Luˇkaꞈ 6:19 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Tsawrhaq armaf dawqtawvluf, aqyawf-anr ya toeqcivni laejae-eu mae. Aqjeq mirnae aernar-aq, aqyawf-euq lafkhoer nae baoq dovle-awr aqyawfmaf dawqtawv luf-anr bi taqler-euq mae.

Akha

¹⁹ Tsawˇ haˬ aˇ maꞈ dawˬ tawˆ luꞈ, aˬ yawꞈ-ahˇ ya toeˬ tuˆ ni leh jeh-eu meh. Aˬ jeˬ miˇ neh ehˇ naˇ, aˬ yawꞈ-euˬ laꞈ kʼoeˇ baoˬ doˆ le-awˇ, aˬ yawꞈ maꞈ dawˬ tawˆ luꞈ-ahˇ naˇ gawˇ bi taˬ leˇ-eu meh.

Luˇkaꞈ 6:19 ပူးပေါင်းရင်းမြစ်များ

Maꞈtehˬ 14:36

Nar-eu tsawrhaq khoerdeuq, Yeqsur-anr aqyawf-euq paerkhanq paerdanq-anr taef-aer khawf, bi toeqciv naeqlaf-awq laer shar-awr khar toeqciv-euq tsawrhaq taqler jir-euq mae.

Maˬkuˆ 3:10

Aqyawf, tsawrhaq ghawqmya ni-anr lavtaq naeq-euq mirnae, shaqzanq nargawr myaq-eu tsawrhaq dawqtawvluf, aqyawf-anr ya toeqcivni, aqyawf jawr-eu gar tan’urler luf-eu mae.

Maˬkuˆ 5:30

Khoerngae, Yeqsur tiqpov taef-aer aqyawf-euq lafkhoer nae baoq dov-ir-euq mir-a laer siqler-awr, tsawrhaq armaf mafma-euq ghanrcae narkhan paw ciqpyawr-awr nae narhaq-eu, “Ngaq-euq paerkhanq-anr toeqciv-euq aqsur ghaq la?”

Maˬkuˆ 6:56

Yeqsur khar irkeuv-euq pudeuq-anr, meuqdeuq-anr, yarkhanq yarlawq deuq-anr, aqcawq uiqlar duq-anr, nar-awr gawr-eu tsawrhaq-anr baftaq lar-awr, nar-awr gawr-eu heudeuq, nawq-euq paerkhanq paerdanq-anr taef-aer khawf bi toeqciv-awq laer Yeqsur-anr tanqshar-eu mae. Khoernar-aq, aqyawf-anr khar toeqciv-euq tsawrhaq dawqtawvluf taqler-euq mae.

Maˬkuˆ 8:22

Khoernar-aq, aqyawf, Baeqdzerdaq-anr irkeuv-euq mae. Tsawrhaq tiqdeuq myavbaef tiq ghaq-anr sheuqlaf-awr, aqyawf-anr bi toeqcivni Yeqsur-anr tanqshar-eu mae.

Luˇkaꞈ 5:17

Tiqnan, Yeqsur maeqnaeq tsovnaeqluf ngae, Paqliqsaer deuq hawr-eu zanrdawq maeq-eu tsawrhaq deuq gardzer paw nuirluf-eu mae. Aqyawf maf-aq, Yeqlursaqlaeq, Gaqliqlaer mirkhanq hawr-eu Yurdav mirkhanq-euq lafkhoer jav-eu pu dawqtawv luf-anr nae oe-eu mae. Aqyawf-euq lafkhoer, nar-eu tsawrhaq-anr lavtaq nya-eu Sanqpaq Miqyaer-euq baoq anr-eu mae.

Luˇkaꞈ 6:18

Naef yawjawf deuq nae bikhaeq bikhav-euq tsawrhaq deuq khawf taqler-euq mae.

Gʼaˬkʼehˇ 19:12

Khoermirnae, Pawrluv-euq mawrdo-anr nae lafsiv maqngeur nar-aq, tsanrghaq-eu saqpar, nar-awr gawr-eu deuq jawr-eu gar yurghae-awr ghovdavnaeq ngae, nargawr taqler-awr, naef yawjawf deuq khawf dov-ir-eu mae.

1 Beˬtuˆluˆ 2:9

Aerkhawf, nawmaf-aq, Miqyaer nae tserdov taq-euq heuzir-euq tsawrhaq pyeuf-awr, sanqpaq hawr-eu pirma pyeuf-eu uqtaf, shawr-eu tsawrjeuq tsawrca pyeuf-awr, aqdir Miqyaer-euq tsawrhaq pyeuf-eu mae. Khoer-aq, Miqyaer nae mr-euq jaceuq paq-aer ghae-eu garkawv, dawqdzawr bimr-eu laer nawmaf-anr yawzanr-euq lafkhoer nae kurdov-awr, zanqler paq-aer ghae-eu yawshaef-euq lafkhoer sheuqur naeqlaf-euq mae. (Isy 43:20-21; Di 19:6)