Luˇkaꞈ 6:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Uqbya byalar ngae, aqyawf, zaqlanr deuq-anr kurlaf-awr, aqyawf, aqyawf maf-euq lafkhoer nae 12 ghaq tserdov-awr, aqyawf maf-anr ghaqkhaer laer kurnaeq-euq-aq heudeuq mae:

Akha

¹³ Uˬ bya bya laˇ ngeh, aˬ yawꞈ-euˬ zaˬ lahˇ deuˬ-ahˇ kuˇ-awˇ, tseˇ nyiꞈ gʼaˬ tseˇ doˆ-awˇ, gʼaˬ kʼehˇ lehˇ myahˇ nehˬ-euˬ meh.

Luˇkaꞈ 6:13 ပူးပေါင်းရင်းမြစ်များ

Maꞈtehˬ 10:2

Ghaqkhaer khoer 12 ghaq-euq tsawrmyanr-aq heulof-aer mae: yawbae ghaq-aq, Sirmoq (Beqtuvluv laer khawf kur-eu mae) hawr-eu aqyawf-euq aqnyir Aqdaeqlaeq, Zeqbeqdaer-euq zaqyo Yaqkov hawr-eu Yaqkov-euq maernmr Yorhaq,

Maꞈtehˬ 19:28

Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, yawqjeq navluf yawshuif parlar-awr, Tsawrhaq-euq Zaqyo, aqyawf-euq yawshaef khanqsaer huiq-eu nuirmanq-anr nuir ngae, ngaq-euq maeqnan cantae-eu nawmaf khawf, nuirmanq 12 manq-anr nuir-awr, Irsaqleqlav tsawrjeuq 12 jeuq-anr yarkhaq yadar taef-a.

Maꞈtehˬ 9:36

Yeqsur, tsawrhaq armaf mafma deuq-anr ya’mawr ngae, aqyawf maf-anr ghawqshaq gaq-eu mae. Aqjeq mirnae aernar-aq, aqyawf maf-aq, bo-eu ghaq maqjawr-aer caevbyav taq-euq yawr lof-aer dur-awr ghaq baqluf-eu mae.

Maˬkuˆ 6:30

Khoerngae, ghaqkhaer deuq, Yeqsur jawr-eu gar ghofuiq lar-awr, aqyawfmaf nae mr-awr shar-euq, maeq-awr tsov-euq jeq dawqtawvluf, aqyawf-anr dzawrnaeq lar-euq mae.

Maˬkuˆ 6:7

Khoerngae, Yeqsur, ghaqkhaer 12 ghaq-anr kurlaf-awr, danqbae-awr nyiq ghaq tiqpaw, nyiq ghaq tiqpaw-aer bi’ir ngae, aqyawf maf-anr naef yawjawf deuq-anr ghaqler-eu aryaq bifnaeq-euq mae.

Luˇkaꞈ 11:49

“Khoermirnae, Miqyaer-euq zaqsiq tsawrganr-euq dawq aer-eu, ‘Ngar, aqyawfmaf jawr-eu gar ngaq-euq gharduq ngaeqdan-eu tsawrhaq hawr-eu ghaqkhaer deuq-anr bi’oe ngae, aqyawfmaf, aqyawfmaf tiqpavnav deuq-anr saef-awr, tiqpavnav deuq-anr khaeqnaeq khavnaeq taef-a.’

Luˇkaꞈ 22:30

Heulof-aer bif-eu-aq, nawmaf, ngar uvlanr-eu mirkhanq-euq lafkhoer, ngaq-euq hawqje-anr jawq-awr, dzaqtaf dawrtaf-awr, dzoeqdzaq-euq nuirmanq-anr nuir-awr, Irsaqleqlav tsawrjeuq 12 jeuq-anr yarkhaq bidar-eu gharduq ma.”

Luˇkaꞈ 6:14

Beqtuvluv laer Yeqsur nae myanrnaeq-euq Sirmoq, aqyawf-euq maernmr Aqdaeqlaeq, Yaqkov hawr-eu Yorhaq, Pirlirpuv hawr-eu Baqtawrlaqmaer,

Yoˇhaˬ 4:33

Khoerngae, zaqlanr deuq-euq yawkaq tiqghaq tirghaq aer-eu, “Tsawrhaq tiqghaqnav nae aqyawf-anr tiqjeqpaq bidzaq-euq nga laq?”

Gʼaˬkʼehˇ 1:13

Aqyawfmaf meuq-anr ghofkeuv-ir-awr, aqyawfmaf yaf-eu laftav tiv-euq kuvlawv-anr ledav-euq-aq heudeuq mae: Beqtuvluv, Yorhaq, Yaqkov, Aqdaeqlaeq, Pirlirpuv, Tormav, Baqtawrlaqmaer, Maqtaeq, Aqlaqpaer-euq zaqyo Yaqkov, Sirmoq Zeqlur hawr-eu Yaqkov-euq zaqyo Yurdav.

Eˇpeˇsu 2:20

Nawmaf-aq, ghaqkhaer deuq hawr-eu Miqyaer gharduq ngaeqdan-eu deuq nae dawqpaeq baetaq-euq gar tsovtsaf davlef-euq nymr mae. Yeqsur Kali-aq, lafcoer-euq lozif pyeuf-eu mae.

Eˇpeˇsu 4:11

Aqyawf, tiqghaq nav-anr ghaqkhaer bigeuf-awr, tiqghaq nav-anr Miqyaer gharduq ngaeqdan-eu tsawrhaq bigeuf-euq mae. Tiqghaq nav-anr guiqlanqdawq maeq-eu tsawrhaq bigeuf-awr, tiqghaq nav-anr saqlaq bigeuf-euq uqtaf, tiqghaq nav-anr maeqzaq bigeuf-euq mae.

HeˬByehˇ 3:1

Mq-euq khoertav nae bikur-euq gar taf-eu shawr-eu aqyuif aqnyir deuq-or! Aqyawf-aq, Ghaqkhaer hawr-eu Pirma yawhuiq ghaq mae laer, aqdui aerdov-eu Yeqsur Kali-euq garkawv sharnoeq sharsawx haw-awq.

2 Beˬtuˆluˆ 3:2

arhu, shawr-eu Miqyaer gharduq ngaeqdan-eu deuq nae aertaq-euq dawq hawr-eu, Kakhof-eu ghaq pyeuf-eu Sanqpaq Yeqsur-euq ghaqkhaer pyeuf-eu nga’maf nae bif-euq dawqdeuq-anr khawf, maqbi ngaer-eu gharduq ma.

Panmaeq 12:1

Khoernar-aq, ngar, mq-euq khoertav huiq-eu bisiq bimawr-eu jeq tiqjeq-anr ya’mawr-euq ma. Zaqmiq aqbur tiq ghaq nanrma dm-awr, bala-anr nawqtaeq-awr, aqguir 12 siq tsof-eu shuir uqkhov khovtaq-euq mae.

Panmaeq 18:20

“Mqtav mirkhanq-or! Meuq heumeuq byov-ir-euq mirnae laqkhaq caer-awq. Nawmaf, shawr-eu ghaqkhaer hawr-eu Miqyaer gharduq ngaeqdan-eu deuq khawf laqkhaq caer-awq. Aqjeq mirnae aernar-aq, nawmaf-euq gharduq Miqyaer, aqyawf-anr janrkhof naeq-euq mae!”

Panmaeq 21:14

Meuq-euq lanr khoerlanr-aq, zeurdanr khaqlo 12 siq-euq khoertav ciqtaq-euq mae. Zeurdanr khaqlo-euq khoertav, Yawrzaq-euq ghaqkhaer 12 ghaq-euq tsawrmyanr boftaq-euq mae.