Luˇkaꞈ 6:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ “Nymq-mr nawmaf maef-awr shuf-eu tsawrhaq deuq-aq, guiqlanq huiq-eu mae. Aqjeq mirnae aernar-aq, nawmaf yadzaq ya dawrdaev taef-a. Nymq-mr tsawrngoer ngoerluf-eu nawmaf-aq, guiqlanq huiq-eu mae. Aqjeq mirnae aernar-aq, nawmaf ya’uir taef-a.

Akha

²¹ “Naw maꞈ nymˬ-mˇ mehꞈ luꞈ shuꞈ luꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, naw maꞈ ya dzaˬ ya dawˇ dehˆ tehꞈ-a. “Naw maꞈ nymˬ-mˇ ya ngoeˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, naw maꞈ ya uiˇ tehꞈ-a.

Luˇkaꞈ 6:21 ပူးပေါင်းရင်းမြစ်များ

Jaceuq 107:9

Aqjeq mirnae aernar-aq, aqyawf geufmawf-eu nuima saflar nuikhanr bishir-awr; Maef-eu nuima saflar-anr yawmuiq jeq bi dzaqdaev-eu mae.

Jaceuq 119:136

Tsawrhaqzaq, nawq-euq zanrdawq-anr maq daefcaw-eu mirnae, Ngaq-euq myavnuiv-anr nae myavbir lawrgawv yoerluf-eu mae.

Jaceuq 143:6

Ngar, ngaq-euq aqlaf nawr jawr-eu paw cawqdir laf-eu ma; Ngaq-euq nuima saflar, ircuf maef-eu mirtsaq lof-aer, nawq-anr maef mir-a. Sela.

Jaceuq 17:15

Aerkhawf, ngar lawnmr-aq, tsaq-awr dawr-eu lafkhoer nawq-euq myavpyawq-anr ya’mawr ma. Ngar noeqlar ngae, nawq-anr dur-eu shaevdzeuf za-euq mirnae, ngaq-euq nuima tmqjawvni ghae taef-a.

Jaceuq 28:7

Ya’we Miqyaer-aq, ngaq-euq ghaq hawr-eu daeqdaqduq pyeuf-awr, Ngaq-euq nuima, aqyawf-anr ghoe-eu naeq-aer, aqyawf, ngaq-anr cawba naeqlaf-eu mae. Khoermirnae, ngaq-euq nuima laqkhaq yawkhav-aer caer-awr, Ngar dawqcar car-awr, aqyawf-anr jaceuq ma.

Jaceuq 65:4

Nawq-euq dawqpae bilar-awr nawq-euq nymr-euq povka bijawr-eu laer, Nawq nae tserdov-euq tsawrhaq-aq, guiqlanq huiq-eu mae. Nga’maf, nawq-euq nymr hawr-eu nawq-euq shawr-eu uqduq tanqnymr nymrma-euq yawmuiq jeq-euq baqda’nae nuima tmqjawvni yaghae taef-a.

Maꞈtehˬ 5:4

“Ghawqshaq-aer ghae-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawf maf-anr bi noeqsarlar taef-a.

Maꞈtehˬ 5:6

“Tsaq-awr dawr-eu jeq-anr maef-awr shuf-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawfmaf ya dzaqdaev ya dawrdaev taef-a.

Luˇkaꞈ 1:53

Maef-awr shuf-eu deuq-anr dzarkuir dzarmyaer tiqdaev bidzaq-awr, Smrmuiq smrbaw deuq-anr yawqngaef yawqkuq-aer bidov-ir-euq mae.

Luˇkaꞈ 6:20

Khoernar-aq, Yeqsur, aqyawf-euq myavnuiv zaqlanr deuq-anr hawhaw-aer heulof-aer aer-eu mae: “Nawmaf irshaq shaq-eu tsawrhaq deuq-aq, guiqlanq huiq-eu mae. Aqjeq mirnae aernar-aq, Miqyaer uvlanr-eu jeq nawmaf-anr of-eu mae.

Luˇkaꞈ 6:22

“Tsawrhaq-euq Zaqyo-euq baqda’nae aqcawq, nawmaf-anr byae-awr nawmaf-anr sawxdzae naeqlaf-eu uqtaf, nawmaf-anr yaeqbawq saerlu-aer aerlar-awr, nawmaf-euq tsawrmyanr-anr yawdoer laer sawxdzae naeflaf ngae, nawmaf guiqlanqhuiq taef-a.

Luˇkaꞈ 6:25

“Nawmaf dzaqdaev dawrdaev luf-eu tsawrhaq deuq-aq, ghawqshar shaq-aer ya ghaesaef taef-a. Aqjeq mirnae aernar-aq, nawmaf ya’maef yashuf taef-a. Nymq-mr nawmaf uirluf-eu tsawrhaq deuq-aq, ghawqshar shaq-aer ya ghaesaef taef-a. Aqjeq mirnae aernar-aq, nawmaf tsawrngoer ngoer-awr, yawkhav-aer ya’ngoer taef-a.

Yoˇhaˬ 11:35

Yeqsur ngoer-euq mae.

Yoˇhaˬ 4:10

Yeqsur, aqyawf-anr aerkhof naeq-eu, “Miqyaer nae bif-euq lafsawq hawr-eu, ‘Ngaq-anr ircuf bidawr naeqlaf-awq’ laer nawq-anr sharluf-eu ghaq aqsur ghaq la laer nawr siqnya lawnmr-aq, nawr, aqyawf-anr shar taef-a. Aqyawf khawf nawq-anr daef-eu jeq bif-eu ircuf bidawr naeqlaf taef-a.”

Yoˇhaˬ 6:35

Yeqsur, aqyawf maf-anr heulof-aer aernaeq-euq mae: “Ngar-aq, daef-eu jeq bif-eu kaqmur ma. Ngar jawr-eu gar lar-eu tsawrhaq-aq, hawq maqpar maef-ar. Ngaq-anr jan-eu tsawrhaq-aq, ircuf tiqjawr-iq maqpar maef-ar.

1 Gawˇliˬtu 4:11

Nymq-mr keuvni, nga’maf hawq maef-awr ircuf maefluf-eu ma. Dmghaq dmlmr maqlof-aer, diqlar khovlar-eu gar daqluf-eu uqtaf, jawrduq maqjav-aer shaqluf-eu ma.

2 Gawˇliˬtu 11:27

Laejae-awr gar mr-euq mirnae ghaqdoerdoer duidui-awr, maqmyanr kaq-anr maqya yufdaev-eu uqtaf, hawq maef-awr ircuf maef-eu hawr-eu ghawqmya pov maqdzaq maqdawrni dzanq-euq ma. Yawgav gavgav-aer nermyawvni khawf ya shaqhaw-euq ma.

2 Gawˇliˬtu 12:10

Khoermirnae, ngar, Kali-euq gharduq laqkhaq caertavni, ghaq baq-eu, yaeqbawq-aer aerlar-eu, nym-awr ju-eu, khaeq-awr khav-eu, nuima shaqzanq mr-eu, heudeuq-anr daq-eu ma. Aqjeq mirnae aernar-aq, ngar ghaqbaqbaq ngae, ngar ghaq khav-eu ma.

2 Gawˇliˬtu 6:10

Noeqshaq-eu gar dur-eu khawf, aqmyanluf laqkhaqcaer luf-eu ma. Irshaq shaq-eu tsawrhaq-anr dur-eu khawf, tsawrhaq ghawqmya ni-anr smrmuiq bi muiqlar-eu ma. Tiqjeq-iq maqjav-eu gar dur-eu khawf, yawqjeq navluf jav-eu tsawrhaq ma.

Yaˬkoˆ 1:12

Tsermr haw-eu jeq-anr yadaq ngae, daqcoer orcoer-eu tsawrhaq guiqlanq huiq-eu mae. Aqjeq mirnae aernar-aq, aqyawf daqdzeur ordzeurghaq ngae, daef-eu jeq-euq shuir uqkhov za taef-a. Shuir uqkhov khoer-aq, aqyawf-anr gaq-eu tsawrhaq deuq-anr bif ma laer Miqyaer nae sarjax dzaqtaq-euq shuir uqkhov mae.

Panmaeq 21:3

Khoerngae, ngar, mq-anr nae tersar yawkhav-aer heulof-aer ngaeqdov lef-eu gar yagaq-euq ma: “Hawsher-eq. Miqyaer-euq jawrduq, tsawrhaq jawr-eu gar javle-euq mae. Aqyawf, aqyawfmaf naeq-aer jawr-awr, aqyawfmaf, Miqyaer-euq zaq pyeuflar taef-a. Miqyaer, aqyawfghaq, aqyawfmaf naeq-aer jawr-awr, aqyawf maf-euq Miqyaer pyeuf taef-a.

Panmaeq 7:16

Aqyawf maf-aq, dzaqdzaq dawrdawr maqpar maef-aer, nanrma hawr-eu yawsaf yawlanr khawf, aqyawf maf-anr maqcoeq maqciv-ar.