir kanr yurgeuflar nar-aq, lafkhoer kanr khawf bifnaeq-awq.

Luˇkaꞈ 6:31

Aqcawq nae nawmaf-anr bi janrnaeq mawf-eu lof-aer, nawmaf khawf aqcawq-anr khoerlof-aer janrnaeq-awq.

Luˇkaꞈ 6:38

Nawmaf, aqcawq-anr bif-awq. Bif nar-aq, aqcawq khawf nawmaf-anr bifnaeqlaf taef-a. Khoeruqtaf, huiqdzaeq-eu khavpuq-anr nae daeqteur daeqteur-aer, ngawqteur ngawqteur-aer, byankhar-ir gar keuvni nawmaf-euq bawrkhanr-anr shaevanr naeqlaf taef-a. Aqjeq mirnae aernar-aq, nawmaf, aqcawq-anr paeqnaeq savnaeq-euq lof-aer, aqcawq khawf, nawmaf-anr paeqkhof savkhof naeqlaf taef-a.”

Gʼaˬkʼehˇ 20:35

Nawmaf khawf khoerlof-aer gar yawkhav-aer mrmr-aer, ghaq baq-eu deuq-anr cawba’ni, ngar yawqjeq navluf-euq lafkhoer nawmaf-anr mrmaeq naeq-euq ma. Sanqpaq Yeqsur nae aertaq-euq dawq heudawq-anr khawf noeqkeuv-awq, ‘Bif-eu-aq, za-eu navmaqtser guiqlanq huiqdzaeq-eu mae.’ ”

2 Gawˇliˬtu 8:9

Nawmaf, aqdui-euq Sanqpaq Yeqsur Kali-euq guiqlanq yawdzanr-anr siqnya luf-eu mae. Aqyawf smrmuiq muiq-eu khawf, nawmaf-euq gharduq irshaqzaq pyeufle-euq mae. Aqyawf irshaq shaqle-euq baqda’nae, nawmaf smrmuiq muiqlar-euq mae.

Eˇpeˇsu 4:28

Dzeurlaf ngae, smrkhoeq khoeq-euq tsawrhaq taqpar khoeq. Mawf-eu tsawrhaq-anr bif-eu tiqjeqnav javlarni khawf, laejae-awr yawqha-euq aqlaf nae gar yawmuiq jeq mr-awq.